عرض للطباعة
السلام عليكم
بعد اذن حضراتكم معايا نيسان صني 2015 N17 >>> انا غيرت زيت فتيس والعربية عاملة 60000 (Mobile ATF 320) وفي ناس قالتلي غلط ولازم انزلة الكلام دا صح ولا غلط وممكن امشي عليه قد ايه لو محتاج تغير وايه البديل المناسب وسهل التوفر لاني مش لاقي غيرة في الاسماعيلية
وشكرا لاهتمامكم مقدما
مرجعك الأساسي والوحيد هو كتالوج العربية... مش كلام أي حد تاني..
كتالوج الـN17 بيوصي باستخدام زيت Nissan Matic S ATF...
والكتالوج بيأكد كمان إن استخدام أي نوع غير نيسان ماتيك S هيسبب مشاكل كبيرة في الفتيس... وإن المشاكل (أو التلف زي ما ماهو مكتوب في الكتالوج) لا يشملها الضمان..
دي صور من صفحات توصيات الزيوت في الكتالوج...
https://nileup.com/up/uploads/nilemo...5206676081.png
https://nileup.com/up/uploads/nilemo...5206676082.png
على فكرة.. نيسان عندها أكتر من نوع زيوت للفتيس الأوتوماتيك.. واساميهم: ماتيك D و ماتيك J و ماتيك K و ماتيك S و ماتيك W
زيت ماتيك S يعتبر من الجيل الحديث في زيوت الفتيس... ويعتبر بديل لزيوت ماتيك D وماتيك J القديمة.. الزيت ده عمره طويل وبالتالي حضرتك مش هحتاج تغيره قبل 80 ألف كيلومتر على الأقل.
مواعيد التغيير موجودة عندك في كتالوج منفصل .. اسمه كتيب الصيانة... ارجعله رجاءً..
ده شكل العبوة الأصلية..
https://www.ato24.de/media/catalog/p...0p-a_01_13.jpg
وخد بالك كويس من إنه مكتوب عليه Matic-S
الخبر الكويس نسبيا إن فيه زيوت في السوق متوافقة مع مواصفة نيسان دي... لكن غالبا هتكون غالية شوية...
زيت آمسويل OE التخليقي
OE Fuel-Efficient Synthetic Automatic Transmission Fluid
https://www.amsoil.com/shopres/products/900px/OTL.jpg
زيت مانول ديكسرون 6
mannolegypt - dexron 6
https://www.mannolegypt.com/fb/p/sit...i_1l.800x0.jpg
وفي أي علبة زيت حضرتك هتشتريها سواء للفتيس أو للموتور.. اتأكد إن الزيت متوافق مع زيت نيسان أو المواصفة المطلوبة في الكتالوج... ببساطة هتلاقي اسم المواصفة مكتوب على العلبة من ورا..
بس أنا شخصيا أفضل الزيت الأصلي.. ولو ما لقيتوش أروح أشتري الزيوت الـuniversal دي.
...
شكرا على اهتمامك والتوضيح