عاجل!! مشكلة في إثبات ماتور على الرخصة بسبب عدم وضوح البصمة في الإفراج الجمركي
سلام عليكم,
يا جماعة أرجوا حد يفيدني بسرعة عشان الرخصة منتهية و فاضلها 15 يوم فترة سماح.
الموضوع كالآتي:
1- معايا أصل فاتورة الماتور و صورة من الإفراج الجمركي
2- أصل الإفراج الجمركي إتحول على المرور بتاعي و كان معايا رقم الصادر من مرور الدراسة للمرور بتاعي
3- إبتديت إجراءات تجديد الرخصة و إثبات الموتور الإستيراد
4- سألت على الورق بتاع الماتور برقم الصادر و طلع موجود الحمد لله (الموظف كتبلي رقم الملف على ظهر ناموذج الفحص الفني)
5- طلعت شهادة المخالفات, و عملت التأمين الإجبارى, و كشفت على الطفاية
6- ما فضليش غير الفحص ... روحت أرفع باصمة و بعدها المهندس بص على الورق قلي لازم مهندس يطابق البصمة و يختم و بعدها أكمل الفحص
7- روحت لمهندس البصمة بعت العسكري و جاب ملف العربية بما فيه ورق الماتور الجديد
ظهرت مشكلة ... الباصمة الي في الإفراج الجمركي مش واضحة ... المهندس كتبلي على ظهر نموذج الفحص صيغة خطاب موجه لمدير لجنة فنية بالدراسة يطلب فيها مطابقة البصمة لعدم وضوحها بالكامل ... و ختم الكلام ده و طلب مني أختم الكلام ده من الضابط و قالي تاني يوم الساعة 9 صباحة أجي و أخد معايا مندوب و نروح سوا على اللجنة الفنية بالعربية
هل حد إتعرض للموقف ده قبل كده؟ و الموضوع إتحل و الدنيا مشيت ولا إيه؟
أنا شوفت مع المهندس و لقيت إن ورق الإفراج واضح فيه رقم الموتور مكتوب بالعربي و مطابق للبصمة الي إترفعت في المرور بتاعي بالفعل ... بس المشكلة إن البصمة الي موجودة على ورق الإفراج الجمركي الي جاي من مرور الدراسة مش واضحة ... و العجيب إن ورق الإفراج الجمركي عدي على مرور بورسعيد و مرور الدراسة و عليه أختام و أعتقد إنه بيتراجع ... فإذاي المشكلة دي تحصل في الآخر مع المواطن؟ هو ده ذنب المواطن؟
أنا مش فاهم هل ده موضوع يقلق ولا الموضوع بسيط إن شاء الله؟ يا ريت حد يفيدني و يطمني...
شكرا,
