العربية بتدور بس مكتومة في الاول

عربية لادا 2105 تيجي الصبح تتدورها تتدوس بنزين العربية تحس انها مكتومة والبنزين مش واصل (حاجة زي كدا)ولما تزود وانت بتسخنها تحس انها حتبطل ,تيجي تتطلع علي الاول تنتش حاجة بسيطة التاني تنتش جامد لغاية لما تسخن وكله يبقي تماممم

المشكلة دي بتكون لما العربية لسه حسخنها الصبح ,لو طولت الصبح وانا بسخنها ممكن الخنقة اللي في الاول والتاني تروح بس دة لو طولت في وقت التسخين

العربية الحمد لله مفهاش اي مشكلة في الدوارة من شهر 7 حتي الان ومش عاوز اروح لميكانيكي يبرجلها ويخليها متتدورش وتتعبني الصبح

هية كدة مش مضايقاني بس حابب اعرف اية سبب الخنقة اللي فيها الصبح دي الكلام دة بيحصل من شهر تقريبا والبنزين المستخدم في غالب الوقت 80 ودة بستخدمة من زمان برضة

ممكن متمنشي العربية لسة سخنت ثانيا شوف الكربراتير ممكن يكون فية وساخة ومخنوق وبص علي الكربراتير عموما

اقتباس:

---

المشاركة الأصلية كتبت بواسطة magyver

ممكن متمنشي العربية لسة سخنت ثانيا شوف الكربراتير ممكن يكون فية وساخة ومخنوق وبص علي الكربراتير عموما

---

شكرا لردك لو العربية خدت وقتها في السخونة وانا قعدت ازود بنزين غالبا مش حتقطع لكن الاول مكنتش مضطر اني ازود بنزين او اسخنها فترة طويلة يكون عيب بوجيهات ولا كرابراتير؟

شوك الكاربيراتير معلق

العربية دى عايز يتغير لها بوجيهات مع عندك الكرباريتر عايز يتعمل لة اكس وباب

متهيألي مفيش مشكلة عندك لاني انا نفس الكلام اللي بيحصل معاك ده بيحصل معايا كانها مكتومة او مخنوقة لاني البنزين لسه موصلش كويس و الموتور بارد.
و كمان لاحظ اختلاف الجو في الصيف و الحر في شهر سبعة زي ما قلت الجو غير الجو دلوقتي الجو بقي اسقع و اللي بتقوله بيحصل عندي تقريبا هو هو زي ما قلت لك ما انا زميلك في اللادا 2105.
و كمان لاحظ اني العربية كاربراتير مش دايركت انجيكشن يعني مفيش بنزين او ار بي ام هيطلع لوحده و يدي كمية البنزين المطلوبة و رشاشات و حساسات و كدة لا لازم تدوس لها شوية و وارد جدا انك تحس انها مخنوقة و حتبطل انت راكب لادا.
و كمان حاول دايما تطلع لما العربية تسخن عشان متنتش منك زي ما بتقول (واضح انك بتطلع بدون تسخين خالص او بدون تسخين كافي) لاني اللادا و اي عربية بس بالذات اللادا لو طلعت وهي باردة بتكون مقرفة و ده في صالح العربية و الموتور انا شخصيا مش بطلع الا لما اسخن كويس الا مرتين تلاتة من ساعة ما جبتها كنت فعلا مستعجل جدا و العربية ورتني الويل في اول كام شارع لحد ما سخنت.
هو حضرتك كنت بتسوق حاجة دايركت او حاجة زي كدة؟؟

شكرا لردودكم جميعا

اقتباس:

---

المشاركة الأصلية كتبت بواسطة car_lover

متهيألي مفيش مشكلة عندك لاني انا نفس الكلام اللي بيحصل معاك ده بيحصل معايا كانها مكتومة او مخنوقة لاني البنزين لسه موصلش كويس و الموتور بارد.
و كمان لاحظ اختلاف الجو في الصيف و الحر في شهر سبعة زي ما قلت الجو غير الجو دلوقتي الجو بقي اسقع و اللي بتقوله بيحصل عندي تقريبا هو هو زي ما قلت لك ما انا زميلك في اللادا 2105.
و كمان لاحظ اني العربية كاربراتير مش دايركت انجيكشن يعني مفيش بنزين او ار بي ام هيطلع لوحده و يدي كمية البنزين المطلوبة و رشاشات و حساسات و كدة لا لازم تدوس لها شوية و وارد جدا انك تحس انها مخنوقة و حتبطل انت راكب لادا.
و كمان حاول دايما تطلع لما العربية تسخن عشان متنتش منك زي ما بتقول (واضح انك بتطلع بدون تسخين خالص او بدون تسخين كافي) لاني اللادا و اي عربية بس بالذات اللادا لو طلعت وهي باردة بتكون مقرفة و ده في صالح العربية و الموتور انا شخصيا مش بطلع الا لما اسخن كويس الا مرتين تلاتة من ساعة ما جبتها كنت فعلا مستعجل جدا و العربية ورتني الويل في اول كام شارع لحد ما سخنت.
هو حضرتك كنت بتسوق حاجة دايركت او حاجة زي كدة؟؟

