الموضوع: برجاء المساعدة في اختيار نوع الزيت

أهلا بيك معانا يا أخي العزيز.. وإن شاء الله نقدر نفيدك

أول معلومة عن الزيوت لازم حضرتك تعرفها إن أفضل زيت لموتور عربيتك هو اللي مواصفاته مطلوبة في كتالوج عربيتك.. أو أحسن منها...

لازم ترجع للكتالوج قبل أي حاجة.. وبعد كده اختار أي زيت من أي ماركة من أي بلد منشأ.... بشرط واحد ..

إنه يكون مطابق للمواصفات.. أو أحسن منها..

ما تسمعش لآراء...
ما تسمعش لتجارب...
ما تسمعش لأي حد بيبيع زيت...

اسمع لكتالوج عربيتك وبس.

وخلي رأيك من دماغك بعد ما تعرف الصح إيه..

عايز تعرف إيه الصح؟؟؟ أنصحك تدخل على الموضوع ده"
القواعد الذهبية لاختيار زيت العربية.... موسوعة مبسطة لأساسيات زيوت المحركات

وعلشان ما أبقاش مقصر معاك...

محتاجين من حضرتك صورة توصيات الزيت في الكتالوج اللي جاي مع العربية (ضروري جدا).. وياريت ما تاخدهاش من كتالوجات النت.. لإن كتالوجات النت كلها بتاعت أمريكا.. وهناك ليهم اشتراطات زيادة ومصعبة الأمور بالنسبالنا.


تاني حاجة حضرتك محتاج تعرفها....

تجربة أنواع الزيوت مش حاجة كويسة... التغيير المستمر لماركات الزيوت بيأثر على كفاءة الزيت الجديد.. والاستمرار على نوع واحد أفضل بكتير... بشرط واحد...

إنه يكون مناسب للموتور... لو مش مناسب يبقى نغيره طبعا لنوع مناسب..

علشان كده يفضل إنك تشتري الزيت المتوفر قدامك بسهولة .. ده أحسن كتير من إنك تشتري زيت من ماركة مرة تلاقيها ومرة لأ...



خلينا نتأكد الأول إن الزيت اللي حضرتك بتستخدمه مناسب للموتور.. وإذا ما كانش مناسب... إن شاء الله نلاقي الزيت المناسب.. والموضوع مش صعب أبدا...

واحنا كمان محتاجين صورة لعبوة زيت موبل1 اللي حضرتك بتستخدمها..

في انتظار الصور (الكتالوج والزيت).


...

المشاركة الأصلية كتبت بواسطة A.elkassas

السلام عليكم ورحمة الله وبركاته

دي صورة الكتالوج

29339654_908989742615173_1882506765954711552_n.jpg

29365975_908989755948505_6396822989563756544_n.jpg

download_resize_jpg.jpg

طيب تمام...

أول حاجة نشوف الكتالوج عايز إيه...

الكتالوج بيقول إن الزيت المناسب لازم يكون مستوی جودته كالتالي:
• مطابق لمواصفة API SG أو أعلی...
"أو أعلی" دي معناها إن أي زيت بمواصفة SH أو SJ أو SL أو SM أو SN يمشوا معاك... وأفضلهم هو SN.

• مطابق لمواصفة ILSAC...

• مطابق لأي مواصفة من مواصفات ACEA دول:
A1/B1 أو A3/B3 أو A3/B4 أو A5/B5
مشكلة تصنيفات ACEA إنك ما ينفعش تستخدم حاجة غير المكتوب في الكتالوج.. يعني مفيش حاجة أحسن من التانية..

نيجي للزوجة...
تقريبا تقدر تستخدم كل اللزوجات الموجودة في السوق... بشرط واحد... إن الزيت يكون بمستوى الجودة المطلوب..


نشوف بقى الزيت اللي عندنا...

بالنسبة للزوجة.. هي من ضمن المسموح في الكتالوج.. ولكن الأهم هو مستوى الجودة..

مستوى الجودة...

ACEA C2, C3
API (Meets Engine Test Requirements) SM / SN
JASO DL-1
BMW Longlife 04
MB-Approval 229.31
MB-Approval 229.51
Volkswagen (Gasoline / Diesel) 504 00 / 507 00
Porsche C30
Chrysler MS-11106
Peugeot/Citroën Automobiles B71 2290 & B71 2297
GM dexos2
API CF
Volkswagen (Gasoline) 502 00 / 503 00 / 503 01
Volkswagen (Diesel) 505 00 / 506 00

ما شاء الله... مطابق لمواصفات كتير قوي...

بس ولا حاجة من المطلوبة في الكتالوج موجودة...

يبقى ما ينفعناش... أو بمعنى أصح.. مش ده أحسن زيت لموتور عربيتك.

العبرة مش بكُتر المواصفات... العبرة بالمواصفة مناسبة ولا لأ..

موبل1 عندهم زيت مخصوص للعربيات الياباني والكوري... مناسب جدا وأتوقع إنه أرخص شوية...

اسمه Mobil 1™ x1 5W-30
5W-30 Oil | Mobil 1 x1 5W-30



ده أنسب كتير... ومتوفر في كل محطات موبل...

فيه طبعا زيوت تانية زيه... بس من ماركات يمكن تكون مش متوفرة بنفس الطريقة

خليني أشوفهالك وأرد عليك..

...