كلام علي الورق وبعدين شكرا
عرض للطباعة
كلام علي الورق وبعدين شكرا
شكرا لردودكم جميعا ,الواضح ان المحضر لا فائدة منه ,طيب لو انا عاوز ازاوله يبقي اية الحل؟
شوف يا سيدى
محامى حبيبك رخم ( معذرة )
يتابع الموضوع فى النيابة ويترفع عليه قضية ان التصليح اكلف الشئ الفلانى
لو محامى صايع ممكن بعد ما ياخد الحكم يقرفه انه هيحجز عليه
اهم حاجة
1 - قل للمحامى انى مش عايز فلوس من القضية وانت خد اللى جاى بس شيل مصاريفها بس بردة تتابعه
2- المحامى تكون متاكد منه
3 - توكيل المحامى توكيل خاص بقضية واحدة ، تعمله فى الشهر العقارى بشأن رفع قضية على المدعو .............. بشأن ............
الموظف هيقولك هات رقمها
قوله وانا لسه رفعتها
او تكتب رفع قضية بشان المحضر رقم ............
شيل من التوكيل التصالح والتنازل وحلف اليمين
4 ظبط شهود ولو حد من الناس اللى فى المكان افضل
5 لوخسرت القضية تبقى مشكلة
اى استفسار او محامى تحت امرك
انا عارف الشارع دة اللى فيه سنترال ميامى وعارف ابو فارس ، الشارع واسع جدا وهو دة اللى حرق دمى غير طبعا هروبه زى الجبان
ان شاء الله بكرة اروح القسم اعرف اية اللي حصل حد ينصح بحاجة معينة؟
اعرف رقمه بالظبط
ادارى ولا جنح
اتصدر امتى
وياريت تعرف تاخد رقم الصادر
هوة مش مهم الا لو المحضر تاه فى النيابة
يا عم الحمد لله انها جت على كده ، بلا قسم بلا تعطيل مصالح ده انا نزلت لقيت الاكصدام مطحون و هى واقفة . هوانت كنت رايح وشك للبحر و بتلف شمال و هو جاى ظهره للبحر ... صح؟
(ربنا يعوض عليك )
بس انا اختلف مع الاعضاء فى موضوع انك تنفض وتنسي وكائن محصلش حاجة ازاى؟
يعنى الى يكسر ويستفز ويهرب كمان نسيبة؟
انا لو مكانك حااول اوجع دماغهم فى القسم واديهم وش خشب انك عايز حقك
وحسسهم انك ممكن تتطور الموضوع لو مفيش استجابة.
احنا كدة
(بنسترعلى الذى دول)وبنسيب حقنا لية؟ مش عارف؟
وبالصدفة والله انهردة فى نفق فيصل وانا معدى سواق ونش ابن حرام مصفى.
قالب عربية اسكودا فيليشا جوة النفق
وتصوروا العربية دى جواها اية سيدة معاها بناتة عبارة عن واحدة لاتتعدى 8 سنين وواحدة لاتتعدى 12سنة قلبهم وجرررى
الست معدية من جنبة بعربيتها قام حادف عليها كانت ع شمالة وخلاها تنط النحية التانية والعربية تتقلب على جنبها والحمدلله انة مكانش فى ترلة جاية ولا حاجة
تخيل بقى لاقدر الله دى زوجتك واظفالك او ولدتك وولدك انتة لوشفتة هتعملة اية ؟
لكن نسبهم يموتونا ويجروا ونفض عشان الحكومة اللى نايمة فى العسل دى يبقى حرام علين.ا
كان نفسى اوريكوا منظر الام واطفالها وهما فى حالة من الانهيار والتعجب من اللى حصلهم .
انا كان نفسي اجرى وراة والله واجيبه واسلمة لزوج هذة السيدة و للناس اللى كانت واقفة بس كلنا وقفنا ونزلنا من العربيات عشان نعدل العربية كانت نايمة على جنب واحد ونزل اللى جوة العربية.
كدة بقى خلاص هيبقوا مشين مش هاممهم حاجة ومش خيفين ولا من قانون ولا غيرة وهتبقى مجزرة .
محدش يسيب حقة .محدش يسيب حقة .محدش يسيب حقة .
وشكررررررررررررررا جدا
لازم ياجماعة نقف ونشوف حل حتى لوهتبتدى بالموضوع دة ولو ب100عضو الناس كلها قرفانة من الشارع واللى بيحصل فية.