مظاهر الحقد الطبقي في الشارع المصري

**ecybrarian** · 11-12-2008 01:26 PM

أولا، يجب أن نذكر أن الحقد الطبقي غير مرتبط بمستوى معيشة الحاقدين. يعني في ناس حاقدة فقراء ومتوسطين وأغنياء أيضا. على كل المستويات. إليكم بعض المواقف

- عربيتك جديدة من غير نمر: تلاقي الشارع كله بيكسر عليك وعامل عبيط. مش بس بيكسر عليك، دول بيحاولوا يخبطوك أو يلبسوك في حاجة.الحل إنك تحسسهم إنك بايع ومش هامك (دي نصيحة سواق في معرض عربيات زيرو)

- عربيتك بفتحة سقف: إلحق أقفلها لو فوقك كبري عليه ناس واقفه. أو أي موقف مشابه. طبعا عارف ليه وإلا هاتلاقي حاجة ادحفت عليك من فوق

- بتركن في منطقة بيعدي عليها طلبة مدارس: نهارك مش فايت. كده عربيتك بقت كلها خدوش بالطول والعرض أحيانا حتى لو راكن تحت البيت. الحل غطي العربية

- عربيتك جديدة ونضيفة وغاليه واتخبطت: تابع تعبيرات البعض في الشارع. تلاقي واحد بيقول: علشان يحرموا يركبوا عربيات بالشيئ الفلاني. واحد تاني بيقول: ما فيش أحسن من العربيات القديمة الظلط. واحد ثالث يقول: الناس دي مفترية بكره يرميها ويجيب غيرها (تلك تعبيرات حقيقية سمعتها من قبل)

- انت فتاة أو ست وبتسوقي: صباح التحرش من غير اقوال. خلي بالك من بتوع التاكسي بيقصد يقف أمامك علشان يبان إنك غلطانة. ويطلع يجعر ويمارس سطوة الذكورية على الغلبانة علشان ياخد 100 جنيه. الحل دائما احرصي على المسافات بينك وبين إللي قدامك، ومتنزليش من عربيتك مهما حصل وخدي نمرة التاكسي وأعملي له محضر تعدي بس ماتروحيش القسم من غير محامي نهائي.

وربنا يستر طريقكم وطريقنا

**MoToRiZeR** · 11-12-2008 01:40 PM

أضف لده لو إنت شاب : أولاَ مهما حصل فا إنت غلطان، و غير إن إنت غلطان فا إنت مش هامك لأن بابا هيصلحلك العربية أو يجيبلك واحدة جديدة ما إنت مش حاسس بتمن العربية عيال أهاليها جايبنلها عربيات و نازلين يلعبوا في الشوارع ولاد ال ....

**Ghamrawy** · 11-12-2008 02:35 PM

ده كده مش حقد طبقى
ده حقد عام
و اضف برضه لده :غلاسة و تباتت ضباط المرور فى اللجان لما يتلككوا

**pro_samir** · 11-12-2008 02:44 PM

ربنا يشفى
بقى الطبيعى بتاع الناس ان اى حد راكب عربية نضيفة انة متكبر وانة بيتنطط عليهم
واسمع بقى ارخم كلام لو معدى فى وسط الناس و غلطت ومديت ايدك على الكلكس
كفاية النظرات حتى اللى بتتبصلك بلاش الكلام
بس احلى حاجة تقفل الأزاز وتبقى باااارد ولا كأن فى حد اصلا حواليك

**ouba2** · 11-12-2008 04:08 PM

ربنا يهدي.....

**hamada_sivo** · 11-12-2008 04:14 PM

المظاهر دى اصبحت واضحة جدا فى مصر كلها و فعلا بتحصل كتيير بس حنعمل ايه ؟؟!!!

**شاهين - بنز** · 11-12-2008 04:19 PM

المشاركة الأصلية كتبت بواسطة MoToRiZeR

أضف لده لو إنت شاب : أولاَ مهما حصل فا إنت غلطان، و غير إن إنت غلطان فا إنت مش هامك لأن بابا هيصلحلك العربية أو يجيبلك واحدة جديدة ما إنت مش حاسس بتمن العربية عيال أهاليها جايبنلها عربيات و نازلين يلعبوا في الشوارع ولاد ال ....

+111111111111111

**blazer** · 11-12-2008 08:39 PM

نسيت انك لو ماشى بعربيه وواحد اتذاكى و وقف قدام عربيتك وقربت منه وهو اللى غلطان
يقوللك( لو مبتعرفوش تسوقوا بتسوقوا ليه ولا هوا انتوا عاوزين تدوسوا على خلق ربنا)