ربنا يهدي نفوس الناس وطبعاً مش هبرر وأقول بسبب الوضع الأقتصادي هو أكيد عامل مسبب بس فين كرم أخلاق المصريين وفين الرضا بالرزق والعيشة وهأرجع وأقول ربنا يهدي النفوس .
عرض للطباعة
ربنا يهدي نفوس الناس وطبعاً مش هبرر وأقول بسبب الوضع الأقتصادي هو أكيد عامل مسبب بس فين كرم أخلاق المصريين وفين الرضا بالرزق والعيشة وهأرجع وأقول ربنا يهدي النفوس .
اتفق مع الاخ بيموكلار هذا فعلا ليس حقد هذا سلوك غير سوى
فى اول يوم العيد ماشى فى جسر السويس فى امان الله وعند الالف مسكن بهدى للناس علشان تعدى
وهذه عادة فيه مه انها تعمل لى مشاكل مع اللى وريا لانه مبيتوصاش كلكسات
المهم انا احب ان ارفق بالمشاة وانتظر ان يعدوا
ولن يفرق الامر دقيقة او نصف دقيقة انتظرها
المهم واقف ومنتظر الناس تعدى وجدت ثلاث صبية ماشين مع بعض حوالى 13 عام المهم منهم واحد بص لى وقام بصق على الزجاج بتاع العربية ههههههههه
بدون اى سبب مع انى واقف منتظره يعدى
وسبحان الله فعلا على هذه السلوكيات
للاسف الشعب المصري بقى مليان عقد و مركبات نقص و بلاوي ما يعلم بيها الا الله..
اعتقد عدم وجود ايمان او وازع ديني او اخلاقي مع غياب العدالة الاجتماعية بالمساهمة مع ازمة البلد الاقتصادية كل ده ادى الى للحالة دي
والله ياجماعة انا كمان حصل معايا موقف ضايقنى جدا
انا طبعى برضه الحمد لله انى استنى الناس تعدى وبراحتهم خالص
مرة طالع من شارعنا وراجل ومراته وعياله معديين الشارع هديت طبعا لحد ما وقفت تماما ونا اصلا مكنتش واخد سرعة لقيت الراجل بيقول لمراته حاسبى الحيوان ده
والله كان هاين عليا انزل ألطشله
ده انا وقفتله عشان يعدى هو وعيلته يكون ده جزائى
وخد من ده كتير وبالذات بقى عشان الواحد لسه صغير وراكب عربية
ربنا يرحمنا وينجدنا من الى احنا فيه
السبب هو حب المظاهر وهى عادة متاصلة فى الشعب المصرى فتلاقى كل واحد عايز يتمنظر وبالتالى لما واحد يكون معاة عربية غالية حبتين لو حصلة حاجة بيكون فى شماتة عند اغلب المارة لانهم بيفتكروة انة كان بيتعالى بعربيتة (وهذا لا ينفى انة فى بعض اصحاب العربيات بيتعالوا بماركات واتمان عربيتهم فعلا. )
واضح كده أن الناس مابقيتش طايقة بعضها.
+ الناس هنا كل واحد فيهم شاغل نفسه بغيره يقعد يبص لده، و يلسن على ده، و يحسب لده، إلخ....
يعني لو كل بني آدم يخليه في نفسه و في شغله و يسيبه من الناس هنبقى أحسن من كده
أنا كمان أول يوم العيد الصبح. واحد وقف قدام العربية و قعد "ينف" في الشارع بعدين مسح إيده في الرفرف الشمال. كبرت دماغي و مشيت
نفس المشوار دخلت في شارع جانبي يعدي عربيتين بالعافية و كان في عربية واقفة و قاعد جنبها ناس راصين كراسي في الشارع. وقفت قبلهم ب 5 متر و استنيت حد يخلي عنده دم و يقوم يشيل الكراسي عشان أعدي. ولا زمرت ولا قلبت نور ولا كبست عليهم ولا حاجة. فين و فين واحد قام و هو يتأفف و بعد ما عديت بصيت في المراية لقيتهم كلهم بيبيصوا ناحيتي و واحد بيضرب كف بكف و تلاقي اللي جنبه بتمصمص شفايف و الحركات دي
مع أن عربيتي مش جديدة ولا حاجة
شباب .. حد جرب يروح هايبر وان , كارفور ..... او اى هايبر ماركت و يكون ماشى بالترولى و حاطط حاجات فيه ؟ اكيد كتير بيعملو كده لغايه كده مافيش مشكله
حد بياخد باله من نظرات تقصى الحقائق الى الناس بتنظرها جوه الترولى علاشان تعرف انتا شارى ايه !!!!!!
شى غريب ! ايه الفضول الى عندك علاشان تعرف انا بشترى ايه ؟
طبعا فى سعات حد بيبص بس مش بيكون قصده او بيكون سرحان ... لكن فى ناس بتكون قاصده و تشوف انتا شارى ايه و تشوف غيرك و هكذا .
من مظاهر الحقد الطبقى امبارح كنت فى " مهمه صعبه " فى دار السلام و انا ماشى شاب ظريف قام حادف حجره صغيره فى نص الشارع قامت متفتته و جايه على ازاز عربيتى !!!!!
فى نفس المشوار ماشى فى شارع ضيق حبة عيال فوق عربيه سزوكى ربع نقل ماسكين عصيان و عمارين يجرحو فى عربيات الناس الى بتعدى جمبهم !
يوم الوقفه راكن العربيه فى السيده زينب و قاعد جواها , اابص فى المرايا لاقى شلة عيال بتاع 15 عيل عمالين يحدفو حصى على العربيات و الاوتوبيسات الى ماشيه . و الناس تشتمهم و هما يضحكو لما لسمعو شتميتهم !!!!!!!!!
[grade="800080 800080 800080 800080"]لا أجد ما أقوله سوي " حسبي الله و نعم الوكيل " لكل ظالم و مفتر علي الناس [/grade]
المشكلة ان الكلام دة كلة صح فعلا وبيحصل واقعيا واكتر من كدة كمان
ربنا يهدي ياباشا
وحسبي الله ونعم الوكيل في الناس اللي تحقد علي غيرها