-
انا تجربتي اقدم شوية
كان في موقع مش هاقول اسمه كان زي نايل كدة بس سخافتة انك لازم تدخل من رقم تليفون وماكنتش اعرف ادخل علية غير من البيت
قعدت معاهم كتير قوي وكنت بحبهم زيكم كدة بس ماكنش في كنترول
وكان في ناس من الخليج تدخل تشتم وحاجات قلة ادب
بعتلهم كتير ماكنوش بيهتموا عشان اهم حاجة الفلوس
سيبتهم ورحت كونتاكت اللي كنت عارفها وكان نايم خالص ومشاركات هادية جدا ومفيش حد بيشارك قوي غير واحد اسمه بلال والعبد لله والكلام ده كان في مارس وابريل 2006
مع بداية شهر 6 زادت مشاركاتي جدا وخاصة لما جبت العربية الريو وكتبت موضوع اني وصلت بيها لسرعة 192 اللي قلب كونتاكت وبعد كدة ظهور سبعاوي باشا وبقيت القصة اللي انتم عارفينها
-
لا انا بقي عرفتو من واحد صاحبي من الشركة هنا
انا في شركة اي تي سوفت
المنطقة الحرة مدينة نصر
-
انا بقى كنت بدخل على كونتكت من وقت لاخر وبتصفح اعار السيارات المستعملة اللي كان شئ خيالي في نظري ! تسمع عن عربية سكودا مو 95 ماشية 250 الف كم ورشة برة ومطلوب فيها 40 الف جنية وحاجات غريبة جدا!
في مرة قلت اشوف منتدى كونتكت بصراحة ماارتحتش لطريقة ال browsing وبالصدفة لقيت واحد كاتب سطر عن نيل موتورز وعليها وانا عضو في المنتدى الجميل دة! وكمان حيبقى معايا استيكر المنتدي يوم الخميس ان شاء اللة
-
انا عرفت الموقع ده من contact cars انا ماكنتش متابع contact بس انا دلوقتي متابع الموقع ده .......... Peace
-
اظن اغلبية الناس وانا منهم عرفوا الموقع ده خلال الرسائل فى كونتكت
-
انا برده كنت بادخل على كونتكت كار و بعدين عرفت ان نايل موتورز ها يفتتح و جيت سجلت و لقيت ناس محترمة جدا وفاهمة وعجبنى جدا الجو فى المنتدى و بقيت يوميا ادخل على المنتدى و اتعرف على الجديد و محاولة الاستفادة و الافادة اذا امكن
-
أنا أيضا عن طريق أعلان فى كونتاكت و لحسن حظى طبعا :D و من ساعتها لا أزور كونتاكت خالص , ده هنا عالم تانى خالص و ربنا يديم المعروف و المنتدى يرتقى كمان و كمان :)
-
-
-
انا بقى كنت مداوم على موقع سيارات مصر و لما كترت فيه الشتايم و السباب و السباب بين معتنقى الديانات تركته و خلال بحثى لشراء سارتى الأولى الفرنا بالتقسيط عرفت كونتاكت من إعلان ليهم فى جريدة الأهرام فى سبتمبر 2004 و توجهت ليهم و منهم خدت اللينك بتاعهم على النت و ما اشتريتش من عندهم لأنهم ما كانوش بيغطوا منطقة شغلى فى بورسعيد و بدأت أكتب عن الفرنا فى كونتاكت من أول أكتوبر 2004 و كنت بادخل بأسم تانى غير الإسم الحالى و بعدين لقيت ناس بدأت ترد على بعضهم يشتم و بعضهم يمدح فتركت كونتاكت فترة طويلة حتى منتصف 2005 و رجعت أكتب فيه تانى بس بدأت أكتب عن سيارات أخرى غير الفرنا و خصوصا اللى موجودة مع صحابى مميزاتها و عيوبها و تانى بدأت ناس ترد بالمدح و ناس تشتم فتوقفت هتى نهاية 2005 و بدأت أخش تانى مع بدايات 2006 و بدأت تظهر كتابات لسبعاوى و كريم منير اللى كنت بحب اقراها جدا و حبيتهم هما الإثنين من غير ما أشوفهم و حسيت إنهم ناس محترمين و بدأت أكتب تحت إسم أبو عبدالرحمن لغاية ما فى يوم دخلت على بتوع مازدا و عملت مقارنة بن مازدا 3 و الجين 2 و كانت الطامة الكبرى حيث تلقيت سيل من الشتائم و الميلات التى تحوى كثير من التجريح كما لو كنت سببت و الدة أى أحد.
إمتنعت عن المشاركات تانى لحد لما بدأت فكرة بيع عربيتى الفرنا و شراء عربيتى الجديدة الواجا. فى سبتمبر 2006 . و بعدين بعتها فى الآخر لعز العرب و خت الواجا. و طبعا خسرت فيها كتيير بسبب تخفيضات غبور المستمرة لسعرها.
و بعدين حضرت مقابلة العبور الولى اللى كانت فيها فكرة تأسيس المنتدى و بدأت المشاركة فيه منذ بدايته و أول مشاركة فى قسم البروتون كانت ليا و على فكرة بردوا أنا السبب فى عمل منتدى لبروتون على كونتاكت.
و دى كانت حكايتى مع السيارات منذ عام 2004.
طولت عليكم مش كده. :mrgreen:
:lol: 8) :lol:
Content Relevant URLs by
vBSEO 3.6.0 PL2