الموضوع: أرغب بإدخال إبنتي لمدرسة داخلية في إحدى الدول الأوروبية تمهيدًا للإنفصال

المشاركة الأصلية كتبت بواسطة lena jo

انا لم اذكر ان هذه المدارس سيئه. عدم انتشارها لا يعني انها سيئه . ما توصفه حضرتك بيئه مثالية طبعا . اما عن العزلة فهي موجودة دون الحاجة لتلك المدارس. الكثير من الكبار و ليس فقط الصغار يعاني من الفارق الكبير بين مبادئه التي تربي عليها و بين ما يراه من فساد في المجتمع و سلوك سئ و لهذا يسعي البعض للسفر ليس لجمع المال و لكن لبلاد اكثر تنظيما و اقل فسادا حتي لا يعاني من هذا الفارق الكبير . ربنا يوفقك لما فيه الخير

اللهم امين ولكِ بالمثل إن شاء الله
ولكن حتى في السفر البيئة صحيح أكثر تنظيمًا لكن فيها أنواع الفساد والسلوكيات المنحرفة
الفارق فقط أنه لديك الخيار ( كبالغ ) أن تذهب للفساد بنفسك أو تمتنع عنه ولن يصلك مايخالف مبادئك بحكم قوة القانون
لكن في عالم القصر يوجد الكثير من المعضلات والتحديات حتى القانونية
فأنا مكبل اليدين عن تقويم بناتي في جزئيات كثيرة وخطيرة جدًا
والنقاش مع الطفل عندما يصل لسن المراهقة يحتاج لشخص دارس جيدًا نفسيته وصبور وحكيم
وبعد النقاش قد لا يقتنع بما تقوله ويفعل مايريد بحكم اعتياده على مشاهدة المجتمع فيراها أمور عادية وأنت صاحب فكر غريب
حتى لو ربيته تربية جيدة تظل المدرسة والزملاء والشارع لهم تأثير فكل شيء يساهم في التربية معك
لكن عند عزلة عن كل تلك السلوكيات لن يألفها ولن يراها بالأساس وسيكبر على مجتمع علمي يطبق مايدرس حرفيًا بعيدًا عن تصرفات البشر المنحرفة
بعد تجاوز سن المراهقة سينطلق للحياة كبالغ واعي تمامًا نظيف العقل والجسد لديه وعي صحي عالي نسبة انجرافه للخطأ قليلة جدًا إن لم تكن منعدمه
فغالبًا السير في طريق غير سوي يبدأ و يحدث في سن المراهقة

المشاركة الأصلية كتبت بواسطة bahaa mohamed

بقالي كتير مش بفتح المنتدي و ده اول موضوع تيجي عليه عيني *_* من وجه نظري التي لا قيمه لها علي الاطلاق اطلاقا والله هذه ابنتك فا افعل فيها ما شات عشان انتا الي حتتحاسب علي ذالك فقط و اري انك لو استحملت قليل حتي تتم 3 سنوات لن تفرق ان تتحمل قليلا حتي تصل علي 6 او 7 كاضعف الايمان و مع احترامي لك اريد ان اعرف اين هوا المكان الذي يوجد فيه هذا العرف و لو كنت مكانك لغيرت هذا العرف

ممكن تتكلم عن نقطة السن بس وتأثيرها على النفسية و كلام موزون ومفهوم
لإن دا كان استفساري مش أكتر ..
ولإن معظم الآباء اللي عندهم أطفال مروا بالسن دا عندهم خبرة بالمرحلة العمرية دي ربما في أكثر من طفل
وسبق ومرت بها إبنتي الكبرى ولكن ربما لإنها كانت الطفلة الوحيدة كانت مدللة
فهي ليست دليل على خصائص هذه المرحلة
لكن مش مقبول تتكلم عن حساب ربنا و العرف دا لإنك متعرفش النظام دا !
هتحاسب على إيه ؟ وليه أغير العرف ؟!
المدرسة خاصة بالفتيات فقط
و الكلاس فيه 4 أطفال من 3 الى 6 سنين
و 8 أطفال من 7 الى 10 سنين و بعدها 10 طالبات في الكلاس الواحد لحد التخرج
مفيش حد هيسمعها لفظ خارج طول حياتها الدراسية
مفيش حد هيمارس عليها أي نوع من التنمر اللفظي أو الجسدي
الطفل يبقى في المدرسة 130 يوم في السنة تقريبًا
( خلالها الزيارة مفتوحة في أي وقت قبل وقت النوم أو وقت المدرسة
وممكن تاخده معاك وترجعه قبل وقت النوم أو تاخده يبات معاك بشرط يروح مدرسته عالوقت )
ومع والديه 236 يوم في السنة تقريبًا
هتحاسب على إيه !
إيه العرف اللي المفروض اتبعه ؟
أوديها المدرسة في مصر وتروح وتيجي يوميًا وتتعرض لأنواع السلبيات والتجاوزات
عشان أبقى متبع العرف الصح في نظرك
حتى في أوروبا المدرسة النهارية حتى لو خاصة بيبقى فيها تحديات
مش هتتحكم في سلوكيات و افكار الأطفال اللي مع طفلك والتنمر منتشر بين الأطفال
و لما يبقى مراهق بينجرف لحفلات ومبيقاش واعي لخطورة الشرب و البلاوي اللي بيسموا بيها نفسهم
غير العلاقات هتلاقيهم بيتجادلوا بس في كونها آمنة ولا لاء !
شايفني هتحاسب عشان متبعتش عرفك!
ومش شايف الملايين اللي ماششين بالعرف السائد واللي بيرموا ولادهم للمدارس الحكومية مش هيتحاسبوا
من وجهة نظري اللي يخلف وهوا مش قادر يحمي ولاده هوا اللي هيتحاسب
محدش يفتكر إني بزايد على أي نوع من أنواع التعليم اللي بيكون في استطاعة الأهل
أنا بس برد على موضوع العرف اللي مش عاجب !