دعوة للاشتراك فى دورة اسعافات اولية لاعضاء الموقع

**معاذ الشرباصى** · 06-08-2007 03:26 PM

السلام عليكم و رحمة الله و بركاته

من كام يوم كريم منير اثار موضوع مهم خاص بالاسعافات الاولية و جهل الناس فى الشارع و تعاملهم بعدم احترافية مع المصابين فى الحوادث, الامر اللى بينتج عنه مضاعفات اكتر من مساعدة للمصاب

و كان نادر نبيل برده سئل على الدورة دى, ففكرت ليه مندعوش اعضاء الموقع كلهم اللى معندوش خلفية عن الموضوع ده للاشتراك فى الدورة دى.

مبدئيا الدورة دى حاجة مهمة جدا جدا, و لا يمكن يا جماعة تتخيلوا كم الاستفادة و المعلومات اللى هتتعرفوا عليها من خلال الدورة, و مش هقولك انت ممكن تنقذ حد فى الشارع او حاجة, انت ممكن تحتاجها مع اقرب الناس لك, اخوك, والدك, زوجتك,الخ.....

الدورة دى مدتها عشرة ايام, كل يوم 3 ساعات. جزء منها نظرى و جزء عملى على عرايس (stimulation) فى القصر العينى

هما بيفتحوا مجموعة من حد ادنى 100 شخص, لكن بعد اما سألت هما ممكن يفتحوا مجموعة للاشخاص اللى ملهومش علاقة بالمجال الطبى (non-medicals) بس يبقى عدد كويس مش شرط 100 و تبقى لاعضاء الموقع و معارفهم. يعنى ممكن تجيب اصحابك فى الشغل, اخوك, والديك, زوجتك, علشان تبقى الفايدة تعم على الجميع

بما ان الدورة مقتصرة على اعضاء الموقع, فمن الممكن اختيار ميعادها كمان, علشان فى ناس كتير بيبقى عندها شعل مثلا و صعب تيجى الصبح بدرى, فممكن مثلا تتعمل من 4 الى 7 مساء

الدورة بتشتمل على حاجات كتير جدا زى الغرز, اعطا الحقن, التغيير على الجروح, كيفية اعطاء الادوية, التعامل مع الحروق و الحوادث و الكسور, ده غير طبعا التنفس الصناعى و ال CPR

تكلفة الدورة 65 جنيه للطلبة (يجيب ما يثبت, زى كارنيه الكلية) و 100 جنيه للخريج

**NaderNabil** · 06-08-2007 03:34 PM

بجد شكرا ليك يا معاذ على تعبك..
انا أول واحد هسجل اسمي .. و هقول لأصحابي عليها كمان

**معاذ الشرباصى** · 06-08-2007 03:38 PM

نادر باشا

لا شكر على واجب

بس اما حد من اصحابك يبقى عاوز يسجل, اكتب اسمه علشان نعرف العدد وصل لكام

**NaderNabil** · 06-08-2007 03:39 PM

و ادي واحد اهو كمان
كده بقينا 3

**memo_hefnawy** · 06-08-2007 04:40 PM

أنا كمان بس بشرط تكون مش قبل الساعة 6

جزاك الله خيرا يا معاذ :)

**hussein** · 06-08-2007 05:47 PM

وانا وانا وانا

**Karim_Monir** · 06-08-2007 11:55 PM

وانا لو بعد 6 وانا في اخر مصر الجديدة في النزهة
يعني لو هاتبدتدي 7

**معاذ الشرباصى** · 07-08-2007 02:03 AM

يعنى يا كريم متقدرش تخلص بدرى شوية انت و حفناوى لمدة 10 ايام؟

**memo_hefnawy** · 07-08-2007 07:58 AM

والله يا معاذ أنا أقصى طموحى 6 رغم نى بكون فى شغلى من 7.30 الصبح بس يوم ما أمشى بدرى هامشى 5.15 من المهندسين على ما أوصل القصر العينى يادوب ف 6 ده آخرى :)

كريم بقى هو يقولك ظروفه إيه

-

الموضوع: دعوة للاشتراك فى دورة اسعافات اولية لاعضاء الموقع

LinkBack

أدوات الموضوع

عرض

-

-

-

-

-

-

المواضيع المتشابهه

دعوة ... لاعضاء متسوبيشى لحضور مقابلة صقور نيسان الخامسة

30 يونيو اخر يوم للاشتراك بنادى التجاريين

دعوة في رمضان لعمل شنطة اسعافات اولية للفقراء !!!!!!!!!!!!!!

تفاصيل دورة الاسعافات الاولية لأعضاء الموقع

دعوة للتصالح-دعوة للحب-دعوة للاخاء

الكلمات الدلالية لهذا الموضوع

المفضلات

المفضلات

ضوابط المشاركة