عايزين تركبو ال 2009 بالاسعار دي يبقى التوكيل ليه حق والله يعمل اكتر من كدة!!!

يا جدعان انا كنت ناوي لما اغير واشتري زيرو اني اجيب يارس بس بعد الاسعار دي والله متستاهل تتركب انا ايه اللي يخليني ادفع المبلغ ده كله فعربية 1300 عشان بس يباني وانا يبقي فئيدي اركب الماني كمان وبنفس السعر زي السيات كوردوبا او ازود حاجة بسيطة واجيب مازدا 3 فاضية (سيات ومازدا يا ناس والماني كمان!!) وايه اللي يخليني اركب اصلا عربية 1300 عشان اوفر شوية بنزين!! هوفر كام يعني؟؟ يوم مبقى مفتري وبحط بنزين بفترا هوفر 40 , 50 جنيه فشهر؟؟ يعني كام في السنة 600 جنيه؟؟ يعني كام فالخمس سنين 3000 جنيه؟؟
انتو شايفين ان 3000 جنيه على 5 سنين ميسووش متعة انك تركب عربية 1600 وتستمتع بسحب وشدة وقوة موتور ال 1600 وراحته في السفر كمان! ولو في حالة اليارس ممكن انك تركب موتور الماني عفي وبنفس السعر او قريب منها!
يا جماعة دايما فكروا فالحاجة عالمدى البعيد متتسرعوش في اتخاذ قرارت ممكن مع الوقت تندموا انكوا ختوها......
ده كان رائي وانا صرفت نظر عن اليارس بعد الزيادة المبالغ فيها دي وطبعا كل واحد حر في قراره ويا ريت يقولنا رائيه عشان اكيد هيهم وهيفيد الكل وشكرا

انت معاك حق

الكرولا 1300 كان سعرها مقابل امكانياتها مبالغ فيهم جدا

واليارس كمان نفس الكلام في مليون عربيه تحل محلها وبجداااره وارخص كمان

سيراتو النترا اوبترا وزود كمان لانسر وصاني عشان عشاق الياباني ميزعلوش

وكمان المازدا الفاضيه ممتازه

للأسف ..
كلام حضرتك سليم مائة في المائة
و الياريس حتي قبل ما تغلي كان سعرها عليه علامة استهام .. لكن الاجابة المنطقية اللي كانت بتظهر للواحد دائما انها ..ياباني..
دلوقت .. و مع الاسعار دي .. دي اخر اجابة بادور عليها .. و البدائل ..زي ما حضرتك قلت ... موجودة
و ربنا يجعله عامر

معاك حق فى كل اللى بتقوله ده وفعلا السعر زاد وبقى مبالغ فيه اوى

بس تصحيح المازدا يابانى بردوا مش المانى

You are absolutely right

انامعاك اشتري كرطبة ب88 الف 100%
ولايارس ولانيلة انا ركبتها عربية ضعيفة
ومش عارف غالية علي اية
بس فية ناس تحب الفشخرة انا راكب يباني معاك بس الالماني 100%
بدون شك احسن من اليباني وحتي ابل متغلي كان سعرها غالي باردك
ازواق الشعب المصري لما حد يجييب حاجة كلة يجري عليها بدون تفكير حتي ما بيفكرش يغير من تيوتا لتيوت حاجة غريبة

:b4_611::b4_611::b4_611::b4_611::b4_611::b4_611::b 4_611:

إلكوردبا أصلاً ب-١٠٢٠٠٠ و إلناس كلها بطرح للياباني عشان أوطى نسبة اعطال عشان كدة إلناس كلها بطرح للياباني و كمان اديك مثال...من فترة شفت كرسيدا حاجة و تمنين اتوماتيك شغالة تكسي و رجل سألت إذا كان صلاح فيها حاجة ألي ولا إلهوى إلصيانة العادية زيت و كلام مندة...و كمان معروف إن إلياباني أحسن تبريد فالرادياتير و أحسن تبريد فالتكيف و كمان أحب أألك إن أغلب إلامريكان نفسهم يركب إلياباني بس غالي في بلدهم عشان كدة لم بينزل إلخلج أو مصر بيشترو تويوتا أو هنا أو سوبارو أو أي حاجة ياباني و مش بيجب إل-gmc والإلماركت بتاعة بلادهم.

