الموضوع: سؤال مهم جدا : تغيير زيت الفتيس و تزويد زيت الباور لسيراتو 2010 أتوماتيك , أرجو الرد

الزيت المطلوب للسيراتو مكتوب في كتالوج العربية في آخر قسم في الكتالوج...

زيت الفتيس اسمه ATF SP-III (أو SP-3)... وما ينفعش تحط حاجة غيره...

للأسف الزيت اللي اتحط عندك مش بتاعها ومش مناسب للفتيس بتاعك...

بس لحسن الحظ... الزيت موجود بسهولة في السوق... وموجود منه كذا ماركة...

فيه زيت ميتسوبيشي اسمه Diamond ATF SP-III ...


شكل العبوة عند ميتسوبيشي بيختلف جدا حسب بلد المنشأ...
دي ياباني

العلبة دي (صنع في تايلاند)

العلبة دي (صنع في الإمارات)


وزيت هيونداي وكيا من إنتاج شركة موبس اسمه SP-III


ما لقيتش زيت ميتسوبيشي ولا زيت هيونداي... ممكن تحط أي ماركة تانية بشرط وجود رقم المواصفة عليها..

بروتون بتنزل نفس الزيت..

وشركة مانول منزلة في مصر بردو نفس الزيت...


على فكرة.. تغيير الزيت ده المفروض يتعمل كل 40 ألف كيلومتر.. حسب المكتوب في كتالوجها...


ملخص الكلام... ما تشغلش بالك بالماركة ولا بلد المنشأ...
مادام العلبة مكتوب عليها اسم المواصفة SP-III.. حطها وانت مطمن... من أي ماركة ومن أي بلد


...