نصيحة واجبة لكل من ينوي التأمين على السيارة ..

**chato_eg** · 12-12-2008 11:17 AM

المشاركة الأصلية كتبت بواسطة polo61

سؤال بس تأمين كونتاكت له فرع فى اسكندرية ؟ ولو فيه مكانه فين ؟
كل سنة وانتو طيبين

نمرة "کونتاکت" 16177 ...حضرتك ممكن تكلمهم و تسألهم

**polo61** · 12-12-2008 12:17 PM

المشاركة الأصلية كتبت بواسطة chato_eg

نمرة "کونتاکت" 16177 ...حضرتك ممكن تكلمهم و تسألهم

اشكرك وبارك الله فيك

**chato_eg** · 12-12-2008 03:21 PM

المشاركة الأصلية كتبت بواسطة polo61

اشكرك وبارك الله فيك

العفو...على إيه

**mohamed el hussien** · 15-12-2008 03:47 AM

المشاركة الأصلية كتبت بواسطة chato_eg

یا افندم مع احترامى الشديد...أنا مأمن معاهم من شهر و هى دى الشروط بتاعتهم دلوقتى.....
أنا عارف إنهم بيحاسبو التأمين و مافيش حاجة اسمها نسبة اهلاك.....لكن مسألة الحادثة الأولى من غير تحمل و الثانية 15% و الثالثة و الباقيين كلهم 25% دى هى الواقع الآن و التفسير اللى ردو بيه إن مش كل واحد عربيته اتحكت حاجة بسيطة يروح يغرمهم 700 جنيه فى التوكيل و هى ممكن تتعمل بره ب 200 جنيه..!!!
الحقيقة الكلام ده فى شىء من الصحة أنا شفت ناس فى التوكيلات بيروحو بعربياتهم اللى لسه بتلمع ( فى حالة الزيرو) و عايزين يدهنوها...!! علشان حكة و التوكيل هما اللى بيحاولو يقنعوا الزبون إن الموضوع مش مستاهل أبدا و هو مصر بشدة و طبعا لإنه مش دافع حاجة....و ده أثر بالسلب على عموم الناس للأسف و شركات التأمين الأخرى أضافت مصاريف بمسميات غريبة على كل حادث تعمله ( نوع من التأكيد على الجدية )

يا باشا انا مدخل عربيتي السنة دي 3 مرات التوكيل ومدفعتش ولا مليم

**chato_eg** · 15-12-2008 09:57 AM

المشاركة الأصلية كتبت بواسطة mohamed el hussien

يا باشا انا مدخل عربيتي السنة دي 3 مرات التوكيل ومدفعتش ولا مليم

جايز حضرتك قمت بالتأمين معاهم قبل قيامهم بتغيير سياستهم ...أنا لسه مأمن معاهم فى شهر نوفمبر...
و على كل ربنا يسمع منك و أطلع أنا اللى غلطان...أنا شخصيا مش عايز أدفع لا 15 و لا 25 .....إنما بس حبيت أوصل للناس الكلام اللى اتقال لى و أنا بأتعاقد معاهم

**amirhamed** · 15-12-2008 10:05 AM

شكرا على النصيحه

**Amrrr** · 15-12-2008 01:31 PM

شكرا على النصيحة انا مجرب الجمعية ومقرفيييييييييييييييييييي يييييييييين

**shady_elkady** · 15-12-2008 01:39 PM

على فكرة من اول شهر يناير معظم شركات التامين هترفع نسبة التامين و اولهم شركة مصر للتامين كانت 2%+مصاريف ادارية هتبقى 3.5%+مصاريف ادارية و لو انت مامن معاها و حبيت تجدد لو مصرفتش اى شيكات خلال الوثيقة هتدفع على السعر القديم

**chato_eg** · 15-12-2008 03:31 PM

فعلا شركات تأمين كتيرة زودت نسب التأمين و غيرت من بعض الشروط....أعتقد إنهم أعلنوا إن التغييرات هتحصل فى يناير لكن واقع الحال من خلال تجربتى و تجربة صديق لى بتقول إنهم نفذوا فعلا....
زيادة تأكيد إن كلامى مش موجه ضد شركة " كونتاكت " ، ده موضوع كان مفتوح فى قسم رينو و من ضمن الأمور اللى فيه كنت طالب مساعدة الأخوة الأعضاء فى إيجاد أفضل شركة تأمين....
هانى محمد

**Silver_Arrow** · 18-12-2008 12:52 PM

موضع كونتاكت فيه لخبطة
الاول كنت بتتحمك كل حاجة أي عدد من المرات من غير أي تكلفة.
دلوقتي كلام ال- ١٥ ٪ & ٢٥ % مكتوب في المنيوال ، بس مش عرف بيطبق ولا لأ !!
هما نفسهم مش عارفين .
المشكلة إن مفيش عقد للتامين ، هو المانويل بتاع التامين بس.
عامةٍ هما شركة متحرمة ، أنا العربية دلوقتي ودثا تتصالح من خبطة وهنشوف أيه الاخبار في الاخر .