عملت حادثة النهاردة

**mohamed2002** · 12-12-2008 01:23 AM

النهاردة وامام ابو فارس السوري بشارع اسكندر ابراهيم بالاسكندرية
1 الشارع اتجاهين وانا بحود شمال وكنت طالع طوالي لقيت عربية 128 دخلت في الباب اللي ورا بالاكصدام بتاعها زحزحت عربيتي الادا
2 المهم الناس غلطت الراجل المهم قالي يلا علي القسم من نفسه !قلت له لا نكلم النجدة المهم الناس اتلمت وغلطوه لانة كان جاي بسرعه ومعرفش يلم العربية
3 اتفقنا نطلع علي القسم مشي ورايا نص السكة وخلع ! طبعا المفروض كنت مشيته قدامي وانا وراه لكن احساسي برغبته الشديدة في التوجه للقسم قلت ماشي
4 المعلم خلع في السكة ,انا واخد رقم العربية ,عارف ان في ناس ممكن تغلطني في اللي قولته ,وانا ماشي صدفه قابلت واحد اعرفه عن طريق الكلية زمان قلت له الموضوع كدة كدة وعاوز اعمل محضر وانت تشهد معايا ,يعلم ربنا ما زودت كلمة ولا نقصت
5روحت القسم (نقطة المنتزة)س وج حوالي 3 صفحات ,طلع الراجل عاين شكلة امين شرطة بس كان لابس لبس عادي وصفحتين للشاهد وتم توضيح رقم العربية ولونها وموديلها
6 خدت رقم المحضر

تنصحوني اعمل اية ؟
الخبطة اتوقع بسيطة وسهلة وانا مكنتش عاوز منه حاجة بس هوة مستفز غلطان وعاوز يروح القسم ! وهرب! فانا عاوز ازاوله اية الحل ؟

**elrasy** · 12-12-2008 02:56 AM

الف حمد لله على سلامتك اولا ,, وللاسف المحضر مش هيفيد فى حاجة لاننا فى مصر

**masterzmind** · 12-12-2008 03:03 AM

زى ما قلك كدة احنا فى مصر يعنى ولة حد هيتحرك ولة حد هيعمل حاجة يا باشا كنت من الاول تمسكو تكلو علئة والناس هتضرب معاك او تاخد منة فلوس ودة مش عوض من تلف شيا فعلية اصلحوة ودة بوظلك العربية

**ahmedsrs** · 12-12-2008 03:09 AM

معلش عوضك على الله لو بسيطة سيبها شوية ومتعملش فيها حاجة

**MohaMed_Refaat** · 12-12-2008 08:02 AM

المحضر لا يفيد ابدااااااااا هو فقط لمجرد الروتين والبيروقرطية المصرية العريقة
مع انى لما كنت فى السعودية كان لما يحصل حادثة يجى المرور علطول ومعاهم رسام يرسم وضع العربيتين كروكى لاثبات المخطئ وعلى المخطئ تصليح الاضرار للمتضرر هو دة الصح بس هو دة حال مصر رجالة المرور كل شغلهم تحصيل المخالفات وارهاب اصحاب السيارات وتمييز نفسهم وذوويهم عن باقى السعب حاجة قرف .

**EslaM_NagY** · 12-12-2008 11:25 AM

سبحان الله نفس الحادثة بالظبببببببط عملتها من شهرين (كنت انا مكان اللادا).

وطبعا الراجل غلطان والناس فى الشارع غلطته برضو

خدت منه تمن تصليح الباب - اصلا مكنتش حاطط فى بالى اخد فلوس -
بس الراجل طريقته مستفزة فى الكلام قولت خلاص طلاما مش عايز يعترف انو غلطان يدفع بقى عشان يتربى والناس اجبرته على الدفع.

هى دى مصر للأسف

**elassar2010** · 12-12-2008 11:30 AM

الف حمد لله على سلامتك

**Samir Elshahawy** · 12-12-2008 01:35 PM

[grade="800080 800080 800080 800080"]الف حمد لله علي سلامتك ياباشا و فداك العربيات كلها , نفس الشئ حضل معايا من حوالي أسبوعين و كانت عربية نقل بمقطورة المتسببة في الحادث و طبعا هربت و رغم أن الحادث كان أمام اعين رجال الشرطة - اللي من المفروص ان اعينهم يقظة - الا انهم انكروا رؤيتهم للحادث كله فما بالك بسيارة نقل تسببت في حادث لسيارتين اخرتين و هربت

فتقولي محضر ؟؟ [/grade]

**ahmedfawzy14** · 12-12-2008 02:06 PM

الحل انك تحمد ربنا انك بخير الحمد لله
وتتعلم بعد كده فى المواقف اللى زى دى لازم تأخد بطاقة او رخصة اللى قدامك
ولو معاك حد يبقى يركب معاه

والصح اصلا انك متتحركش الا لما تيجى النجدة

صلح عربيتك وانسى موضوع المحضر انتا فى مصر

**SAMER_ENGINES** · 12-12-2008 03:15 PM

والدتي اتسرقت و عملوا لنا محضر و شكرا و كل سنة و انت طيب..
اما بخصوص الحوادث في بلاد الفرنجة فاللي بيحصل اني بيبقي في تأمين علي العربيات كلها و بدون ما حد يتخانق او غيره كل اللي بيحصل بيقفوا الاتنين يسلموا علي بعض و بيعطلوا بعض كام دقيقة بس لحد ما الشركة تيجي تعمل معاينة (شركة التامين) و الشركة بتتحمل النفقات او بتحملها علي المتسبب في الحادثة حاجة زي كدة و عشان كدة برة لما بتحصل حادثة و ده نادرا لإلتزامهم بالقواعد المرورية التزام شديد ناتج عن حبهم للإلتزام و ليس للإجبار عليه مبيبقاش في خناقة و لا حرام عليكم و لا ايه اللي عملته ده يا ابن تيييييييييييييت ولا حاجة مجرد معاينة و بيروحوا يصلحوا العربيات بدون اي تكلفة علي المتضرر و خلاص اما هنا في المحروسة فتامين اجباري و هات لنا ملف مش عارف بكام ملف معمول من ورقة لحمة و طوابع شرطة و و و و و و و عمار يا مصر.

الموضوع: عملت حادثة النهاردة

LinkBack

أدوات الموضوع

عرض

-

-

-

-

-

-

المواضيع المتشابهه

الحمد لله . أنا عملت حادثة النهاردة ومحتاج مساعدتكم (رينو ميجان)

شفت حادثة في بني سويف النهاردة

عملت حادثة على الدائري النهاردة الصبح

عملت حادثة النهاردة ( الحمد لله )

عملت حادثة النهاردة

الكلمات الدلالية لهذا الموضوع

المفضلات

المفضلات

ضوابط المشاركة