باركولي سبقت الياريس بالدبابه

امباريح وكل سنه و انتو طيبين كان 3 يوم العيد و الشوارع فاضيه و كنت ماشي علي الاوتوستراد في اتجاه مدينه نصر و كنت من دخله بنزينه كالتكس فكان جمبي عربيه ياريس ماشيه عادي فاعدنا نبص لبعض كان شاب مثلي فالمهم شدينا مع بعض لغايت مطلع الكوبري الي بيودي ل النادي الاهلي و كنت انا ألي طالع قبليه الكوبري كنت مقرب تقريبا من 140 علي فكره عربيتي افيو 2008 1500 سي سي
و هذه اول عربيه اشد مع عربيه و اسبقها بعد مررات عديده اطلع فيها خسران و شكلي وحش و الناس تفهمني انتا و لا حاجه بعربيتك دي اصل قبل كده شديت علي صلاح سالم مع 500 s مرسيدس و كنا عند لفه نادي الجلاء و سبقني بس اول ما جاب الاول لقيته طار و كان سواق و مره تانيه مع سكاموزه راكبه جيب شروكي 2007 في شارع في مصر الجديده عند المرور النزهه الجديد و كلت المطباط كلها بعربيتها و انا يعتبر كنت راكب عجله وده الشارع بتاع الاوتوكروس شيراتون و مرتين مع اوبترا يعني يعتبر النتيجه 4-:B4_048:1

ههههههههههه

عقباااااال لما تتعاادل

غالبا بتاع اليارس مبيعرفش يسوق

الافيو معروف انها كسلانة شويتين تلاتة فى تجميعها و اليارس بصراحة حيوانة من بعد 4000RPM عشان ال VVT

MMamdouh

اتمنالك التعادل

بس خد بالك من نفسك و انت بتشد

الحوادث بقت خطيرة جدا اليويمن دوول

ربنا يستر

هى عربية خفيفة و كويسة بس معلش اليارس مع السرعات العالية تجميعه اعلى بس بتطيييييير مالعالارض طير

ربنا ستر عليكوا انتوا الاتنين و ما طرطوش من على الارض فعلا (افيو و ياريس)

ربنا معاك يا حبيبي ...
و متنساش تبص عالتوبيك ده قبل ما تشد مع اي حد تانى :


http://www.nilemotors.net/Nile/showthread.php?t=50248

الف الف مبروك...بجد فرحت لك اوى....عقبال ماتسبق الكرولا ان شاء الله :B4_592::O_stupid[1]:
و متنساش طبعا تبص ع اللينك اللى SuccessCre8or حطهولك.

مبروك ياعم انتا شكلك لسا جايب العربية دى جديد
ربنا يباركلك فيها وسيبك من حوارات السباق دى

ههههههه يا جماعة عايزين نكبر شوية عن مواضيع سبقت وعلمت وشديت والكلام الخايب دة" خلينا نعمل حاجة مفيدة احسن ونستفيد من امكانياتنا ومجهودنا ووقتنا ونحافظ على ارواحنا وارواح الناس"
والله لو واحد تعب فى تمن العربية وقعد يحوش عشان يشتريها عمره ماكان حيعمل فيها كدة وحينزل يشيلها على كتفه ويعدى بيها المطب"
مش عشان فلوس العربية من بابا او ماما يبقى نبهدلها ونشد ونفحت بيها """الرحمة حلوة"

انا مره شديت مع Slr روحنا القسم وعملنا محضر

هوه ايه صحيح حكايه علمت على مش عارف ايه ...... طلعت منه و أنا مغمض ......... شديت مع شوماخر امبارح علي المحور ..... سقط غيارات علشان اسبق بالتوك توك بتاعي الحته البي ام .....

هدي أعصابكوا شويه ..... انت مش خايف على عربيتك ...... طب مش خايف على نفسك .... كل واحد فاكر انه شاري سياره سباق ...... و كله عايز يقفل العداد ...... هوه في ايه .... و ليه كل ده ..... هوه في جوايز يعني ...... و لو فيه مثلا ... ايه الجايزه اللي تخليك تخاطر بحياتك علشانها

بلااااااش كل ده ...... محدش بيتعظ من الحوادث اليوميه .... و أنهار الدماء على الطرق ...