انا متشكر يا جماعة لكل اللي ردو حتى لو تعارضوا معايا فالرائ ويا ريت لو في اراء تانية نسمعها

اقتباس:

---

المشاركة الأصلية كتبت بواسطة moudyman

إلكوردبا أصلاً ب-١٠٢٠٠٠ و إلناس كلها بطرح للياباني عشان أوطى نسبة اعطال عشان كدة إلناس كلها بطرح للياباني و .

---

انا مقلتش اليباني وحش وانا واحد من عشاق المازدا والسوبارو لكن حضرتك شايف ان العربيات اليباني احسن من الالماني؟؟! انا مش مع حضرتك خالص في النقطة دي
زمعنى كدة كمان انك موافق تشتري عربية 1300 ب115 الف لمجرد انها ياباني؟؟

اقتباس:

---

المشاركة الأصلية كتبت بواسطة mohamedbook

انامعاك اشتري كرطبة ب88 الف 100%
ولايارس ولانيلة انا ركبتها عربية ضعيفة
ومش عارف غالية علي اية
بس فية ناس تحب الفشخرة انا راكب يباني معاك بس الالماني 100%
بدون شك احسن من اليباني وحتي ابل متغلي كان سعرها غالي باردك
ازواق الشعب المصري لما حد يجييب حاجة كلة يجري عليها بدون تفكير حتي ما بيفكرش يغير من تيوتا لتيوت حاجة غريبة

---

هههههههههههههههههه الياريس عربية ضعيفة احلى نكتة سمعتها قبل دخول السنة الجديدة 2009 :36_3_10[1]:
مش كل اللى يركب ياريس برضة

العربية اليابانى دائما هى اقل العربيات عرضة للاعطال

يعنى نادر جدا لما تعطل منك

بعكس الكتير من الفبارك التانية الالمانى و الايطالى
اعطالها اكتر

اقتباس:

---

المشاركة الأصلية كتبت بواسطة moudyman

من فترة شفت كرسيدا حاجة و تمنين اتوماتيك شغالة تكسي و رجل سألت إذا كان صلاح فيها حاجة ألي ولا إلهوى إلصيانة العادية زيت و كلام مندة...عشان كدة لم بينزل إلخلج أو مصر بيشترو تويوتا أو هنا أو سوبارو أو أي حاجة ياباني و مش بيجب إل-gmc والإلماركت بتاعة بلادهم.

---

اولا مثال سواق التاكسي مش عامل تستند عليه لأن في ناس انا اعرفها معاها عربيات كوري!! وموديلات اوائل التسعينات وماشية معاهم بدون اي مصاريف زيادة عن الصيانة عشان دي حاجة بترجع لاستعمال صاحب العربية ومحافظته عليعا ومراعته لصيانتها في مواعدها
وال-gmc مش مقياس فين البي أم والمرسيدس والفولكس والسيات والسكودا كل دي عربيات مبيركبوهاش لما بينزلوا؟؟

الياريس ال 1300
واللانسر ال 1300
سعرهم مبالغ فيه بطريقة صعبة جدا
اللانسر ال 1300 المانيول 2009 بقت ب 99 الف
حرام
انا اشترى بيهم
سيراتو اتوماتيك اعلى فئة 102 الف
اوبترا اتوماتيك 97 الف
قرطبة 1400
جين 2 تحففففففففففففة
النترا 1600 مانيول او اتوماتيك اول فئة
حرام بجد الاسعار دى
وعلى رأى الراجل توفير ايه مش الفرق ابن....... اللى يستاهل
انا لو رجع بيا الزمن كنت جيبت النترا وا لانسر 1600
على فكرة انا جايب عربيتى ب 90 الف وهيا حاليا ب 99 الف

