| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية reddragonmezo

    رقم العضوية : 116768

    تاريخ التسجيل : 15Nov2011

    المشاركات : 208

    النوع : ذكر

    الاقامة : مصر

    السيارة: Shahin 2001

    السيارة[2]: Beetle 1970

    دراجة بخارية: Nissan Sunny 2016

    الحالة : reddragonmezo غير متواجد حالياً

    افتراضي تغيير زيت فتيس نيسان صنى n17 اوتوماتك خارج التوكيل - Facebook Twitter whatsapp انشر الموضوع فى :

    hasad">

    قبل ما ابدا بشرح اللى عملته بالضبط حابب افكركم بموضوع كنت كتبته عن حكايتى مع العربية من يوم ما اشتريتها بس كنت نسيت اذكر نقطة تغيير زيت الفتيس لاول مرة عند الـ 40000 الف كيلو
    طبعا وقتها التوكيل كان عايز يعمل صيانة العربية بحوالى 4000 الاف جنيه (مبلغ مبالغ فيه جدا)
    بعد بحث طويل وقراءة فى منتديات عربية واجنبية ومشاهدة فيديوهات للصيانة فتيس النيسان (عربى - اجنبى)
    وصلت لنتيجة ان حتى الغرب كله مش ملتزم انه يستخدم زيوت نيسان الاصلية زى ما نيسان عايزة تعذبنا ولازم نستخدم السوائل الاصلية بتاعتهم واكيد احنا العرب كذلك
    المهم استقريت على زيت وولف atf d iii وتوكلت على الله وقبل ما ابدأ احب اوجه شكر للمهندس عصام غنايم على فديوهاته لصيانة الفتيس لانها بجد كانت مفيدة جدا
    اولا لازم العربية تبقى باردة طبعا انا ركنتها الخميس وبدات تغيير الزيت الجمعة بعد الصلاه وللاسف اول تغييرة مكنتش اعرف ان ليها طبتين لازم يتفكو علشان الزيت ينزل كله يعنى فكيت طبة واحدة بس نزلت بالضبط 2.5 لتر زيت وحطيت زيت قدهم بالضبط (مفيش اى معلومات مؤكدة حتى لحظة التغيير الاول عن كمية الزيت اللى بتنزل)
    وقتها العربية كانت ماشية حوالى 42000 كيلومتر
    المهم بعد ماعرفت موضوع الطبة الثانية وانى مغيرتش الزيت كله قررت انى انظف الفتيس على الـ 70,000 كيلومتر
    ونبدا الشرح بالتفصيل
    1- حضرت 4 لتر زيت وولف atf d iii علشان كنت ناوى افك كرتيرة الفتيس واغير الفلتر
    2- سالت على فلتر الفتيس مفيش (ولا حتى فى التوكيل)
    3- زى اول مرة ركنت العربية يوم الخميس وبدات افضى الزيت الجمعة بعد الصلاة
    4- فكيت اول طبة مقاس 19 نزل بالضبط 2.5 لتر زيت
    5- فكيت الطبة الداخلية بمفتاح النكيه مقاس 5 نزل بالضبط 1.25 لتر زيت يعنى المجموع 3.75 لتر زيت
    6- طبعا اتوترت شوية لانى مش عامل حسابى فى زيت بزيادة ولسة مافكتش الكرتيرة والفلتر
    7- توكلت على الله وفكيت الكرتيرة طبعا نزلت زيت وفكيت الفلتر ونزل كمان شوية زيت بالقياس اتضح انهم بالضبط 1 لتر زيت يعنى اجمالى اللى نزل من الموضوع كله 4.75 لتر زيت
    8- جوان الكرتيرة ملزوق فيها ماتحولش فكه لانه رقيق جدا ومش موجود فى السوق زى الفلتر بالضبط
    9- بدات اغسل الكرتيرة والفلتر بالبنزين ونظفت المغناطيس فى الكرتيرة كويس (فيه 2 مغناطيس قوى فى الكرتيرة علشان يلمو رايش تشغيل الفتيس وليهم قدرة استيعابية وبعد كدة زى قلتهم لازم يتنضفوا)
    10- بعد التنظيف والتنشيف كويس ركبت الفلتر (خلو بالكم الفلتر ده ليه حوالى 10 مسامير وفيه 3 اشكال من المسامير فى طويل ومتوسط وقصير )
    11- ركبت الكرتيرة والطبة الالنكيه وبعد كدة الطبة الخارجية مقاس 19
    12- بدات ازود زيت وحطيت الـ 4 لتر وعلشان ماكنتش عامل حسابى ولاتوجد ارقام دقيقة للكمية اللى المفروض تتحط ولا حتى فيه مقاس للزيت اضريت انى انتظر يوم ماحد ما اجيب زيت نفس النوع وبعد كدة حطيت قد اللى نزل بالضبط
    13- دورت العربية وسبتها لما سخنت كويس ورفعت العجلتين الاماميتين وجبت كل النقلات وكل نقلة خلتها حوالى دقيقة
    14- نزلت العربية وطلعت اجربها
    الملاحظات ان الصوت اصبح اكثر هدوء مفيش نقلة بتنتش والسحب والعزم طبيعى
    15- رجعت طبعا علشان اظبط مقاس الزيت من الطبة مقاس 19
    والعربية دايرة وسخنة والفتيس على الـ n تفتح الطبة الخارجية مقاس 19 لحد ما الزيت اللى بينزل منها (يكون سريانة اقل من سريانة اول مافتحتها) بس خلى بالك الطبة بتبقى سخنة جدا والزيت اكيد
    16- بعد ضبط المقاس وقياس الزيت اللى نزل لقيته حوالى نصف لتر يعنى العربية تقريبا كانت محتاجة 4.25 لتر زيت

    طبعا ماكنش ينفع اعمل التقرير ده بعد تغيير الزيت على طول علشان كدة وقت كتابة هذه السطور انا مشيت بالعربية بعد تغيير زيت الفتيس اكثر من 2000 كيلومتر

    واى سؤال انا فى خدمة المنتدى


  2. #2

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,814

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    hasad">

    روعه ................ جزاك الله خيرا .



 

المواضيع المتشابهه

  1. تغيير زيت لانسر شارك خارج التوكيل
    بواسطة daowd405 في المنتدى ميتـسوبيـشى
    مشاركات: 1
    آخر مشاركة: 18-08-2016, 09:28 PM
  2. تغيير زيت ١٠ الاف خارج التوكيل
    بواسطة ahmedPJT في المنتدى نيـــــــــسان
    مشاركات: 5
    آخر مشاركة: 18-06-2015, 11:10 AM
  3. تغيير زيت فتيس جيتا اوتوماتك 2008
    بواسطة pompo2013 في المنتدى فــــولكـــس
    مشاركات: 14
    آخر مشاركة: 20-09-2014, 04:25 PM
  4. تغيير زيت للسريون خارج التوكيل
    بواسطة dogma في المنتدى دايــهاتســو
    مشاركات: 4
    آخر مشاركة: 08-07-2009, 08:11 PM
  5. تغيير زيت فتيس اوتوماتك
    بواسطة Waleed_aboammar في المنتدى زيوت الفتيس
    مشاركات: 1
    آخر مشاركة: 18-12-2008, 01:15 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2