شارع عند سيتي ستارز - اللي ورا الشبراوي & سي آي بي - سواق تاكسي جاي في وشك وتلاقيه بيقفل الطريق بالراحة ومطلع ايده
عملها مرتين معايا اول مرة قاللي ابني وعملية ومعرفشي ايه واديتله من خير ربنا ومشي وبعديها بكام أسبوع وانا ماشي في نفس الطريق- دا طريق شغلي - ونفس سواق التاكسي ونفس التاكسي بيشاورلي بصراحة قلت اقف اشوف هيقول ايه ؟ لقيت نفس الحوار قلتله هو لسة تعبان يا أسطى ؟!! قاللي والله ما حرامي ولا نصاب دا تعبان بجد ولقيته بيفرك وعايز يمشي سيبته للعربية اللي ورايا وتابعته في المراية لقيته وقفله بس برضة مادالوش حاجة ولما جه جنبي بسأله كان عايز ايه قاللي فلوس !!!!
التاني برضة عربية نفس الشكل بس ملاكي وجاي عكس بس المرة دي ماشي عكس يعني في رصيف في النص وهو جاي عكس الطريق في الشارع اللي عند أخبار اليوم في مساكن شيراتون وآخره تطلع على الأتوستراد وبرضة بيشاور وقفتله لقيته عايز فلوس يحط بنزييييين!!!!!!
التاكسي والعربية الملاكي 125 أو 124 القديم