ياجماعة انا عن تجربة ركبت الb.m.w وكل الالمانى فى الخليج وعرفت هو ليه سوقه مش ماشى فى الخليج وماشى عندنا احنا "
اولا عربيات اعطالها كتير لان فيها اوبشنز كتير وحساسات وكدة يعنى لازم يبقى فيه مراكز صيانة كتير وفاهميييين وطبعا كله بفلوس""
ثانيا مش مصممة للدول العربية والحرارة العالية وضرورة وجود التكييف ""
النتيجة انها بتسخن وتعمل مشاكل فى الموتور"
منتشرة هنا فى مصر عشان المنظرة والفشخرة لانها مقترنة بالثراء ودى ثقافة الافلام والمسلسلات الفاشلة" اللى بوظت دماغ الشعب المصرى "
اليابانى مفيهوش اللى انا قلته دة" والتوكيل عارف كدة كويس وبيغلى سعر العربية وواثق انها حتتباع"
انا اشتريت يارس 2008 وعمرى مافكرت فى الالمانى لما نزلت مصر
قصة 1300 و1600 دى قصة فاشلة التوكيلات بيضحكوا بيها علينا لان ال300سس مش هما اللى حيدوك الاحساس بالقوة والانتعاش واللى يقول غير كدة يبقى مركبش عربية محترمة """امال البورش والفيرارى تحسسك بايه؟
نصيحة للى عايز يشترى يخليه فى اليابانى اضمن ركوبة ونعومة واعتمادية وجودة وتمنها فيها "ولا تقارن بالكورى او الصينى واللى يقول غيركدة يبقى ميعرفش حاجة"

300 cc يعنى 25% من السعة الاصلية للموتور 1300 وهى نسبة لا يستهان بها فى كفاءة الموتور ..كمان استهلاك البنزين ... الجمارك اعتبرت هذا الفرق وانت عارف الجمارك..........اما الالمانى سمعتة معروفه حول العالم ....امال انت جبت البى ام ليه :)

هو فعلا اجهزه التبريد في والسخونه الياباني رقم واحد على العالم

يعني عمرك ما تشوف عربيه ياباني فيها مشاكل في درجه الحراره والكلام ده

ده بالعكس كان معانا تيرسلا 94 تسيبها واقفه وهي شغاله الحراره تروح للنص

تشغل التكييف العربيه ترجع حرارتها تحت فوق ال c بشويه

اما الالماني فله المميزات الي تميزه عن الياباني واولها الثبات والامان العالي

اقتباس:

---

المشاركة الأصلية كتبت بواسطة معتز

300 cc يعنى 25% من السعة الاصلية للموتور 1300 وهى نسبة لا يستهان بها فى كفاءة الموتور ..كمان استهلاك البنزين ... الجمارك اعتبرت هذا الفرق وانت عارف الجمارك..........اما الالمانى سمعتة معروفه حول العالم ....امال انت جبت البى ام ليه :)

---

انا جبت الالمانى لانه فى دول الخليج رخيص جدا ومحدش بيركبه غير المصريين والسوريين وبرده كانت فكرة الالمانى مسيطرة عالواحد بس بعد ماركبته عرفت ان غلطت انى ماجبتش يابانى من الاول طبعا الالمانى عربيات ممتازة بس انا كلامى على دول الخليج ومصر اللىمينفعش فيهم الالمانى "
الجمارك دى جهة تحصيل فلوس وليست مقياس ان 300سس هى القوة الجبارة اللى حتاخدها من عربية 1600 عن عربية 1300 ولازم تحصل منك فلوس عالزيادة فى فرق سعة الموتور وفهمت الناس كدة ان دى رفاهية بلاحدود وعليها جمارك ورسوم ترخيص دى نظام المحروسة بتاعتنا "

طول ما في ناس بتشتري بالأسعار دي ومعندهاش مشكلة في الزيادة الأسعار حتفضل تزيد سواء بحق او بدون.

العربيات كلها فى مصر بلا استثناء غالية
انا مش شايف ولا عربية تستاهل تمنها من اول ال 128 لحد ال Bm

يا جماعة ده عرض و طلب ...
مالهاش علاقة مين أحسن ..
لو الطلب عالى العربية سعرها يعلى ..
لو الطلب قليل العربية سعرها ينزل ..

this is exactly the opposite. and that is why our country is different. anywhere else when a product sells very well its price goes down because the product well sell more and the profit for sure increase as you lower the price because you will sell more and more.
on the other hand if the dealer does that he might loose his sales because most buyers prefer to pay more to show off.

