المشاركة الأصلية كتبت بواسطة Ramy_Tantawi
حمدا لله على السلامه يا هاني باشا ويا رب تكون قضيت اجازه سعيده ان شاء الله.
شوف يا سيدي انا من 5 سنين كده كنت بارخص عربية والدي فا سلموني في المرور نمر عجيبه لا سوده ولا بيضه والارقام ممسوحه وحالتها تصعب على اي حد ... فانا باقول للراجل اللي بيسلم يا سيدي ايه النمر دي ؟ قاللي مافيش جديد ......قلتله طيب شكلها كده مش معقوله خالص دي حتى مش هاتركب بالمنظر ده .....الراجل بص لي اكني نازل حالاً من كوكب بلوتو مثلاً....وقاللي با باشمهندس روح ادهنها وظبطها زي مانت عاوز المهم الابيض في الخلفيه والارقام سوده ماتزودش حاجه ولا تنقص حاجه .....المهم طلعت من المرور والمفروض هاركب لقيتهم بيقولوا اللي بيركب بره المرور على طول هاتلاقيه ... المهم لقيت راجل معاه صندوق خشب ومعاه دوكو ابيض واسود وشاكوش وشوية عده اخد النمر عندها كساح وحمى جابهالي جديده مدهونه ومعدوله وزي الفل .......وماحدش قاللي حاجه عليها بعد كده.
يعني جنب المرور يا هاني باشا لو قريب منك هتلاقي الناس دي ...........اعتقد افضل من انك تروح مخصوص لبتاع دوكو وكلام من ده .....المهم انت رخصة العربيه مكتوب عليها اي حاجه جنب النمر !!! طالما مش مكتوب ارقام خاصه او اي حاجه على الرخصه يبقى الطبيعي بتاع النمر دي بيضاء واللي كان قبلك هو اللي كان عاملها كده مش اكثر.