مرجعك الأساسي والوحيد هو كتالوج العربية... مش كلام أي حد تاني..
كتالوج الـN17 بيوصي باستخدام زيت Nissan Matic S ATF...
والكتالوج بيأكد كمان إن استخدام أي نوع غير نيسان ماتيك S هيسبب مشاكل كبيرة في الفتيس... وإن المشاكل (أو التلف زي ما ماهو مكتوب في الكتالوج) لا يشملها الضمان..
دي صور من صفحات توصيات الزيوت في الكتالوج...
على فكرة.. نيسان عندها أكتر من نوع زيوت للفتيس الأوتوماتيك.. واساميهم: ماتيك D و ماتيك J و ماتيك K و ماتيك S و ماتيك W
زيت ماتيك S يعتبر من الجيل الحديث في زيوت الفتيس... ويعتبر بديل لزيوت ماتيك D وماتيك J القديمة.. الزيت ده عمره طويل وبالتالي حضرتك مش هحتاج تغيره قبل 80 ألف كيلومتر على الأقل.
مواعيد التغيير موجودة عندك في كتالوج منفصل .. اسمه كتيب الصيانة... ارجعله رجاءً..
ده شكل العبوة الأصلية..
وخد بالك كويس من إنه مكتوب عليه Matic-S
الخبر الكويس نسبيا إن فيه زيوت في السوق متوافقة مع مواصفة نيسان دي... لكن غالبا هتكون غالية شوية...
زيت آمسويل OE التخليقي
OE Fuel-Efficient Synthetic Automatic Transmission Fluid
زيت مانول ديكسرون 6
mannolegypt - dexron 6
وفي أي علبة زيت حضرتك هتشتريها سواء للفتيس أو للموتور.. اتأكد إن الزيت متوافق مع زيت نيسان أو المواصفة المطلوبة في الكتالوج... ببساطة هتلاقي اسم المواصفة مكتوب على العلبة من ورا..
بس أنا شخصيا أفضل الزيت الأصلي.. ولو ما لقيتوش أروح أشتري الزيوت الـuniversal دي.
...
المفضلات