حد جرب زيت فتيس اوتوماتيك كاسترول قبل كده يقولى رايه ايه لانى مغير قبل كده موبيل 320 ومش عاجبنى خالص واسود بعد 5 الاف كيلو العربية لاسيتى 2006
عرض للطباعة
حد جرب زيت فتيس اوتوماتيك كاسترول قبل كده يقولى رايه ايه لانى مغير قبل كده موبيل 320 ومش عاجبنى خالص واسود بعد 5 الاف كيلو العربية لاسيتى 2006
بص يابرنس هجبلك الزتونة
المشكلة مش فى نوع زيت الفتيس .. هات زيت مطابق لمواصفات فتيسك ومش مهم الماركه
بس انت كده مشكلتك فى فلتر الفتيس الصفاية مسدودة غيرها ومشكلة الزيت اللى بيتحرق بدرى هاتتحل ان شاء الله
يعنى المشكله مش فى زيت موبيل
وفعلا انا بحس بالنقلات بتاع الفتيس والسحب مش عاجبنى
لازم الأول تعرف إيه مواصفات الزيت المطلوب في الكتالوج.. وبعدين تشتري أي زيت من أي ماركة..
الفتيس بتاع الأوبترا دي من إنتاج شركة آيسن اليابانية (إحدى شركات تويوتا)... وبتنتج فتايس لشركات كتير على مستوى العالم.. منها على سبيل المثال BMW ولاندروفر وفولفو..
والزيت المطلوب في الكتالوج مواصفته كالتالي: JWS 3309 (دي مواصفة آيسن)
الزيوت المتاحة اللي ينطبق عليها المواصفات دي:
زيت تويوتا ATF type T-IV
https://originoil.com.ua/wp-content/...oyota-T-IV.jpg
زيت آيسن type T-IV
https://www.ipdusa.com/uploads/image...size_32875.jpg
أو أي زيت آخر مكتوب عليه إنه مطابق لمواصفة JWS 3309 أو تويوتا T-IV
على فكرة.. موبل عندها زيت اسمه ATF 3309 ومطابق للمواصفة.. بس للأسف مش بينزل مصر...
وبالتالي زيت موبل 320 ما ينفعش في عربية حضرتك .. وهو اللي مسبب المشاكل دي...
https://i.ebayimg.com/images/g/LdEAA...bqK/s-l300.jpg
فيه زيوت تانية مطابقة لأكتر من مواصفة من زيوت الفتيس.. ودي تلجألها لما ما تلاقيش الزيوت المتخصصة...
اسأل عند فالفولين أو آمسويل.
ما تنساش إنك محتاج تنزل الزيت القديم بالكامل.. لإنه في أغلب الأحوال نص كمية الزيت بس هي اللي بتنزل.
...
انا جبت الزيت aisin awf مطابق للمواصفات بتاعت الفتيس اللتر ب 105 جنية من عند البلطى