فى البداية اسعار العربيات فى مصر مبالغ فيها جدا و الفضل للجمارك طبعا
احنا بتنذل لينا عربيات بمواتير غير المصممة عليها اصلا ودة كتير و حدس ولا حرج
الابترا و الانسر حتى الهونداى وغيرة كتير بيتغر المطور بطلب من الستورد علشان الجمارك فى مصر
تكون النتيجة عربيةجديدة على متور اضعف من المصمم لية
على فكرة اليارس برة 1500و ارجع لسيت تيوتا
بي محدش ينكر ان سمعة اليبانى فى مصر ممتاذة و دة اللى مخلى التوكيل يغلى فى السعر و هوة عارف انة اكيد حيبيع

اقتباس:

---

المشاركة الأصلية كتبت بواسطة pharonicking

ياجماعة انا عن تجربة ركبت الb.m.w وكل الالمانى فى الخليج وعرفت هو ليه سوقه مش ماشى فى الخليج وماشى عندنا احنا "
اولا عربيات اعطالها كتير لان فيها اوبشنز كتير وحساسات وكدة يعنى لازم يبقى فيه مراكز صيانة كتير وفاهميييين وطبعا كله بفلوس""
ثانيا مش مصممة للدول العربية والحرارة العالية وضرورة وجود التكييف ""
النتيجة انها بتسخن وتعمل مشاكل فى الموتور"
منتشرة هنا فى مصر عشان المنظرة والفشخرة لانها مقترنة بالثراء ودى ثقافة الافلام والمسلسلات الفاشلة" اللى بوظت دماغ الشعب المصرى "
اليابانى مفيهوش اللى انا قلته دة" والتوكيل عارف كدة كويس وبيغلى سعر العربية وواثق انها حتتباع"
انا اشتريت يارس 2008 وعمرى مافكرت فى الالمانى لما نزلت مصر
قصة 1300 و1600 دى قصة فاشلة التوكيلات بيضحكوا بيها علينا لان ال300سس مش هما اللى حيدوك الاحساس بالقوة والانتعاش واللى يقول غير كدة يبقى مركبش عربية محترمة """امال البورش والفيرارى تحسسك بايه؟
نصيحة للى عايز يشترى يخليه فى اليابانى اضمن ركوبة ونعومة واعتمادية وجودة وتمنها فيها "ولا تقارن بالكورى او الصينى واللى يقول غيركدة يبقى ميعرفش حاجة"

---

معاك 100 %

اقتباس:

---

المشاركة الأصلية كتبت بواسطة NaviGator_13

العربيات كلها فى مصر بلا استثناء غالية
انا مش شايف ولا عربية تستاهل تمنها من اول ال 128 لحد ال Bm

---

كلامك صح 1000 %

و لسه ! .. شركة تويوتا و هى الشركة الاولى بعد ان تعدت مبيعاتها جنرال موتورز الامريكية اعلنت مؤخرا رفع سعر سيارتها لارتفاع اسعار الين اليابانى و لخسائرها الاخيرة التى تعدت المليار دولار !!!!؟ ..

و فعلا جمارك السيارات فى مصر هى الاعلى عالميا رغم تخفيض الجمارك للموقعين على اتفاقيات التجارة العالمية و من بينها مصر و رغم ما يسموه الاصلاح الاقتصادى .. الجانب الوحيد المفيد هو ان تقليل مبيعات السيارات يقلل من زحمة الشوارع او لا يجعلها اكثر سوء.. لكن طبعا هما مش قصدهم كده !

ومالها السيريون يعني ياباني وكاملة ورخيصة

اقتباس:

---

ياجماعة انا عن تجربة ركبت الb.m.w وكل الالمانى فى الخليج وعرفت هو ليه سوقه مش ماشى فى الخليج وماشى عندنا احنا "
اولا عربيات اعطالها كتير لان فيها اوبشنز كتير وحساسات وكدة يعنى لازم يبقى فيه مراكز صيانة كتير وفاهميييين وطبعا كله بفلوس""
ثانيا مش مصممة للدول العربية والحرارة العالية وضرورة وجود التكييف ""
النتيجة انها بتسخن وتعمل مشاكل فى الموتور"
منتشرة هنا فى مصر عشان المنظرة والفشخرة لانها مقترنة بالثراء ودى ثقافة الافلام والمسلسلات الفاشلة" اللى بوظت دماغ الشعب المصرى "
اليابانى مفيهوش اللى انا قلته دة" والتوكيل عارف كدة كويس وبيغلى سعر العربية وواثق انها حتتباع"
انا اشتريت يارس 2008 وعمرى مافكرت فى الالمانى لما نزلت مصر
قصة 1300 و1600 دى قصة فاشلة التوكيلات بيضحكوا بيها علينا لان ال300سس مش هما اللى حيدوك الاحساس بالقوة والانتعاش واللى يقول غير كدة يبقى مركبش عربية محترمة """امال البورش والفيرارى تحسسك بايه؟
نصيحة للى عايز يشترى يخليه فى اليابانى اضمن ركوبة ونعومة واعتمادية وجودة وتمنها فيها "ولا تقارن بالكورى او الصينى واللى يقول غيركدة يبقى ميعرفش حاجة"

