نصيحة, الفيديو يتضمن الفاظ خارجة جدا
عرض للطباعة
نصيحة, الفيديو يتضمن الفاظ خارجة جدا
سؤال للاستاذ كريم منير .
كويس انك قولتلى ان الى فى الوسيط مضروب لانى كنت ناوى اجيب منه يا ريت لو تعرف حد عنده منه و يكون كويس مش مضروب هههههههه بما انك معاك اسلحه كتيييييييييير.
ممكن اديلك نمرة واحد بيجيب
انا كنت بجيب لزمايلنا هنا في المنتدى بس سمعت كلام مالوش لازمة
ابعتلي على الخاص ابعتلك رقم محمد على الخاص وهو يجيبلك
بالنسبة في الوسيط في حاجة بتشتغل ببطارية 9 فولت طبعا مالهاش لازمة وفي حاجات بتطلع صوت بس لاكن مش بتصعق حقيقي
وليا زمايل اتخمو فيهم كتير
ربنا ما يحوجك ليها
ياتري لو واحد من اللي معاهم سلاح او شومه اتحط في موقف ونزل من عربيته
لقي اللي قدامه برده معاه سلاح
ايه هايكون الموقف؟
[align=center]اللهم اخزيك يا شيطان
هاتخلوني افكر احط حاجة في العربية انا كمان
بفكر اجيب فاس صغير من البلد المرة الجاية
ولوحد سألني ليه ده
اقولهم تذكار من بلدنا[/align]
عيب يا جماعة ما قراته هل اصبحت العصا هى لغة الحوار و التفاهم
انا اول مره اعرف الموضوع ده
انتوا بتتكلموا جد و لا ايه ؟
أنا معنديش أي حاجة م الحاجات دي في العربية
بس الظاهر هاجيب صاعق كهربائي و خلاص آهو ينفع برضه .
انا على كده غلبان و الله ... انا معايا اليكتريك تشوك ستيك.
جايالي من امريكا. مع واحد ضابط جيش سعودي معايا في الشغل كان بياخد دورة هناك. مش عارف كام فولت.بس صناعة مكسيكي.
يعني شلل مؤقت لمدة دقيقتين .. يعني الحق اجري براحتي بعدها.:leaving:
ده الجري مش نص الجدعنة .. ده هو الجدعنة كلها و نص كمان. :002:
من اسبوع واحد اتهجم عليا فى العربية و مراتى كانت معايا
من الواضح انة كان شارب حاجة و كان هيضربنى
الموقف مخلصش غير لما فضيت السيلف فى وشة و طلع يجرى
اعتقد دلوقتى السلاح فى العربية مفروض يتكشف علية زى الطفاية
عمار يا مصر
ملحوظة: السيلف كانت منتهية الصلاحية من سنتين
هل ممكن يكون اتعما :k40::049:
بحس برضه ان الموضوع ده ضرورى لأن الناس الأيام دى بقى كتيرمنها ناس مجرمة و مبقاش فى حد قلبه على حد لكن مبفكرش أشيل شومة عشان مش قيمتى و لا مستوايا,ان شاء الله أجيب اليكتريك شوك
انا لسه حنزل وافتح الشنطة ده لو حد فكر يعملها يكون اتكل علي الله
العده جاهزه زي جاهزيه طفاية الحريق تحت كرسي السواق صحيح عمري ما استعملتها زي الطفاية لكن مين عارف ممكن يحيلها وقتها!!
اول مره عرفت الموضوع ده
كنت واخد عربيه اخويا الصغير ورايح شرم الشيخ ومعرفش
فتشونى فى كمين عيون موسى ولقوا الشومه
كانوا عاوزين يرجعونى
وكان وقتها فرح ابن الريس علاء بيه مبارك اطال الله عمره
سيبتهالهم
بس وانا راجع حلفت ما انا ماشى الا لما اخدها تانى
اصلها كان شكلها شيك جدا
اول ما رجعت حطيت واحده فى عربيتى
في واحد قريبي عنده بتاعة غريبة كدة
و مسميها ( المواته )
تقريبا الضربه منها بتموت
:girlsthink:
اللى ممكن ينجى الانسان من المهالك ربنا
الاتكال على الله فقط
عشان كده عمرى ما فكرت ان الحمايه من الاشرار هيحلها مجرد شومه
طيب افرض طلعلك 5 اشخاص هتعملك ايه الشومه
يبقى من الاول نتكل على الله
هوبس يقدر ينجيك حتى لو قام عليك جيش كامل
انا عن نفسي مبحبش اشيل الحاجات دي فالعربيه ولو لاقدر الله حصل حاجه عندك المفتاح بتاع العجل ...............
انا معنديش اصلا سيارة عشان احط فيها شومة :_Alshmokh11:
انا عندى جهاز اليكتريك كان جيلى من بره وعلى طول كان تحت الكرسى مرة استخدمتو مع سواق ميكروباص بتاع الميكروباص زنق عليا جامد وانا بعدى منو زنق عليا خبطلى الرفرف اللى قدام عللى الشمال وجرى اتجننت يا جماعه فضلة اجر وراه زى المجنون لحد لما وقفتو فى قلب حلوان وقفت قدامو ونزلت ومعايا الـ اليكتريك بقلومش اللى عملتو كده عيب راح شتمنى بقلة ادب روحت ايديتو وحده فى رقبتو وقع على الأرض وقاعد يفرفر ديه اول مرة استخدمو قلتلو علشان تتعلم الأدب وركبت عربيتى وطبعا طياره
الله هو الحافظ فعلا
انا بقي معايا اليكتريك شوك وحاطه تحت مسند اليد الامامي
و بعد كل دا بردوا فالله خير حافظ و هو أرحم الراحمين
إستعمل الطفاية رشها فى وش الى بتتخانق معاه و بعدين إكسرها على دماغه
بس كده !!!! المفروض ان الواحد يستخدم الاليكتريك الاول و يكهربه و بعدين ياكله قلمين على السريع و بعدين يرش الطفايه فى وشه عشان يخنقه و بعدين يرزعها فى دماغه يقسمها نصين (دماغه مش الطفايه) و بعدين يحطه تحت عجله العربيه و يركن عليه و يروح مواصلات .
طبعا الكلام ده لو انت سوبر مان او سبيدر مان انما لو انت انسان عادى زى بقيه خلق الله كهربه و اجرى او اخبطه بحاجه و اجرى !!