عمل سيرفيس اسيات التيا 2011 - 100 الف

ربنا كرمنى بسيات التيا 2011 و المفروض ان اعملها السيرفيس بتاع ال 100 الف. انا لسه باتعرف على العربية و مش عارف ايه اللى المفروض يتعمل و فين و كمان قطع الغيار و اماكن بيعها.
افيدونى يرحمكم الله و شاكر لكم مقدماً على المشاركة..

هو ليه ما فيش ناس بتشارك . هو الجروب على قيد الحياة و لا بيموت . طيب على الاقل باركولى :Y_hi_3[1]:

الف مبروك ربنا يكرمك بيها انشاء الله ياريت لو تعرفنا العربية عاملة ايه مع حضرتك واخبار الصيانات وقطع الغيار ايه

الف مبروك, بالنسبة للصيانات لاما تروح التوكيل او تنزل الحرفيين عند ميكانيكى كويس
ممكن انت بنفسك تعمل صيانة العربية اذا كانت زيت و فلتر زيت بس
ممكن تشتريهم وتعملهم انت بنفسك اذا كنت حابب التجربة, هتحتاج مفتاح 19 وجركن تقطع زوره عشان تنزل فيه الزيت وهتحتاج زرجينة فلتر زيت (طبق فلتر) و يد عزم و وصلة يد و فوطة عشان تمسح مكان الزيت