---

كلامك اقنعني بصراحة المشكلة بدئ ظهورها مع الشتاء ومكنتش مووجودة في الصيف,انا يسخنها بس مش بطول حوالي دقيقة كدة ,الصفيحة بتعمل معاك كام؟ انا ال 20 لتر يعملو حوالي 120 الي 130 كيلو وافضل معدل الصفيحة عملت 140كيلو اعتقد كتير علي ماتور 1200

بصراحة محسبتش الكمية بتاعة البنزين بالظبط و خاصة اني العربية مش بتخرج كتير او يوميا فمحتطش في بالي استهلاك البنزين اوي.

اقتباس:

---

المشاركة الأصلية كتبت بواسطة car_lover

بصراحة محسبتش الكمية بتاعة البنزين بالظبط و خاصة اني العربية مش بتخرج كتير او يوميا فمحتطش في بالي استهلاك البنزين اوي.

---

طيب بتستخدم زيت نوعه اية للماتور ؟ وسعره ؟ وبتغيره كل قد اية ؟

انا بستخدم مصر للبترول الفضي 7500 وبغيره كل 2000 وسعره 38

انا بستخدم نفس الزيت اللي بتستخدمه و هو مصر للبترول 7500 بس بغيره كل 1000 او 1500 علي الأكثر و ده أفضل للموتور كل ما تغيره في مدة أقل كل ما كان أفضل للموتور لكن مدة الـ 2000 ليست سيئة او طويلة أيضا و لكن صراحة أريد تغيير الزيت بنوع زيت آخر كموبيل او اي نوع آخر بالرغم من عدم وجود فارق كبير في الزيوت و لكن أعتقد أنه سيحسن من أداء الموتور.

اقتباس:

---

المشاركة الأصلية كتبت بواسطة car_lover

انا بستخدم نفس الزيت اللي بتستخدمه و هو مصر للبترول 7500 بس بغيره كل 1000 او 1500 علي الأكثر و ده أفضل للموتور كل ما تغيره في مدة أقل كل ما كان أفضل للموتور لكن مدة الـ 2000 ليست سيئة او طويلة أيضا و لكن صراحة أريد تغيير الزيت بنوع زيت آخر كموبيل او اي نوع آخر بالرغم من عدم وجود فارق كبير في الزيوت و لكن أعتقد أنه سيحسن من أداء الموتور.

---

والفلتر؟؟؟؟؟؟؟؟؟؟؟

ده اولا عشان الشتاء والعربيه بتكون لسه برده
وديه مشكله الفيات واللادا لازم تدور وتسخنها خمس دقايق علي الاقل
بس الزيت مالوش علاقه برضه بالحكايه ديه عشان انت بتقول بعد ما العربيه بتسخن بتبقي تمام
اصل انا عندي نفس المشكله

أنا معاي فيات ريجات الخنقة دي ظهره معاي في العربية بس دي ما لهاش دعوة بالشتاء أو بالصيف لاني كنت في الشتاء اللي فات بطلع بيها ومفيش مشكلة فأنا مش عارف أغير إية بالضبط هل البوجيهات هي المشكلة ولا الكاربرتير

اقتباس:

---

المشاركة الأصلية كتبت بواسطة mohamed2002

والفلتر؟؟؟؟؟؟؟؟؟؟؟

---

المفروض كل تغيرين زيت نسيب الفلتر و مع تغيير الزيت التالت نغير الفلتر.

أنا المشكلة دي فعلا كانت عندي ويوم الخميس ظبط الكاربرتير وكان تقريبا دخول الهوا في فتحتين في الكاربرتير لدخول الهواء الميكانيكي بعد ما عملت كل حاجة غيرت الفلتر البنزين والبوجيهات ونضفت الكاربرتير مع إنه كان نضيف وطلعنا أنا والميكانيكي نفس الخنقة كانت موجودة ومفيش تغيير بس الميكانيكي بصراحة كان ناصح راح جي مضبط البابين بتوع الهواء اللي تحت العمة في الكاربرتير وبصراحة رجعت عشره علي عشرة زي الاول

عندى 128 وفيها نفس الخنقة
بس دى عندى من زماااااااااااااااااااان فا مش بحطها فى دماغى

نسبة كبيرة جداً إن الكربرتير عايز يظبط. لأن الخنقة دي سببها مسمار الهواء مخنوق شوية.

اكتشفت اني لما اشيل ان الخنقة بتروح لما بدوس بنزين واشيل رجلي من علي الدواسة او بمعني اصح اكارك علي الدواسة تبدا تروح