---

اولا لو سمحت متتهمش الناس انها مش فاهمه حاجة و حضرتك اللى مش فاهم حاجة
1-الالمانى ازاى مش منتشر فى الخليج و مبيشترهوش غير المصريين؟ دا كلام غلط 100% , الالمانى بيتباع جامد فى الخليج و بيشتريه الخلجيين نفسهم و الفكرة انه غالى جدا يعنى مثلا المرسديس الc180 الصغيرة الفاضية بتبدا من 135 الف ريال فى الاسعودية و فى نفس الوقت الكامرى بتنتهى عند 85000 الف ريال و الاكورد عند 95000 الف ريال ؟
و الفرق بين دى فاضية خالص و صغيرة و موتورها اضغف و اليابانى دول ارخص بكتير و اوسع و full options , فاسعار الالمانى اغلى فى العالم كله لان معظم المركات الالمانى ماعدا فولكس و اوبل مركات غالية جدا , اما اغنياء الخليج فاكبد مبيركبوش يابانى و بيركبوا العربيات الالمانى بس ماعدا لكسس طبعا.
فعلا الالمانى ممكن تكون فى شوية اعطال بسبب الحساسات الكتير و الكلام دا بس مش كتير يعنى كل شوية العربية فى التوكيل مثلا بس لما يحصل عطل او اتنين فى السنة مش دا اللى يخلى حد ميشتريش العربية.
بخصوص الكلام ان العربية مش مصصممة لدرجات الحرارة العالية دا كلام غلط 10000% و علشان كدا بقول لحضرتك متتهمش الناس انها مبتفهمش حاجة و تقول الكلام دا , العربيات الالمانى بتنزل فى امريكا و فى الخليج و بتبقى مصممة لجميع درجات الحرارة و بتتجرب فى دول فيها درجة الحرارة عالية جدا و بتتجرب فى التلج كمان , ازاى يعنى بالعقل مش مصصممة للدول العربية ؟؟ هما بيصمموها لجميع درجات الحرارة علشان تنزل فى العالم كله, اما موضوع النتيحة انها بتسخن و تعمل مشاكل فى الموتور فاحب اوضح بس انها مش 128 علشان تسخن و تعمل كدا.
موافق معاك ان فى جزء من سبب اقتناء المصريين ليها المنظرة و الفشخرة بس برده دا ميمنعش ان فيها تكنولوجيا عالية اوى و حاجات كتير و options مبهرة جداااا مش موجودة فى العربيات اليابانى , دا غير التصميم الفريد بتاعها .
اليابانى = عربيات عملية معمرة بدون تكنولوجيا عالية اوى زى الالمانى اللى بتسبب مشاكل و سعر مناسب جدا.
اما موضوع زيادة تمنها دا فبسببب الين اللى نط جامد اوى فى الفترة الاخيرة , وصل ل 6.10 تخيل , بعدين طبعا ضغط الناس على العربية خلى التوكيل يزود فى سعرها.
اما موضوع ال1300 و ال1600 قصة فاشلة و بيضحكوا على الناس يبقى لازم افكرك بكلمة انت قلتها (اللى يقول عكس كدا يبقى مبيفهمش حاجة) , شوف حضرتك الميتسوبيشى ال1300 و ال1600 الفرق بينهم عامل ازاى و ازاى اصحاب ال 1300 بيشتكوا من ضعفها جدا و ندموا انهم مشتروش ال1600 و خصوصا لو كانت العربية اوتوماتيك و اعتقد اى حد بيفهم شوية فى العربيات لازززم يعرف الفرق بين ال 1300 و ال1600 و يحس بيه لانه فرق رهييييب.
البورش و الفيرارى يحسسوك انك بتطير.
اما بالنسبة للمقارنة بالصينى فاكيد مفيش مقارنة نهائيا , اما المقارنة بالكورى فاعتقد ان حضرتك محتاج تبص على ارقام مبيعات السوق فى مصر و تعرف مين فيهم بيبيع اكتر , يعنى فرق السعر مش كبير لدرجة تخلى ناس متشتريش يابانى لان فى عربيات يابانى اسعرها زى و ارخص من منافسينها الكورى و برده فى ناس بتشترى الكورى زى التيدا اللى ب 110 الف و النيسان الصنى اللى ب 90 الف و اللانسر و غيرها مع ذلك الالنترا مرطرطة فى الشوارع مثلا
لو سمحت متتهمش الناس بالجهل تانى.