أتقوا الله يا جدعان .... حياتك أمانه من ربنا ...... تعرضها للخطر بالشكل ده !!!!!!! ..... خاف اللحظه اللي ممكن تضيع نفسك بنفسك ...... مفيش ندم في اللحظه دي

ربنا يهدينا جميعا ......

و الله يااجماعه عندكو حق في كل ألي قلتوه لما عملت كده حسيت اني عملت حاجه ملهاش اي لازمه غير اني حرقت علي العربيه جامد بس ساعات الواحد لما بيشوف الطريق فاضي بيجري و بالذات لما بيكون برا المدينه وده بيبقا مره و لا مرتين لان باقي السنه زحمه جداا و انا مش هعمل كده تاني سوري يا جماعه للي زعلو مني و طبعا لازم كل واحد يحافظ علي نفسه و الاخرين و انا هاحاول الغي هذا الموضوع بس كمان يومين عشان الناس يوصلها اعتذاري

الف مبروك عقبال التعادل بس اهم حاجة تخلي بالك من نفسك و ساعة ما تحس اني الموضوع دخل في الغميق هدي خالص لأني سلامتك و سلامة اللي معاك و سلامة الناس و عربياتهم و عربيتك اهم من كل شئ.

اقتباس:

---

المشاركة الأصلية كتبت بواسطة hanyelwaly2010

و الله يااجماعه عندكو حق في كل ألي قلتوه لما عملت كده حسيت اني عملت حاجه ملهاش اي لازمه غير اني حرقت علي العربيه جامد بس ساعات الواحد لما بيشوف الطريق فاضي بيجري و بالذات لما بيكون برا المدينه وده بيبقا مره و لا مرتين لان باقي السنه زحمه جداا و انا مش هعمل كده تاني سوري يا جماعه للي زعلو مني و طبعا لازم كل واحد يحافظ علي نفسه و الاخرين و انا هاحاول الغي هذا الموضوع بس كمان يومين عشان الناس يوصلها اعتذاري

---

مفيش زعل ولا حاجه بس المشكله ان الموضوع دا بقى مش مره و خلصنا لا بقى منهج سواقه
كل واحد فاكر نفسه فى حلبه فورميلا وان
ربنا يسلم ليك طريق و كل الناس يارب

[grade="800080 800080 800080 800080"]كل سنة و انت طيب

لي تعليق بسيط علي كلامك , أنا اليومين دول معايا ياريس 2009 لسه زيرو مش عايز أقولك انها بتطير من علي الارض طير بس مش معني أنك سبقتها يبقي اللي سايقها مابيعرفش يسوق بالعكس ده بيسوق كويس و عنده حسن تقدير للطريق لان فجأة ممكن يلاقي أمامه بني أدم بيعدي الطريق أو عربية واقفة أو أي مفاجأة و ساعتها مش هاينفع الندم

عايز أقولك اني كتير جدا بأتعرض لمواقف زي دي و انا مسافر علي الطريق بس أنا بحدد لنفسي سرعة مابزودش عنها و ما حدش يقدر يسخني و اللي عايز يشد او يتخطاني بوسع له و أقربها أول أمس كنت رايح السويس و ماشي 100 - 120 كم/ساعة لحد ما جت رينو ميجان ورايا و بدات تتخطاني بصراحة هديت سرعتي و خليته يعدي لأني كنت عارف ان فيه رادار و لجنة بعد 10 كم عند مدخل مدينة بدر و رغم تحذيري له بالنور العالي و أشارات الانتظار ألا انه أفتكر أني مش عايزه يتخطاني و صمم يجري لحد ما أتسحبت رخصته

يا عزيزي السواقة مش جري و شد مع العربيات الاخري و كفاية تقرأ و تشوف الحوادث اللي الأعضاء بيكتبوا عنها هنا و انت تعرف نتيجة الجري و الشد ايه

