تحية طيبة لكل أعضاء المنتدى ..

مشكلتي من زمان لما بكون سايق بالليل وعلى طريق مفيهوش إنارة بحس اني مش شايف كويس حتى لو مشغل النور العالي، مع إني لما ببص على الطريق مباشر من غير ما يكون زجاج العربية وسيط بحس اني شايف كويس .. أرجع أبص من ورا القزاز أحس اني مش شايف كويس .. قلت يمكن المشكلة ان القزاز مش نظيف وعايق الرؤية .. جيت نظفته لقيت نفس المشكلة ..
المشكلة الأكبر لما يكون طريق رايح جاي، ويكون فيه عربيات مشغلة النور العالي في الاتجاه المعاكس ليا ، ساعتها بحس اني مش شايف حاجة خالص وهعمل حادثة ..
امبارح كنت في الموقف ده ولقيت عربية مشغلى النور العالي في وشي ، قلبت لها عشان توطي النور لكنه مفهمش،، ساعتها حسيت اني مش شايف حاجة وكنت هلبس في رصيف جاي في وشي برضه، وكان بيني وبينه 1 سنتمتر، يعني حكيت فيه، وكنت ماشي طبعاً بسرعة مش قليلة لأني على طريق سريع، ولولا لطف ربنا كنت لبست في الرصيف ..

حد بيعاني من نفس المشاكل دي؟
وازاي حلها؟