الموضوع: صيانه الفتيس وعذا الصنيعيه

اولا كل عام وكل رجاله الداتشا نوفا بخير وعام سعيد علينا جميعاً .. ثانيا وسمحوني هحكي بالتفاصيل شويه .. كنت بعد ما فكيت الموتور لعمل العمرة الغيار التاني في الفتيس بقي بينطر رجعت للميكانيكي قالي شوف بتاع فتيس وطبعاً اول ما جه في بالي اني اروحله الاسطي احمد اوفا وفرج لاني مغير الفتيس والكبالن للرينو 9 من حوالي سنه ونص المهم روحتله وقالي الفتيس لازم يتفك لانه شاكك في غوشه او برميل بتاع التاني .. طبعاً مشيت من عنده وروحت لحد بتاع فتيس في عرب المعادي اعرفه وقالي نفس الكلام .. طبعاً الكلام ده بعد ما بيقعدو يحولو مع ظبط العصايه بتاعة الفتيس ويعكو الدنيا المهم توكلت على الله ورحت لفرج (( تبع احمد اوفا لان احمد باشا مش فاضي)) قالي هنشوف ميكانيكي يفك الفتيس من المكنه وانا هصلحلك الفتيس وسحلني وراه لحد عزبه الصعيده عند ميكانيكي رينو المهم الاسطي الخبره مصمم يطلع الفتيس من غير ميطلع المكنه قعد في الحوار ده حوالي 5 ساعات والله ذي مبقولكم كده وفي الاخر الباشا كسري الحامل بتاع علبه البطاريه وطبعا وقع الخزبه بتاعه زيت الباكم والزيت كله بقي في الارض وفك الديسك والاسطوانه وطلع الفتيس باعجوبه وخدو الاسطي فرج يشتغل فيه طبعاً انا كنت سبتهم ومشيت واتصلت على الساعه 11 باليل لقيته بيقفله والدنيا تمام روحتله تاني يوم الصبح لقيته عمال يعافر وطبعا مش عارف يسقط الفتيس والمكنه ركبه قولته عشان ننجز طلع المكنه ونركبه بره ونخلص المهم ربنا هداه وعمل بكلمي وركبنا واطلع جرب هوب نفس العيب ياجدعان حرام والله العيب ده في العصايه وده كان كلمي معاهم من الاول لانه كان شغال تمام قبل ماافك الماتور المهم قعدو حوالي ساعه كمان يظبطو في العصايه التاني يجي الخامس يهرب الخامس يجي المرش يهرب هههههههههههههههههه والله اللي بحكيه ده حصل وفي الاخر ربنا فرجها والدنيا ظبطت مشيت وكنت عايز اعيط من اللي بيحصل فينا من فتي الصنيعيه وقله المعرفه والخبره وفي الاخر دافع فلووووووس والاجازه بتعتي عشتها معاهم في الشارع .. معلش كنت عايز افضفض معاكم شويه .

لا يا باشا بيتصلح والاوتو بيتصلح برضك مين اللي قال الكلام ده؟!
والاسطوانه موجوده وياباني كمان والله والديسك ال ١٨ بوصه بتاع ال ١٢٨ بيركب

وعندي الاسطوانه الياباني لو حد عايزها