أرجوك خلي بالك و ربنا يسترها معاك و معانا[/grade]

ربنا يهدى الجميع .:O_stupid[1]::11:.ونشوف سواقة متزنة ومحترمة مننا جميعا ..:B4_611:
ربنا يوفق

الواحد لما بيلاقى عداد العربيه 170 ولا 180 بيكون فرحان انه وصل للسرعه دى بس لما يحصله موقف و يفلت منه باراده ربنا و دعا الوالدين بيندم انه عمل كده .
فى حل بالنسبه لمالكى سيارات اوبل اوتوماتيك اعمل الزرار الى جمب الفتيس (مش الs) هتحس انك راكب جمل و العربيه مش بتمشى اساسا و محتاجه بدال.
اصحابى لسه عاملين حادثه و حالتهم خطيره جدا بسبب انهم كانو بيشدوا مع بعض على طريق دفره كفر الزيات (الطريق مغرى جدا و انا وقعت فى اغرائه كذا مره)

مبروووووووووووك

طيب انتوا بتتكلموا علي السرعة الخطيرة طب لو واحد(و حصلت مع عمي) كان ماشي عادي خالص و فجئة لقا عربية زيت قدامه اتدلق منها الزيت و العربية اتزحلقت منه و وقع في الزرع و العربية اتقلبت و كان قدامها شوية و تنزل في الميه بس ربنا ستر ماحصلوش حاجه خالص:confused: سبحان الله فحاول ايها الاخ الكريم تبطل حكاية السباقات و كدة(بس برضوه الف مبروك)
و ربنا يستر

اقتباس:

---

المشاركة الأصلية كتبت بواسطة pharonicking

ههههههه يا جماعة عايزين نكبر شوية عن مواضيع سبقت وعلمت وشديت والكلام الخايب دة" خلينا نعمل حاجة مفيدة احسن ونستفيد من امكانياتنا ومجهودنا ووقتنا ونحافظ على ارواحنا وارواح الناس"
والله لو واحد تعب فى تمن العربية وقعد يحوش عشان يشتريها عمره ماكان حيعمل فيها كدة وحينزل يشيلها على كتفه ويعدى بيها المطب"
مش عشان فلوس العربية من بابا او ماما يبقى نبهدلها ونشد ونفحت بيها """الرحمة حلوة"

---

+1111111111111111111111111111

بس يا جماعه اى واحد لما بييجى يشد مع حد او يحاول انه يقفل العداد بيكون عارف الى حصل للناس زى انه يلاقى زيت ادامه او عجله تضرب او اى حاجه بس مش بيعرف يسيطر على نفسه ولا على عربيته و بيجرى برده و يشد (مع احترامى لكل العربيات الى موجوده فى مصر فدى مش عربيات جرى اساسا و مش عارفين نسيطر على 1600 سى سى امال لو ركبنا بورش او لامبورجينى)

علا فكره يا جماعه انا لما بحس فعلا ان الموضوع هيخش في الجد بهدي و دا ألي حصل انا لما طلعت الكوبري الاول و انا نازل عليه لقيت بقا العربيات ابتدت تظهر امت مهدي لغايت 70-80 و دي حدود داخل المدينه و صاحب الياريس نفس الكلام بس الطريق ده اول مره يبقا فاضي كده مكنشي فيه اكتر من 4 عربيات (الاوتوستراد)
و طبعا انا تعبت جدا علي ما جبت العربيه دي و كويس ان الموضوع دا اتعمل عشان يكون فيه واعظ للناس ألي بيشدو عمال علي بطال في الزحمه و الناس

بس الحمد لله ان الكبت ألي جوايا خلص طول السنه من الزحمه الشديده في يوم العيد و الواحد حس انو جري بالعربيه

عاوز رايكم الغي هذه المشاركه و لا ممكن يكون فيها استفاده للناس من رددوتكم الحلوه

عاوز رايكم الغي هذه المشاركه و لا ممكن يكون فيها استفاده للناس من رددوتكم الحلوه بعد ازن الاداره طبعا

