محتاج رايكم في زيت Aisin 5w50 تخليقي بالكامل

السلام عليكم ورحمة الله وبركاته
أصدقاء المنتدى الكرام..
محتاج استشاراتكم في اختيار زيت الموتور
عربيتي ماتريكس مانيوال 2006 ماشيه 125 الف كيلو
الموتور حالته كويسه الحمد لله ومابيكلش زيت فيها بس صوت الكوستبانات اول الدوارة فقط دقيقة وبيروح وتسريب من جوان التكيهات هعمله مع غيار الزيت
الكتالوج بيقول Api SM. Gf-4
حاليا حاطط كاسترول ماجنيتك نصف تخليقي حلو بس صوت المكنة بيعلى ف السرعة العالية
عايز احط زيت تخليقي وبفكر ف ايسن 5w50 وسعره كويس على المواصفات بتاعته sn Gf-5
ولا اجرب wolver ألماني ولا زيت فيسكو 5000
ياريت لو حد جرب ايسن يقول تقييمه
وشكرا

وعليكم السلام ورحمة الله وبركاته..
بالنسبة للماتريكس.. فالزيوت المواصفات المطلوبة هي بمواصفة API SL على الأقل، ومواصفة ILSAC GF-3 على الأقل..
واللزوجات المسموحة 5w-20 و 5w-30 و 10w-30 و 15w-40 و 20w-50

دي صورة توصيات كتالوج الماتريكس 2007:
https://nileup.com/up/uploads/nilemo...5240542111.png

بالنسبة لكاسترول ماجناتك .. فلزوجته 10w-40.. وبالتالي مش هيكون مناسب.. ده غير إنه مش واخد تصنيف ILSAC أساسا..

آيسن أنسب طبعا لإنه واخد تصنيف ILSAC...

بس حضرتك متأكد من اللزوجة دي؟؟؟؟ أصل مفيش زيت واخد تصنيف ILSAC ويكون تقيل...

وعلى حسب علمي.. آيسن ما بتعملش زيت بلزوجة 5W-50.. لإن ببساطة آيسن شركة يابانية متخصصة في صنع قطع الغيار وتعتبر وأكبر مصنّع للفتيس في العالم.. مش شركة متخصصة في الزيوت... لكن بتعمل زيوت للسيارات اليابانية بحكم كونها من أكبر موردي مصانع السيارات...

والمعروف إن لزوجة 5W-50 دي استخدامها في أوروبا كتير... إنما اليابان... مفيش.

على فكرة آيسن عندها زيوت كتير واخدة تصنيف ILSAC بلزوجة 5w-30... دول أفضل بكتير.

ده كتالوج آيسن الشرق الأوسط لزيوت المحركات..
http://aisin.ae/ar/upload/lpic/lpic_3.pdf


وولفر ماعندهاش حاجة مناسبة للسيارات الكوري والياباني غير نوع واحد... وأشك إنه موجود في مصر... اسمه ProTec
ده غير إن مستواه أقل من الزيوت التانية API SM و ILSAC GF-4
Wolver ProTec 5W-30 - Katalog :: Wolver Lab GmbH - Your tribology expert!


أما فيسكو .. أشك.. بس ما عنديش معلومات عنها للأسف.


...

اشكرك يا هندسة على ردك الوافي
حابب أوضح 3 نقاط
انا جايب مواصفات المذكورة من الكتالوج الخاص بالماتريكس ممكن يكون في أنواع مواتير الله اعلم
Api Sm . ILSAC Gf-4 or above

الايسن في فمصر 5w40 & 5w50 التخليقي SN Gf-5

ال wolver فيه نوعين 10w40. SM Gf-4 super light
الآخر 5w40 SN Gf-5 high tec

رأى حضرتك أيهم أفضل وخصوصا سعر الايسن حلو

اقتباس:

---

المشاركة الأصلية كتبت بواسطة MHMD Alexndria

اشكرك يا هندسة على ردك الوافي
حابب أوضح 3 نقاط
انا جايب مواصفات المذكورة من الكتالوج الخاص بالماتريكس ممكن يكون في أنواع مواتير الله اعلم
Api Sm . ILSAC Gf-4 or above

الايسن في فمصر 5w40 & 5w50 التخليقي SN Gf-5

ال wolver فيه نوعين 10w40. SM Gf-4 super light
الآخر 5w40 SN Gf-5 high tec

رأى حضرتك أيهم أفضل وخصوصا سعر الايسن حلو

---

أحييك على التزام حضرتك بالكتالوج... وياريت أعرف من حضرتك كمان إيه اللزوجات المسموحة فيه...


