ايهما افضل المازدا 323 ولا الشاريد 90
عرض للطباعة
ايهما افضل المازدا 323 ولا الشاريد 90
متهيالي ال 323 علشان قطع غيارها موجوده كتير و اي حد بيشتغل فيها عادي انما الاريد اعتقد انك حتلاقي قطع غيارها بس حتلف عليها شويه مش حتلاقيها علي طول و خصوصا لو ساكن في الاقاليم او حاجه عموما القرار قرارك و يا ريت لو حد من الساده الافاضل عنده معلومات ما يبخلش بيها علينا
متشكر جدا على ردك
انا مع حازم المازدا افضل في قطع الغيار مليون مره من الشاريد بس برضوا قطع غيار المازدا عايزة تدوير بس الشاريد هتلاقيها انعم واخيرا الحالة هيا الفيصل في القرار لاي مقارنة بين سيارات مستعملة يعني لو 323 حالتها مش اد كده تبقي الشاريد احسن
انا متشكر جدا والله انا قدامي الأتنين بنفس السعر وحتار شويه
ربنا يسهل
شكرا ليكم
بص يا دكتور اللي حيفرق الحاله مش معني اني بقول ان المازدا احسن يبقي تاخدها لاء يعني لازم تتاكد ان العربيه م واخده خابطه جامده و مش راشه دواخل و الحاجات الطبيعيه دي م اي عربيه تبقي كويسه و الفيصل في حالتك حاله العربيه و توافر قطع الغيار
الأتنبن حالتهم جيدة جدا و دواخل فابريقه
بــنفس السعر
المازدا مو 81 الشاريد 90
متشكر
يبقي انا كده برشح المازدا رغم انها موديل قديم بس صيانتها و قطع غيارها رخيصه و سهله مش حتتعبك
متشكر حازم باشا لتفضلك بالرد
يا دكتور لا شكر علي واجب احنا كلنا اخوات و مفيش شكر بين الاخوات
ana baras7h el charade agdad we ket3 el 3yarr mawgoda mesh nadra
المازدا طبعا لان انا مش بحب الدايهاتسو وعربيات مش قوية
السلام عليكم ورحمة الله وبركاته
توضيح بسيط على مسألة ان الدايهاتسو عربيات مش معمره ومش تحييز والله ولكن مفيش عربيات ياباني أصلا مش معمره
والدايهاتسوا مش هنتكلم عليها كشركه ولكن أقل شئ ان حضرتك قطع غيار دايهاتسو كلها بتنتج من الشركتين اللي تويوتا ذات نفسها قطع غيارها منها وهما Denso , NKG
وهما من اكبر الشركات اليابانيه لأنتاج قطع الغيار
وفمتهيالي ان مسالة ان العربيه ممش معمره دي مش صحيحه
وهقول لحضرتك حاجه كمان ان حضرتك لو بصيت في الشوارع المصريه على التيريوس القديمه والشاريد السيدان والهاتشباك القديمه هتلاقيهم غالبا بحالتهم والدهان بتاعهم لسه بحالته والعربيه ماشيه وماسكه نفسها مع العلم انك هتلاقي موديلات الشاريد من الثمانيينات والتسعيينات والعربيه لسه بحالتها مش باين عليها بهدله وده بصراحه سمت انا كنت بشوفه عالطول في الشوراع للعربيات الدايهاتسوا عموما من قبل ما أشتري السيريون او حتى افكر فيها لأن انا أصلا مكنتشي عالم حسابي اني أشتري دايهاتسو ولكن كنت بشتري تويوتا .........