اقتباس:

---

المشاركة الأصلية كتبت بواسطة MM_Mohsen

و لسه ! .. شركة تويوتا و هى الشركة الاولى بعد ان تعدت مبيعاتها جنرال موتورز الامريكية اعلنت مؤخرا رفع سعر سيارتها لارتفاع اسعار الين اليابانى و لخسائرها الاخيرة التى تعدت المليار دولار !!!!؟ ..

و فعلا جمارك السيارات فى مصر هى الاعلى عالميا رغم تخفيض الجمارك للموقعين على اتفاقيات التجارة العالمية و من بينها مصر و رغم ما يسموه الاصلاح الاقتصادى .. الجانب الوحيد المفيد هو ان تقليل مبيعات السيارات يقلل من زحمة الشوارع او لا يجعلها اكثر سوء.. لكن طبعا هما مش قصدهم كده !

---

elgamarek fe singapore a3la men masr

اقتباس:

---

المشاركة الأصلية كتبت بواسطة معتز

300 cc يعنى 25% من السعة الاصلية للموتور 1300 وهى نسبة لا يستهان بها فى كفاءة الموتور ..كمان استهلاك البنزين ... الجمارك اعتبرت هذا الفرق وانت عارف الجمارك..........اما الالمانى سمعتة معروفه حول العالم ....امال انت جبت البى ام ليه :)

---

مفيش فرق بين جمرك ال 1300 وجمرك ال 1600 الإتنين جمركهم واحد 40% جمرك من سعر العربيه + 15% ضريبة مبيعات من سعرالعربيه والجمرك معا + 3% رسم تنميه على كل دول = حوالى 65% من سعر العربيه

يا جماعة انا في حيرة دلوقتي انا هشتري عربية بالتقسيط فا عايز اعرف اية الاحسن وعلي فكرة هجيبها اتوماتيك انا فكرت في النيو اكسنت والياريس والريو او الافيو ارجو توضيح الافضل مع العلم انها ستكون اتوماتيك ولكم جزيل الشكر

اقتباس:

