مظاهر الحقد الطبقي في الشارع المصري

**M.Osman** · 12-12-2008 05:40 PM

كلمة الموجز : الشعب المصري مريض نفسي

**nno1** · 12-12-2008 07:39 PM

المشاركة الأصلية كتبت بواسطة SuccessCre8or

كلمة الموجز : الشعب المصري مريض نفسي

**Ghamrawy** · 12-12-2008 08:16 PM

المشاركة الأصلية كتبت بواسطة MohabSaeed

شباب .. حد جرب يروح هايبر وان , كارفور ..... او اى هايبر ماركت و يكون ماشى بالترولى و حاطط حاجات فيه ؟ اكيد كتير بيعملو كده لغايه كده مافيش مشكله

حد بياخد باله من نظرات تقصى الحقائق الى الناس بتنظرها جوه الترولى علاشان تعرف انتا شارى ايه !!!!!!
شى غريب ! ايه الفضول الى عندك علاشان تعرف انا بشترى ايه ؟

طبعا فى سعات حد بيبص بس مش بيكون قصده او بيكون سرحان ... لكن فى ناس بتكون قاصده و تشوف انتا شارى ايه و تشوف غيرك و هكذا .

من مظاهر الحقد الطبقى امبارح كنت فى " مهمه صعبه " فى دار السلام و انا ماشى شاب ظريف قام حادف حجره صغيره فى نص الشارع قامت متفتته و جايه على ازاز عربيتى !!!!!

فى نفس المشوار ماشى فى شارع ضيق حبة عيال فوق عربيه سزوكى ربع نقل ماسكين عصيان و عمارين يجرحو فى عربيات الناس الى بتعدى جمبهم !

يوم الوقفه راكن العربيه فى السيده زينب و قاعد جواها , اابص فى المرايا لاقى شلة عيال بتاع 15 عيل عمالين يحدفو حصى على العربيات و الاوتوبيسات الى ماشيه . و الناس تشتمهم و هما يضحكو لما لسمعو شتميتهم !!!!!!!!!

أنا لو يمسكونى البلد دى أسبوع واحد بس حلملم الواغش و القذارة دى كلها و أنفيها على جزيرة فى نص البحر أو فى عمق الصحرا أو فى اى مصيبة ما فيش منها رجوع أو أركبهم قطار الصعيد أو عبارة من بتوع الجدع اياه ده أو أسكنهم تحت مقطم أو الجزء الباقى من الدويقة و نخلص بقى و يمكن ننضف البلد يمكن !!!!

**KHALED AYMAN** · 12-12-2008 10:15 PM

لو انت شاب جرب اركن عربيتك و اركب تاكسى و لو شاب عدى من جمب السواق معملوش اى حاجه بس مجرد انه معلى الكاسيت او ماشى بسرعه او من غير حاجه خاااااااااالص هتلاقى السواق يقولك اصل ****جايبهاله و لما يدغدغها هتجيبله غيرها .
ياسلام لو خبط واحد بتاع ميكروباص سواء انت الى غلطان او هو هينزل اول حاجه يقولها هو انت عشان ركبت ملاكى خلاص هتدوس على خلق الله.
لو عربيتك نضيفه و غاليه روح محل اكسسوار او اى حته هتلاقى الحاجه الى تمنها 100 بقت ب 1000 (كله حسب عربيتك).
لو راكب عربيه نضيفه و غاليه تلاقى كله بيبص عليك بنظره غريييييييييبه اكنك سار ق العربيه مش شاريها .
طبعا مش كل الناس كده فى ناس بتقول ربنا يزيد و يبارك او ربنا يديه خيرها و يكفيه شرها.
ربنا يهدى الجميع.

**yahyanaabil** · 12-12-2008 11:10 PM

انا مش مع الحقد طبعا بص على ما أعتقد الناس برضه ظروفها صعبه وفيه كلام من اللى بيقولوه صح يعنى ممكن وانته بتعدى الشارع تلاقى واحد ضربلك كلكس ويقعد يبصلك بقرف كأنك بتعمل جريمه وبرضه فيه شباب كتير بتبقى اهليهم جايبالهم عربيات ومش تعبانين فى حاجه وقاعدين يجروا عمال على بطال ولا فى دماغهم اى حاجه ولما بيعمل حادثه ابوه بيجيبلوه واحده غيرها عادى جدا من الاخر السلوكيات الخاطئه للأخرين هيه اللى بتسبب حقد طبقى والمشكله ان الوحش بتعمم على كل الناس
حكايه بقى الخرابيش والمعاكسات والكلام ده ده سلوك خاطىء مش حقد

**KHALED AYMAN** · 13-12-2008 12:18 PM

كلامك مظبوط ياyahyanaabil بس برده الخطأ موجود فى انهم بيعممو التكبر و التفاخر على كل الى راكب عربيه غاليه و على اى شاب راكب عربيه.و على فكره الحقد ده او السلوك الخاطىء ده جالهم نتيجه ظروفهم الصعبه لان مثلا شاب مش لاقى ياكل يلاقى شاب تانى معدى بعربيه مهما كانت فهى غاليه فى نظر الفقير و طاير بيها و قمه فى التكبر وقله الادب.
ربنا يهدى الجميع و يبعد عننا العيال بتوع المدارس الى بيخربشو العربيات

**MohabSaeed** · 13-12-2008 07:32 PM

المشاركة الأصلية كتبت بواسطة gemino

أنا لو يمسكونى البلد دى أسبوع واحد بس حلملم الواغش و القذارة دى كلها و أنفيها على جزيرة فى نص البحر أو فى عمق الصحرا أو فى اى مصيبة ما فيش منها رجوع أو أركبهم قطار الصعيد أو عبارة من بتوع الجدع اياه ده أو أسكنهم تحت مقطم أو الجزء الباقى من الدويقة و نخلص بقى و يمكن ننضف البلد يمكن !!!!

لو حنعمل كده يبقى محتاجين كل العبارات الى فى العالم و اعتقد مش حتكفى

الله يكون فى عون البلد ديه مش عارف ازاى مستحملانا و مستحمله الى بنعمله فيها

**mada121977** · 13-12-2008 08:00 PM

فعلا كلام معبر عن الواقع اللى بقينا كلنا بنعيش فيه ... الحقد والغل والحسد بقوا منتشرين جدااا وده طبعا علشان بعدنا عن الدين

**Ghamrawy** · 13-12-2008 08:36 PM

المشاركة الأصلية كتبت بواسطة MohabSaeed

لو حنعمل كده يبقى محتاجين كل العبارات الى فى العالم و اعتقد مش حتكفى

على رأيك
QUOTE=MohabSaeed;546870]=""]
الله يكون فى عون البلد ديه مش عارف ازاى مستحملانا و مستحمله الى بنعمله فيها [/COLOR][/QUOTE]

لو بتتكلم على مصطلح البلد المقصود بيه الارض و بس يبقى كلامك صح