تجربتى مع مركز الاخوة للصيانة فى المريوطية مهندس / معتز
انا لسه شارى العربيه مستعملة نيو لوجان 2016 اوتوماتيك وكنت عايز اطمن على سير الكاتينه عشان قلقه الجامد فبقالى كام يوم بدور عالانترنت كلمت اكتر من مركز بس كلهم بعيد عنى وانا ساكن فى فيصل وكانت الاسعار لتغيير السيور بس بتتراوح مابين 200 الى 400 وفى التوكيل - عثمان موتورز 700جنيه المهم ان القصة مش بس هدفع كام لأ وكمان ده سير الكاتينه يعنى لازم متخصص وخصوصا انى مقتنع ان البحث فى الاول افضل لان المكان الى هختاره هيبقى غالبا هو الى هستمر معاه واكتشفت ان الاماكن الكويسه لازم بالحجز ووقت بقى مش هينفع معايا لانى مستعجل والبحث عن ميكانيكى رينو كويس فى فيصل والهرم كان صعب بطريقة غريبة ولو لاقيت حد الناس بتشكر فيه تلاقيه تنك وغالى كمان المهم والحمد لله ربنا هدانى لمهندس معتز وكلمته واستريحت بعض ما قريت عن استحسان شخصين ليه على الانترنت وروحتله والتعامل معاه فعلا مريح جدا وراجل محترم و عنده اسطى عادل راجل محترم وفاهم وابتدينا الشغل ( فى قصه اخرى هبقى احكيلكو جبت السيور بكام ومنين لانى برده لفيت كتير والضرب شغال فى الاصلى وكله مغشوش دلوقتى ) واستنينا لما العربيه بردت وابتدى احمد ( شاب محترم برده هناك ) يرفع العربيه ويفك ومعاه اسطى عادل ( واتصدمت لما فك القديم وطلع كويس وكأنه معملش 20 الف - اخخخخخ والى اشتريت منه قالى مش فاكر غيرته ولا لأ فقل خلينى فى الامان واغيره وخلاص اخخخخخخخ ) وتم التغيير والتجربة بنجاح والحمد لله وكان مهندس معتز ماقاليش سعر التغيير كام بس قالى هديلك اقل سعر وانا فعلا استريحتله وبعد ماخلصنا قالى رقم اقل فعلا من غير حتى ما اقوله على اسعار الناس التانيه ولا كلام كتير ولا حوارات وفصال .. كان محترم وفاهم بجد هو وعادل لدرجة انى خلاص قررت انه يبقى مكانى الدائم باذن الله .. و كان المبلغ شامل الاكراميه 200جنيه .. والحمد لله راجع مستريح من كل الجوانب وده نادرا ما بيحصل فى التعامل مع صيانة العربيات فى بلدنا ( لحد ما وانا مروح لاقيت بنزينة توتال فى نص فيصل حرقو دمى وانا بشترى الميه الزفت الحمرا وبغسل دورة الردياتير وده هبقى احكيه وقت تانى ) .. المهم مركز الاخوه بقى مكانه فى المريوطية هرم فى شارع بعد فندق سياج علطول على ناصيتة كافيتيريا اسمها قمر الليالى -- وتليفونهم (01155115541 - 01283333848 ) وعنده صيانه وسمكره ودوكو اه الحاجه الوحيده الى كانت ناقصه ان الكمبيوتر كان عطلان فمعرفتش انضف البوابه و ان مفيش مكان تقعد فيه اه جنبك كافيتيريا بس فيه ناس بتحب تشوف الشغل ماشى ازاى .. وقلت اشارك للافادة .. عشان محدش يدوخ زيي .. بس وده كل الموضوع .