هيختشوا امتى؟؟؟ لسه بيبيعوا موديل 2017 على انها 2018

وعلى فكرة انا بقول انها موديل 2017 مجازا
لانها موديل 2015 لان دي اول سنة نزل فيها الشكل الموجود حاليا
وكل اللي جه بعد كده هو نفس الموديل واكن تصنيع جديد
يعني في 2016 يصح نقول انها موديل 2015 تصنيع 2016
وفي 2017 يصح نقول موديل 2015 تصنيع 2017 وهكذا


الموديل الجديد نازل من 2017 في السعودية والامارات وانا عامل موضوع عنه قبل كده
وبرضه معندهمش دم ولسه بيبيعوا الموديل القديم اللي موقوف انتاجه اصلا في الشركة الام
رابط الموضوع اهو

 (هو ليه غبور لسه بيبيع شيري تيجو الشكل القديم مع ان الجديد نازل في الخليج من بدري)https://www.nilemotors.net/Nile/501726-a.html

بس برضه العيب مش عليهم لوحدهم ... برضه العيب على اللي بيروح يشتري رغم انه عارف
انه موديل قديم على العموم دي فلوسه وهو حر فيها

بس انا عملت موضوع زي ده في الرينو داستر وبيتهيالي الناس اتجاوبت ومعدل الشراء ضعف
ودا خلا الشركة تنزل العربية بعد ما كانت ناوية تنزلها على انها موديل 2019 بعد شهر 6/2018
رابط موضوع الداستر اهو

 (احترس ... بيبيعوا داستر 2017 على انها 2018)https://www.nilemotors.net/Nile/503833-2017-2018-a.html

يا ريت يكون عند راغبي شراء الشيري ارادة مثل راغبي الرينو
صراحة موديل الشيري تيجو الجديد يستحق الانتظار والتغلب على الجشع
لان لو معملتوش دا الشركة هتتمادى في الاستهبال وتبعها كمان
على انها موديل 2019 بعد شهر 6/2018 ودا الميعاد المعتاد
اللي الشركات تنزل فيه موديلات السنة القادمة