اول مشاركة ليا يا ريت الاقى مساعدة

**hassanstar** · 12-12-2008 05:39 PM

السلام عليكم

انا من اسكندرية

وكنت عاوز اشترى افيو 2009 جديدة

فكنت عاوز عناوين المعارض ال ممكن الاقى فيها العربية دى ؟؟؟

بس كنت عاوز ادفع فى الاول 15000 تكون معارض يعنى ممكن تدفع قسط ال يريحك

فياريت لو حد يعرف معارض فى اسكندرية يكون فيها تقسيط على راحتك

يا ريت تقولولى على العناوين او ارقام تليفونات؟

ثانيا كنت عاوز اعرف هى المصرية للسيارات ال بتيجى فى ملحق الاهرام كل جمعة

عروضها فعلا كلام جرائد ال هو 20% خصم ونظام تقسيط بدون فوائد لو قسطت على 5 سنين

ولا الكلام دة صحيح فعلا؟؟؟

يا ريت حد لو يتكرم ويساعدنى

وشكراا ليكم جميعا وشكراا على الموقع الرائع دة

**hassanstar** · 12-12-2008 07:07 PM

مساعدة يا شباب

**samo9992003** · 12-12-2008 07:13 PM

بلال موتورز فى جناكليس و فى الداون تاون
بس معرفش تليفونه كام

**pro_samir** · 12-12-2008 07:58 PM

المشكلة ان كل الشركات شغالة بنظام قروض من البنوك ودة حرام
اقربهم للحلال شركة كونتاكت فيها عقد اسلامى لكن كان فية بعض مشاكل وسمعت مؤخرا انهم عدلوها لكن الله اعلم مش متأكد
المشاكل الشرعية اللى كانت موجودة في عقد كونتاكت
1-التأمين اجبارى
2-حظر بيع
لكن لو الكلام دة اتلغى يبقى تمام

**Ahmad Allawy** · 13-12-2008 06:03 PM

المشاركة الأصلية كتبت بواسطة pro_samir

المشكلة ان كل الشركات شغالة بنظام قروض من البنوك ودة حرام
اقربهم للحلال شركة كونتاكت فيها عقد اسلامى لكن كان فية بعض مشاكل وسمعت مؤخرا انهم عدلوها لكن الله اعلم مش متأكد
المشاكل الشرعية اللى كانت موجودة في عقد كونتاكت
1-التأمين اجبارى
2-حظر بيع
لكن لو الكلام دة اتلغى يبقى تمام

النقطة الاولي هي اللي عارفها و هاتكلم فيها..
في واحد صديقي لسة شاري تبع كونتاكت..
هما غلوا نسبة الفايدة من 9% ل 12% بالنسبة للتقسيط الاسلامي ده..
اللي هو في ظاهره بس.. ومن رف العميل.. اسلامي.ز بحيث ان العميل مفيش عليه وزر..
و هما اللي يتحملوه.. بحيث انهم.. بدل ما كان ال9% فايدة و 3% التأمين..
هما زودوها.. وهما اللي بيدفعوا التأمين ده.. وبيبقي التأمين لصالحهم هما. مش لصالح مالك العربية..
اما موضوع حظر البيع. مش عارف.ز
ممكن ابقي اخلي صاحبي يجيب العقد و نقراه و نفهم الليل ماشية ازاي..

**ahmed1981** · 13-12-2008 07:55 PM

المشاركة الأصلية كتبت بواسطة hassanstar

وكنت عاوز اشترى افيو 2009 جديدة

ثانيا كنت عاوز اعرف هى المصرية للسيارات ال بتيجى فى ملحق الاهرام كل جمعة

عروضها فعلا كلام جرائد

المصرية للسيارات نصابين وكذابين وعروضهم وهمية
وتروح تسأله على العرض يقولك مثلاً العرض كان على عربية وإتباعت !!!

وبعيد عن الموضوع ليه مفكرتش في الريو أو النيو أكسنت أفضل من الأفيو مئة مرة ومقارب في السعر ؟؟؟