الموضوع: النانو والزيت مطلوب راى الخبراء خاصه بوريو

الفيديو ده اتسألت عليه قبل كده...

اللي بنشوفه هنا هو تجربة أحد الإضافات بتاعت الزيت.. والتجربة دي هي أحد الاختبارات اللي الزيوت بتاخد تصنيفها بناء على نتائجها...

والدراسة بتاعت جامعة الملك عبدالعزيز دراسة موثوقة بدون شك... والجامعة محترمة ومن أفضل الجامعات في العالم...
بس الدراسة دي زيها زي أي دراسة علمية في العالم.. بتدرس تأثير حاجة واحدة بس..

زي مثلا لو عملت دراسة عايز تعرف فيها إذا كان أكل طعام معين ملوث ببكتيريا معينة ممكن يعمل مغص ولا لأ...
الدراسة هتشوف حصل مغص ولا لأ... لكن ما بتدرسش تأثيراتها التانية على باقي أعضاء الجسم..

بنفس المبدأ... المفروض إن الإضافة دي بتقلل التآكل اللي بيحصل... على عيني وراسي... بس هو مهمة الزيت هي تقليل الاحتكاك وبس؟؟؟

تصنيفات الزيوت (أكواد الـAPI والـACEA وكل الأكواد الأخرى) مش بتتاخد على اختبار واحد فقط.. إنما بتدخل فوق الـ20 اختبار بدون مبالغة... ونجاح الإضافة دي في الاختبار ده مش معناه إنها مش هتأثر على نتائج اختبارات أخرى..

علشان نتأكد من جودة الإضافة دي لازم نعمل كل تجارب جودة الزيت ونتأكد إن الزيت مش هيتأثر بالسلب في منطقة تانية ممكن تأثر على أداء وعمر الموتور.

احنا مجرد مستخدمين.. ماحناش فاتحين معامل تجارب... وما تنساش إن التجارب ممكن تنجح أو تفشل!!!


ارجع لمواصفات الكتالوج... واختار الزيت المتطابق مع طلبات الكتالوج وبس.. ولا إضافات ولا غيره... وسيبك من أي هري تاني.

والموضوع ده فيه رأيي الشخصي عن كل إضافات الزيوت في السوق..
https://www.nilemotors.net/Nile/492072-a.html (إضافات الزيوت... إيه الحكاية؟)


...