---

المشاركة الأصلية كتبت بواسطة som3aa

اولا لو سمحت متتهمش الناس انها مش فاهمه حاجة و حضرتك اللى مش فاهم حاجة
1-الالمانى ازاى مش منتشر فى الخليج و مبيشترهوش غير المصريين؟ دا كلام غلط 100% , الالمانى بيتباع جامد فى الخليج و بيشتريه الخلجيين نفسهم و الفكرة انه غالى جدا يعنى مثلا المرسديس الc180 الصغيرة الفاضية بتبدا من 135 الف ريال فى الاسعودية و فى نفس الوقت الكامرى بتنتهى عند 85000 الف ريال و الاكورد عند 95000 الف ريال ؟
و الفرق بين دى فاضية خالص و صغيرة و موتورها اضغف و اليابانى دول ارخص بكتير و اوسع و full options , فاسعار الالمانى اغلى فى العالم كله لان معظم المركات الالمانى ماعدا فولكس و اوبل مركات غالية جدا , اما اغنياء الخليج فاكبد مبيركبوش يابانى و بيركبوا العربيات الالمانى بس ماعدا لكسس طبعا.
فعلا الالمانى ممكن تكون فى شوية اعطال بسبب الحساسات الكتير و الكلام دا بس مش كتير يعنى كل شوية العربية فى التوكيل مثلا بس لما يحصل عطل او اتنين فى السنة مش دا اللى يخلى حد ميشتريش العربية.
بخصوص الكلام ان العربية مش مصصممة لدرجات الحرارة العالية دا كلام غلط 10000% و علشان كدا بقول لحضرتك متتهمش الناس انها مبتفهمش حاجة و تقول الكلام دا , العربيات الالمانى بتنزل فى امريكا و فى الخليج و بتبقى مصممة لجميع درجات الحرارة و بتتجرب فى دول فيها درجة الحرارة عالية جدا و بتتجرب فى التلج كمان , ازاى يعنى بالعقل مش مصصممة للدول العربية ؟؟ هما بيصمموها لجميع درجات الحرارة علشان تنزل فى العالم كله, اما موضوع النتيحة انها بتسخن و تعمل مشاكل فى الموتور فاحب اوضح بس انها مش 128 علشان تسخن و تعمل كدا.
موافق معاك ان فى جزء من سبب اقتناء المصريين ليها المنظرة و الفشخرة بس برده دا ميمنعش ان فيها تكنولوجيا عالية اوى و حاجات كتير و options مبهرة جداااا مش موجودة فى العربيات اليابانى , دا غير التصميم الفريد بتاعها .
اليابانى = عربيات عملية معمرة بدون تكنولوجيا عالية اوى زى الالمانى اللى بتسبب مشاكل و سعر مناسب جدا.
اما موضوع زيادة تمنها دا فبسببب الين اللى نط جامد اوى فى الفترة الاخيرة , وصل ل 6.10 تخيل , بعدين طبعا ضغط الناس على العربية خلى التوكيل يزود فى سعرها.
اما موضوع ال1300 و ال1600 قصة فاشلة و بيضحكوا على الناس يبقى لازم افكرك بكلمة انت قلتها (اللى يقول عكس كدا يبقى مبيفهمش حاجة) , شوف حضرتك الميتسوبيشى ال1300 و ال1600 الفرق بينهم عامل ازاى و ازاى اصحاب ال 1300 بيشتكوا من ضعفها جدا و ندموا انهم مشتروش ال1600 و خصوصا لو كانت العربية اوتوماتيك و اعتقد اى حد بيفهم شوية فى العربيات لازززم يعرف الفرق بين ال 1300 و ال1600 و يحس بيه لانه فرق رهييييب.
البورش و الفيرارى يحسسوك انك بتطير.
اما بالنسبة للمقارنة بالصينى فاكيد مفيش مقارنة نهائيا , اما المقارنة بالكورى فاعتقد ان حضرتك محتاج تبص على ارقام مبيعات السوق فى مصر و تعرف مين فيهم بيبيع اكتر , يعنى فرق السعر مش كبير لدرجة تخلى ناس متشتريش يابانى لان فى عربيات يابانى اسعرها زى و ارخص من منافسينها الكورى و برده فى ناس بتشترى الكورى زى التيدا اللى ب 110 الف و النيسان الصنى اللى ب 90 الف و اللانسر و غيرها مع ذلك الالنترا مرطرطة فى الشوارع مثلا
لو سمحت متتهمش الناس بالجهل تانى.

---

اولا انا لم اتهم الناس بالجهل
انا اقصد عدم المعرفة بالشىء لان مش كل الناس عارفة كل حاجةانا وضحت وجهة نظرى فى الموضوع
واللى عايز يشترى المانى يشترى كله بتمنه
وعلى فكرة النيسان تيدا مش كورى دى يابااانى""":36_1_58[1]:

اقتباس:

---

وعلى فكرة النيسان تيدا مش كورى دى يابااانى

---

معلش حضرتك اقرا تانى الكلام اللى انا كتبته

اقتباس:

---

يعنى فرق السعر مش كبير لدرجة تخلى ناس متشتريش يابانى لان فى عربيات يابانى اسعرها زى و ارخص من منافسينها الكورى و برده فى ناس بتشترى الكورى زى التيدا اللى ب 110 الف و النيسان الصنى اللى ب 90 الف و اللانسر و غيرها مع ذلك الالنترا مرطرطة فى الشوارع مثلا

---

انا بقول فى عربيات يابانى كتير زى التيدا و الصنى و اللانسر و مع ذلك الناس بتدفع نفس التمن فى عربيات كورى زى الالنترا دا اللى انا كتبته.