اقتباس:

---

المشاركة الأصلية كتبت بواسطة hanyelwaly2010

عاوز رايكم الغي هذه المشاركه و لا ممكن يكون فيها استفاده للناس من رددوتكم الحلوه بعد ازن الاداره طبعا

---

الرأي رأيك طبعا
بس لو ناوي تحذفها ...انا معاك

قرأت العنوان افتكرت قصدك الدبابة النصف نقل :)

طيب انت معاك أفيو، جميل. تشد مع 8 سلندر بتاع إيه يعني :d

ربنا يهدي الجميع. لو تشوف منظر الناس اللي بتيجي المستشفى في حوادث و تبعاتها. هتفكر ألف مرة قبل ما تدخل في مغامرة مش محسوبة. بعدين ربنا يسترها علينا لأنك مش ضامن الطريق ولا الكاوتش ولا عربيتك ولا الناس اللي معاك على الطريق برضه

طبعا الرأى رأيك لانك صاحب الموضوع بس انا شايف انك تسيبه عشان الناس تتعظ منه.
انا هقول حاجه عشان الناس تبطل جرى شويه.4 اصحابى كانو فى اسكندريه يوم الوقفه بعربيتين اسبرينزا و 128 المهم و هم راجعين من على طريق دفره كفى الزيات كانو بيشدو مع بعض و ماشين بتاع 110 و مع ان الى سايقين العربيتين حافظين الطريق صم بس انشغلو مع بعض بالشد و فى طلعه كوبرى و مش شايفين حاجه طلعو الكوبرى لقو عربيه مقطوره بيلف بالعرض بتاع الاسبرينزا فلت و عدا و لكن بتاع ال 128 ملحقش و دخل تحت النقل .
الاصابات:الى سايق ال128 رجله اتقطمت نصين و دراعه اتجبس و هيركب فيهم شاريح و مسامير .
الى جمب الى سايق جاله ارتجاج فى المخ و مش عارف ابوه ولا فاكر اصحابه و مفكر انهم كانو فى خناقه و مصمم انه يضرب الى ضربوه.
التالت و ده فى دفاع جوى جاله كسر فى الحوض و نقلوه مستشفى القوات المسلحه و احتمال يرفدوه من الكليه او يعملوله اعاده تأهيل.
طبعا لصاحب الموضوع الحق الكامل فى حذفه .
متشدش تانى مع حد بقى عشان ميحصلكش حاجه.

اقتباس:

---

بس الحمد لله ان الكبت ألي جوايا خلص طول السنه من الزحمه الشديده في يوم العيد و الواحد حس انو جري بالعربيه

---

[grade="800080 800080 800080 800080"]سيدي الفاضل .. لو عايز تجري بالعربية و تجريها شوية ممكن تطلع علي طريق سريع خارج القاهرة مثل ( القطامية - العين السخنة , طريق السويس , طريق الاسكندرية الصحراوي ) و برضه من غير ماتشد مع عربيات تانية و يكون هدفك تزود السرعة لحد 120 كم/ساعة أو بالكتير 140 كم/ساعة و لمدة مش كبيرة و بشرط يكون الطريق فاضي أو مافيهوش عربيات كتير و كمان تخلي بالك من الرادار

أنا شخصيا كنت ساعات اطلع طريق العين السخنة لحد البوابة و ألف و أرجع علي سبيل التجربة و أختبار العربية و في نفس الوقت أطلع كبت الزحمة و تراكماتها علي و علي العربية

لكن نصيحة بلاش الجري عمال علي بطال داخل المدن و ربنا يسترها معاك و معانا جميعا[/grade]

اقتباس:

---

المشاركة الأصلية كتبت بواسطة MMamdouh

غالبا بتاع اليارس مبيعرفش يسوق

الافيو معروف انها كسلانة شويتين تلاتة فى تجميعها و اليارس بصراحة حيوانة من بعد 4000RPM عشان ال VVT

MMamdouh

---

كلام مضبوط ميه ميه :B4_048: