الموضوع: مشكلة المياه الاربة فى سيفيك 90

المشاركة الأصلية كتبت بواسطة SAMEH_FOUAD

معنى ان المياة تروح للقربة وهية بتغلى , دية ليها سببين :
1- ان المروحة ضعيفة او بتفتح متأخر او مش شغالة اصلا
2- الريدياتير ضعيف جدااااا

طيب انت غيرت تقريبا كل حاجة فى دورة التبريد

يبقى انا لازم اعرف الاول هل المياة عندك بتنقص ؟ عشان لو بتنقص معناة ان دورة التبريد عندك فيها هوا نتيجة لنقص المياة فلازم تعالج التسريب دة

تانى حاجة انت قولت حاجة مهمة جدااااااااا ان بعد القصة دية مابتحصل المروحة بتشتغل ( ودة السبب الرئيسى فى المشكلة وسبب غليان المياة , فانت عندك المفروض حاجة اسمها ثيرموستات المروحة نفسها ودية لو انت ماتورك ال 1500 بتاع موديل 90 , يبقى هتلاقى الثيرموستات دية من خلف المحرك عند ماسورة المياة من ورى فكها وهات زيها بس بتفتح بدرى شوية لان ممكن يكون انت جايب ثيرموستات بتتفح متأخر وهية اللى عاملة المشكلة دية فهات بتاعتك 88-91 درجة بحيث انها تفتح بدرى شوية

تمام يا سامح هغير الترموستات واشوف الدنيا كنت عاوز اسال برضه هل غطاء الريداتير ممكن يكون سبب بمعنى ان الغطا اللى راكب الصباع بتاعه اللى بيبقى جوة زور اليداتير قصير هل اغيره واجيب غطا بزور اطول ولو عاوز اخد هوا للدورة اخده ازاى