هل تقوم بإلقاء المهملات من شباك عربيتك ؟؟

**ahmedfd** · 14-12-2008 03:04 PM

الحمد لله عمري مبعملها و ربنا يقدرني معملهاش أبداً.
أنا بس بقول لإخوانا اللي بيرموا في الشارع... هل ممكن تعمل كدة لو إبنك الصغير اللي بيراقبك و يتعلم منك قاعد جنبك في العربية علماً بإن الصح صح و الغلط غلط .. يعني إنت بتعلمه إن الغلط مفيهوش مشكلة و عادي.
هل و إنت ماشي و اللي قدامك لقيته مرة واحدة رمى سندوتش ولا علبة بيبسي ولا غيره، هل مش بتضايق؟
طب لو إنت راكب جنبك واحد أجنبي صديقك و لا تبع الشغل و اللي قدامك رمى حاجة ...شعورك هيكون إيه؟

**amirhamed** · 14-12-2008 03:18 PM

لا ... و عمرى ما هعمل كدا

**engwalid** · 15-12-2008 01:43 AM

لأ ... حتى لو على طريق سفر ...

**zizophone** · 15-12-2008 02:01 AM

هو الصرحة الصرحة انا برمي سعات كنزات وانا ماشي بس على جنب الطريق مش في الوسط ياعني

**barakota** · 15-12-2008 07:45 PM

المشاركة الأصلية كتبت بواسطة AshTurbo

ماهو بالفعل في ناس صوتوا على أنهم بيرموا من شباك العربية والنسبة نص بالنص بس لما شافوا الردود عرفوا أنهم غلط وحسوا بالذنب لدرجة أنهم مقدروش يقولوا أيوة أحنا بنرمي بكل صراحة .

أحب أقول لحضراتكم أن البلد دي مش بتتوسخ لوحدها ولا في كائنات فضائية بتيجي ترمي زبالة عندنا وياريت قبل ما أي واحد فيكم يقول دي بلد بنت ستين في ثمانين يعرف أنه هو السبب في كدة لما بيفتح شباك عربيته ويرمي منه .

في النهاية كيس صغير تمنة 5 قروش أو 10 قروش يحل المشكلة وتحط فيها حاجتك وأنت نازل في أي مكان هتلاقي قدامك صندوق قمامة روح أرميه وأبقى قولي حسيت ساعتها بأية .

و فعلا فى الان صندوق للمخلفات مخصص للسيارات موجود فى كارفور ثمنة مش غالى و يحافظ على نظافى الشوارع و العربية

**Amrrr** · 17-12-2008 02:15 PM

كنت
دلوقتي بجمع في الكيس اللي اشتريت الحاجة فيه وارميه بعد كدة في اي باسكت وانا ماشي - بس للأسف ساعات بتطلع برة
وعامةً ماكنتش باخد بالي بس واحدة معايا في الشغل هي اللي كسفتني مرة فقلت امال الغريب يقول ايه ؟!؟!؟!؟

**SAMER_ENGINES** · 17-12-2008 05:22 PM

لا طبعا و دايما بخلي اللي انا عايز ارميه معايا في العربية لحد ما انزل و ارميه في صندوق الزبالة و لو زبالة كتير بحطها في اي كيس لحد ما اوصل و ارميها في صندوق الزبالة حتي قشر اللب و احنا علي الصحراوي بحطه في شنطة او في طفاية السجاير في العربية مش هخسر حاجة و لا الطفاية هتخس لما ارمي فيها قشر اللب.
بس الغريب أني لو أصحابي معايا في العربية و عملت كدة بيبصوا لي و كأني من عالم آخر و بيضحكوا عليا و يمسكوا الزبالة برموها نيابة عني و كأنهم بيعملوا واجب قومي.
و مرة كنت راكب ميني باص و الواد المنادي أكل علبة كشري و رماها في الشارع في مصر الجديدة في وسط الشارع بجد منظر مقرف و كان نفسي اقوم اقلبه انزله تحت الدوبل الوراني بتاع الميني باص بس في واحد كان ماشي جنبنا بعربية و اداله كلمتين في عضمه خلاه معرفش ينطق و بصراحة كنت فرحان فيه بطريقة.
و الغريبة انك بتلاقي ناس راكبة عربيات في منتهي الفخامة بس هما من جواهم لا مؤاخذة....... و تلاقيهم فتحوا الإزاز الكهربا و رموا الزبالة و قفلوا منظر بجد مقرف.

**mohamed_kta** · 17-12-2008 06:04 PM

السلام عليكم

طبعاً كنت برمى من العربية فى أى مكان لكن مرة كنت مع واحد حبيبى و قال لى : ( عارف أن الورقه اللى بترميها فى الشارع دى هتشهدلك أو هتشهد عليك ) بصراحة مكنتش مهتم أوى بكلامه لكن فضلت أفكر فيها مدة طويلة و لقيت أن أكيد ربنا ميرضاش بكده و كمان النبى صلى الله عليه و سلم كان عنوان النظام و النظافه مش أحنا بنقول "إلا رسول الله" أكيد لازم نكون مثله .

**tiger8900** · 18-12-2008 04:23 PM

مش فى كل مكان

**mohamedbook** · 18-12-2008 07:53 PM

اكيد برميها من الشباك تعرف لية
عشانين البلد المعفنة دية مفيهاش صناديق زبالة
وأي واحد عيشلي الدور وبيقول لا احب اقلة لو مبترميهاش في سلة الزبالة يبقي بترميها جو عربيتك اكيد عشان لو حبيت ترميها في سلة مهملات مش هتلاقي
او هتطلع عينك عقبال متلاقي سلة مهملات ييييييييييييييييياحلاوة

مشاهدة نتائج الإستطلاع: هل تقوم بإلقاء المهملات من شباك عربيتك ؟؟

الموضوع: هل تقوم بإلقاء المهملات من شباك عربيتك ؟؟

LinkBack

أدوات الموضوع

عرض

-

-

-

-

المواضيع المتشابهه

سلسلة سلوكيات القيادة - الحلقة السابعة (القاء المهملات من الشباك)

"الأزهر" يندد بإلقاء جثة بن لادن بالبحر - حسبنا الله ونعم الوكيل

شباك التكييف

أحدث المنضمين إلى قائمة ضحايا الفقر.. عامل ينتحر بإلقاء نفسه من أعلى كوبري 6 أكتوبر

الكلمات الدلالية لهذا الموضوع

المفضلات

المفضلات

ضوابط المشاركة