بالنسبة للزيوت اللي حضرتك بتسأل عليها.. فأرجو إنك تحاول تلتزم بلزوجة الكتالوج...

الكتالوج (على حد علمي) ما جابش سيرة 5W-40 ولا 5W-50.. إنما بيوصي بلزوجة 5W-30...

وعلى فكرة.. اللزوجة دي هتوفر معاك في البنزين.. خصوصا لما تكون واخدة تصنيف ILSAC

وحسب ما فهمت من البروشور ده.. لزوجة 5W-40 و 5W-50 مش واخدين تصنيف ILSAC..
Prodcut Data Sheet - AISIN Fully Synthetic Motor Oil - ADVANCED TECHNOLOGY ENGINE OIL

هو واضح إن حضرتك قلقان من استخدام لزوجة 5W-30.. غالبا مش عايز الزيت ينقص... أو حاسس إن الجو حر على درجة اللزوجة دي... أو يمكن علشان العربية عدت الـ100 ألف كيلومتر!!

عموما.. ياريت تقوللي طريقة استخدامك للعربية وخصوصا أسلوب التحميل على الموتور.. لإن الموضوع ده هو اللي بيفرق في اختيار اللزوجة... مش الكيلومترات خالص.

ادخل على الموضوع ده لو عايز معلومات أكتر..
إزاي تختار لزوجة زيت الموتور المناسبة لعربيتك؟؟؟

والموضوع ده كمان... علشان نشيل مسألة الـ100 ألف دي من دماغنا
أسطورة الـ100 ألف كيلومتر... هل لها أصل؟؟؟


على فكرة.. أنا باستخدم زيت بلزوجة 5W-30 (حسب الكتالوج).. وأنا مقيم في جدة بالسعودية... وما عندناش فصل الشتاء من أساسه.. والعربية ماشية دلوقتي حوالي 100 ألف كيلومتر.


...

حوار حضرتك شيق جدا... وحضرتك اخدت بالك ان ايسن 5w30 فقط هو اللي واخد اغلب الاعتمادات SN Api. ILSAC Gf-5.
لكن الزوجات الاخرى في التخليقي 5w50 & 5w40 واخدين Api SN فقط ومش فاهم ليه صراحة....
لذلك أن حاليا مايل للشبه تخليقي في زيت Wolver
لأنه محقق اغلب معايير الكتالوج Api SN & 10w40
ILSAC Gf-4 وسعره كويس بالنسبالي وألماني الصنع ومواصفاته كويسه وانا حاليا عدد الكيلومترات في السنة مش كتير حوالي 7000 كيلو
وردا على كلام حضرتك في اللزوجة 5w30 انا مركب موتور استيراد ومتخوف من اللزوجة القليلة ولسه بجربه تاني غيار الزيت
ياريت حضرتك تشوف data sheet. الخاص بزيت. 10w40 wolver super light... Semi-synth
وتقولي تقييمك ليه
اشكرك

اقتباس:

---

المشاركة الأصلية كتبت بواسطة MHMD Alexndria

حوار حضرتك شيق جدا... وحضرتك اخدت بالك ان ايسن 5w30 فقط هو اللي واخد اغلب الاعتمادات SN Api. ILSAC Gf-5.
لكن الزوجات الاخرى في التخليقي 5w50 & 5w40 واخدين Api SN فقط ومش فاهم ليه صراحة....
لذلك أن حاليا مايل للشبه تخليقي في زيت Wolver
لأنه محقق اغلب معايير الكتالوج Api SN & 10w40
ILSAC Gf-4 وسعره كويس بالنسبالي وألماني الصنع ومواصفاته كويسه وانا حاليا عدد الكيلومترات في السنة مش كتير حوالي 7000 كيلو
وردا على كلام حضرتك في اللزوجة 5w30 انا مركب موتور استيراد ومتخوف من اللزوجة القليلة ولسه بجربه تاني غيار الزيت
ياريت حضرتك تشوف data sheet. الخاص بزيت. 10w40 wolver super light... Semi-synth
وتقولي تقييمك ليه
اشكرك

---

العفو.. أنا لسه ما عملتش حاجة...

