رقم العضوية : 1093
تاريخ التسجيل : 21Jun2007
المشاركات : 555
النوع : ذكر
الاقامة : Japan-Egypt
السيارة: لا يوجد
السيارة[2]: Toyota Prius
دراجة بخارية: لا يوجد
الحالة :
مقدمة:
طول عمري من أول لما بدأت أركب عربيات من ١٥ سنة وأنا بحب أهتم بيها جدا وأصينها علطول سواء بنفسي أو عند متخصصين في الموديلات نفسها وبغير قطع الغيار زي ما الكاتالوج بيقول، ودايما كنت بشتري قطع الغيار من توكيلاتها الرسمية مباشرة لو متوفرة في مصر أو ببعت أجيبها من بره مصر.
وبما ان البوجيهات ال ngk ليها توكيل في مصر، تقريبا اسمه شركة الفاروق (مش فاكر بالظبط) موجود في شارع النصر بالمعادي جمب بنزينة شل سابقا اللي قريبة من مكتبة المعادي. كنت دايما بجيب البوجيهات من هناك بما ان سعرها بالمصري تقريبا نفس سعر بره ويمكن أرخص.
الموضوع:
لما جيت اليابان اشتريت عربية مستعملة من حوالي سنة تويوتا بريوس هايبرد موديل ٢٠٠٧ وكانت ماشية تقريبا ٦٠ الف كيلو بس.
العربية طبعا فابريقة ومفيهاش خربوش حتى، بس بما اني اشتريتها من معرض فمكنتش عارف نظام اخر صيانة ايه بس كنت حاسس انها معملتش صيانة ال ٦٠ لسه، وبما اني برضه مكنتش فاضي خالص فطنشت خالص وكنت بس بغير الزيت بانتظام.
من حوالي شهر كده وصلت ال٨٠ الف كيلو فقلت مبدهاش بقى، اشتريت الزيت نفس النوع اللي بغيره كل مرة، اشتريت نفس الفلتر، واشتريت بوجيهات جديدة ngk.
روحت عند نفس المكان اللي بغير فيه زيت كل مرة.
لما الراجل خلص كل حاجة لقينا فعلا ان البوجيهات القديمة كانت محتاجة تتغيير من بدري شوية وحالتها سيئة شوية.
على حسب تجاربي كلها في مصر مهما كانت حالة العربية او البوجيهات حتى لو غيرتها بدري فالتحسن سواء في الأداء أو استهلاك البنزين مش بيكون محسوس قوي، يعني يكاد يكون معدوم تقريبا، حاجة كده زي مثلا ١٠ كيلو ولا ٢٠ كيلو زيادة في نفس التفويلة، وبالتالي كنت متخيل ان ده هو نفس اللي هيحصل المرة ديه. لكن كانت المفاجئة المبدأية ان استهلاك البنزين اتحسن بشكل ملحوظ بس مش واو يعني.
خلصت ومشيت وكان التانك فيه تقريبا النص، فضلت ماشي يومين تقريبا لحد ما قرب يخلص وروحت افول تاني من نفس البنزينة اللي بفول منها من يوم ما اشتريت العربية.
بعد التفويلة قررت أرستر كومبيوتر الرحلات وكومبيوتر استهلاك البنزين واخد قرايات كل حاجة وتوكلت على الله.
المفاجئة بقى بعد حوالي ٢٠٠ كيلو لحد دلوقتي استهلاك البنزين اتحسن بشكل مبالغ فيه جدا.
العربية كانت بتعمل جوة البلد حوالي ٢٣ كيلو في الليتر والطرق السريعة حوالي ٢٧ كيلو في الليتر وده يعتبر استهلاك عادي للعربية ومتعارف عليه وبيختلف من طريقة سواقة حد للتاني.
حاليا العربية بتعمل جوة البلد ٢٧ كيلو للتر والطرق السريعة حوالي ٣٠ كيلو للتر، مع العلم انها نفس طريقة السواقة، نفس الطريق كل يوم، نفس البنزين والزيت والفلتر، مفيش بس غير اني غيرت البوجيهات.
وده يخليني اتأكد ان الحاجات في مصر حتى لو شريها من وكلائها مباشرة مش لازم تكون أصلية، ما هو يا اما الكولاء غشاشيين يا اما فعلا اصلية بس بضاعة درجة تانية.
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
نعم ........... هكذا هي حال اغلب المنتجات لدينا سواء مصنعه داخليا او مستورده ؟
المفضلات