أنا لسه راجع من اسكندرية حالا....
حصل معايا موقف غريب.......
فى طريق العودة من اسكندرية و على البوابات استوقفنى أمين شرطة تبع كمين.....بيقوللى الرخص.... قولتلو اتفضل....تصورو السبب اللى هو وقفنى علشانه إيه ؟؟
بيقوللى " النمر بتاعتك سودة "
رديت عليه بلهجة حازمة و صوت مرتفع مستغربا " نعم "
قاللى اركن على جنب
نزلت لقيت العربية اللى قدامى متوقفة برضه لنفس السبب
أنا لا اخترت اللوحات دى و لا أنا اللى دهنتها......إزاى يلومونى على حاجة هما اللى مسلمينها لى ؟؟!!!
الظابط يرد و يقوللى ده قانون المادة 65 و لا 96 باين و ده بيطبق من شهر 8 يعنى من ساعة قانون المرور الجديد....
المهم بعد مناقشات و حوارات و الساعة كانت 11 بالليل على بوابات اسكندرية الظابط رجع لى الرخص
شكرته و قولتله " طيب أنا أعمل إيه دلوقتى ؟؟"
قاللى " ادهن الخلفية بيضاء و الكتابة سوداء عند أى بتاع دوكو ".....!!!!
هل أنا من حقى القانونى إنى أغير الألوان الرسمية اللى استلمت اللوحات بيها بمعرفتى الشخصية ؟؟؟؟ و مش هادخل بعد كده فى قصة " تزوير فى لوحات رسمية " خصوصا إن اللوحات دى لا أعتقد إنها ممكن تعدى على أى حد إنها أصلا بيضاء ( 955699 ) أعتقد إنها كانت للنيابة أو لظباط أو حاجة من ذوى النمر الخاصة نظرا للحفرة و الدالة على وجود نسر أو ما شابه و طبعا تم نزعه.....
مش عارف يا وحوش أعمل إيه فى الموضوع.....