يا ريت بس حضرتك تصور لنا توصيات الزيت من الكتالوج اللي معاك لإني محتاج المعلومات اللي فيه عشان يبقى كلامي مبني على معلومات مؤكدة.

من ناحية تقييمي لزيت وولفر...
الزيت بيحقق بعض المتطلبات.. مش كلها... وده بيخلي فيه أفضلية عليه لزيوت تانية محققة كل الطلبات..

مش معنى إن الزيت ألماني إنه يكون كويس... المسألة كلها في المواصفات.. مش بلد المنشأ..

أولوياتنا في الاختيار كالتالي:
1- المواصفات (مستوى الجودة + اللزوجة)
2- الماركة
3- توافر المنتج بسهولة
4- بلد المنشأ

بمعنى إن أهم حاجة يكون الزيت مطابق لمواصفات الكتالوج أو أفضل منها.. ولو الزيت مش مطابق يبقى مالوش لازمة... بعد كده لو قدامي أكتر من زيت مطابقين للكتالوج وزي بعض في المواصفات أدور ساعتها على الماركة الموثوقة.. وكما لو كانت الماركتين موثوقين.. أدور ساعتها على الزيت المتوفر بسهولة في السوق (لإن التغيير المتكرر لأنواع مش كويس)... وآخر حاجة أبقى أدور على الزيت ده جاي منين.


حاجة تانية...

الزيت اللي حضرتك اخترته لزوجته مش مكتوبة في الكتالوج (اللي معايا)... وبالتالي حضرتك عايز تستخدم زيت غير مطابق للكتالوج...


بالنسبة للزوجة الـ5W-30... دي هي اللزوجة الصحيحة لموتور عربيتك... ولو حصل مشكلة نتيجة استخدام اللزوجة دي فده مش بسبب الزيت.. إنما لوجود مشكلة في الموتور من الأول...

في رأيي لما تعرف مشاكل الموتور من دلوقتي أفضل كتير ما تبقى ماشي وتفاجأ بمشكلة بعد كده.


آخر حاجة...

مواعيد تغيير الزيت ليها قواعد... أرجو إنك تاخد عنها فكرة من هنا:
إمتى تغير زيت الموتور؟؟؟

باختصار... المواعيد إما بالكيلومترات أو بالمدة الزمنية .. أيهما أسبق (زي ضمان العربية كده)...
ولو معدل مشيك بالعربية قليل .. يبقى لازم تغير المدة الزمنية.. مش الكيلومترات..

كل ده بيتحدد من الكتالوج.. مش حسب نوع الزيت...

مفيش زيت بيحددلك مدة التشغيل في العربية إلا عدد قليل جدا من صانعي الزيوت في العالم (ما يزيدوش عن أصابع اليد الواحدة).. وكمان التحديد بيكون في فئات محددة من زيوتهم.. مش كل الزيوت.

امشي عالكتالوج لو عايز تحافظ على فلوسك.


أنا عموما أرشح لحضرتك الزيوت دي:

موبل1 x1 بلزوجة 5W-30
Mobil 1™ x1 5W-30
http://www.mobil1-egypt.com/~/media/..._5w-30_4l.ashx

زيت مانول إنرجي فورمولا بلزوجة 5W-30
https://www.mannolegypt.com/mannol-p...-formula-5w-30
https://www.mannolegypt.com/media/dj...la-5w-30_f.jpg


وفيه زيوت تانية ممكن تطلع عليها في النقاشات في الموضوع ده..
https://www.nilemotors.net/Nile/504694-a.html

وتحت أمرك في أي سؤال.


...