عرض للطباعة
السلام عليكم
معايا عربية ميتسوبيشى لانسر مكواة 2003 , و الثرموستات عندى احيانا كانت بتهييس و الموتور بيسخن و المياه ف الردياتير بتبقى بتغلى جدا لدرجة ان قربة المياه بتنقط و غيرت الثرموستات و برضو نفس المشكلة فاضطريت اوصل المرواح مباشر مؤقتاً
هل دى اكيد مشكلة ثرموستات و لا ممكن تكون مشكلة ف علبة الفيوزات لان الثرموستات القديمة كانت الاصلية بتاعت العربية و الجديدة برضو جايبها اصلية ؟
هل فى ورشة كويسة اروحلها تكون ف نطاق منطقة الهرم او الجيزة
شكرا جزيلا
لما حضرتك وصلت المراوح مباشرة العربية مبتسخنش زى الاول ؟؟
لما العربية بتسخن ... المس بحرص خرطوم المياه الى خارج من الردياتير و كمان الخرطوم الى داخل الردياتير .... لو الخرطوين سخنين ... الثيروستات شغال ... لو واحد منهم بارد و واحد سخن .. الثيرموستات قافل ...
فى الغالب المراوح حتكون مش بتشتغل و ده الى عامل المشكلة ... ده عيب بيتكرر فى المكواة
حاليا موصل المراوح مباشر و العربية مبتسخنش خالص و مؤشر الحرارة جوا دايما مبين ان الموتور بارد مش زى الاول
وبالتالى انا دلوقتى مش معتمد ع الثرموستات
هل دا معناه انها مشكلة ثرموستات و لا ممكن تكون حاجة ف علبة الفيوزات مثلا لان الثرموستات اصلية
عيب منتشر شوية فى المكواة .... مروحة التبريد مش بتشتغل ....
طالما العربية حرارتها كويسة .. ده معناه ان الثرموستات فاتح و الدورة كويسة ... لو العربية بردت لما المراوح تكون شغالة او و العربية بتجرى ... ده معناه ان الثيرموستات مش موجودة
ان شاء الله تكون بسيطة و تحتاج كهربائى يبصلك على الفيوز و كتاوت المروحة و الوصلات