عرض للطباعة
السلام عليكم ورحمه الله وبركاته.
أنا معجب جدا بالبيجو 3008 و لكن ناس كتير تنصحني بالابتعاد عن البيجو نظرا لصعوبة إعادة البيع و مشاكل الصيانة.
الكيا سبورتاج جميله أيضا و لكن غالية بالنسبة إلى إمكانياتها.
لو ممكن نصائح من مالكي 3008 و السبورتاج بالمميزات و العيوب َ للمساعدة على إتخاذ قرار أقرب إلى الصواب.
أكون شاكر لكم جدآ
المستهلك المصرى بينظر اولا واخيرا لموضوع اعادة البيع وبيعتبر السيارة وعاء من اوعية حفظ الفلوس بناء عليه هات الاسبورتاج لو معاك ثمنها عربية جميلة اعادة بيع جيدة جدا قطع غيار وصيانة فى كل مكان
شكرا استاذ احمد علي النصيحة القيمه و لكن لفت نظري جزئين
١- سعر السبورتاج أعلى بحوالي 100000 جنيه.
٢- هل موديل 2015 في البيجو هيخسر كتير بعد 4 سنين مثلا. علما بأن سعر البيجو في حدود 300000.
حرام تدفع 300000 فى عربية بيجو مستعملة ماشية 100000 مثلا هتدخل فى جدول الصيانات الثقيلة
طيب حضرتك شايف لو كانت البيجو ماشية في حدود ٥٠٠٠٠ كم تبقى معقوله.؟
علما بأن الفرق في السعر مع السبورتاج يصل إلى ١٢٠٠٠٠.
3008 الجديد سعره ٤٥٠٠٠٠ و السبورتاج الجديد 560000
لو حضرتك هتجيب مستعمل وضحى وكده كده اعادة البيع غير مهمة بالنسبالك هات ستروين سى 5 نسخة بالكربون من البيجو وسعرها واقع فى المستعمل يعنى لو ماشية 50000 وحالة فابريكة تعمل 240 الف وعلى فكرة عوامل الامان والرفاهية اعلى من البيجو
شفتها.... فظيعة
بس مش كروس اوفر و سعرها في حدود 320 الف لو ماشيه 70 الف
ايه رأيكم في السيارة ستروين
في قطع الغيار والصيانة
وهل يوجد سيارة ستروين كروس اوفر في مصر
مع الشكر
ياباشا كروس اوفر ايه دى وهم دا الكبوت مبيفتحش الا لما تفتح باب السواق امان وهمى وثبات وسعرها واقع فى المستعمل
قطع غيار الستروين هى قطع غيار البيجو هما بس بيغيروا الشبكة الى قدام والستروين تفوق البيجو فى الكماليات والرفاهية والثبات والصاج
أنا متفق مع حضرتك أن السيتروين اكتر من رائعة.
بس بصراحه انا كنت حابب شكل الSUV أو الCrossover و مفيش غير التوسان و السبورتاج و السوبارو أو ندخل في الصيني.
و التصنيع الأوروبي أفضل من الكوري و على الرغم من كدة أرخص في المستعمل بكتير.
فالفكره هي إني حابب ال 3008 بس خايف من الصيانة و قطع الغيار.
لو خليتني في المضمون لازملي 400،000 علشان الكوري المستعملة غالية.
بجد مش عارف اعمل ايه