الموضوع: تحذير من كهربائي معندوش ضمير

السلام عليكم أعضاء المنتدى الكرام
بعد تردد اشتريت كروس فوكس وهي عربية أكثر من رائعة : ثبات وسرعه وواسعة من جوه وعاليه عن الأرض وشكلها جميل ...وغيره
المشكلة إني سألت عن كهربائي شاطر عشان شوية سلوك عاوزة تتعدل والتكييف كان عاوز شغل
وبعد البحث وعن طريق صديق وصلت لكهربائي بالحرفيين اسمه سعيد "بشارع متفرع من شارع الجولف من شارع المرسيدس"
اقل ما يقال عنه إنه معندوش ضمير : خبط العربية من الجانبين عشان كان بيجربها على الدائري بدون إذني- حرق الكشاف الأمامي وهو بيفك الإكصدام - وش الكبوت مش عاوز يقفل بسبب الخبطه - العربية بتسخن وعاوزة ميه كل يوم - الماتور بينقط زيت وصوته عالي - وش الماتور راكب غلط - السنتر بيعلق - الدريكسيون راكب عكس - كل ده وغيره والله وكان كل اللي في العربية شوية سلوك عاوزة تتعدل والتكييف عاوز شوية شغل وغير كده كانت مفيهاش أي حاجه ، والغريب انه كان بيعرض خدماته في العفشه والباور وعلبه الدريكسيون رغم أنه مش فاهم في مجاله الأصلي
المهم دفعت 4500 جنيه واشتريت كل اللي طلبه وعطلت عنده في الورشة 5 أيام بسبب محاولة تصليح ما اتلفه ولم أصل إلى شيء غير إني قلت أخد العربية بدل ما أخدها قطع غيار
ووالله كنت ناوي على مصيبه معاه بس لاقيت مش منها فايده غير أني احاول أمنع أذاه عن غيري
وطالب منكم خدمه : ميكانيكي كويس عشان يبص على الماتور لأن صوته عالي وبينقط زيت ورحت لكذا ميكانيكي مالهمش في الفولكس وخاصة الكروس فوكس
المهم يكون ثقة وعن تجربة عشان تعبت والله

المشاركة الأصلية كتبت بواسطة EL HASSAN

السلام عليكم أعضاء المنتدى الكرام
بعد تردد اشتريت كروس فوكس وهي عربية أكثر من رائعة : ثبات وسرعه وواسعة من جوه وعاليه عن الأرض وشكلها جميل ...وغيره
المشكلة إني سألت عن كهربائي شاطر عشان شوية سلوك عاوزة تتعدل والتكييف كان عاوز شغل
وبعد البحث وعن طريق صديق وصلت لكهربائي بالحرفيين اسمه سعيد "بشارع متفرع من شارع الجولف من شارع المرسيدس"
اقل ما يقال عنه إنه معندوش ضمير : خبط العربية من الجانبين عشان كان بيجربها على الدائري بدون إذني- حرق الكشاف الأمامي وهو بيفك الإكصدام - وش الكبوت مش عاوز يقفل بسبب الخبطه - العربية بتسخن وعاوزة ميه كل يوم - الماتور بينقط زيت وصوته عالي - وش الماتور راكب غلط - السنتر بيعلق - الدريكسيون راكب عكس - كل ده وغيره والله وكان كل اللي في العربية شوية سلوك عاوزة تتعدل والتكييف عاوز شوية شغل وغير كده كانت مفيهاش أي حاجه ، والغريب انه كان بيعرض خدماته في العفشه والباور وعلبه الدريكسيون رغم أنه مش فاهم في مجاله الأصلي
المهم دفعت 4500 جنيه واشتريت كل اللي طلبه وعطلت عنده في الورشة 5 أيام بسبب محاولة تصليح ما اتلفه ولم أصل إلى شيء غير إني قلت أخد العربية بدل ما أخدها قطع غيار
ووالله كنت ناوي على مصيبه معاه بس لاقيت مش منها فايده غير أني احاول أمنع أذاه عن غيري
وطالب منكم خدمه : ميكانيكي كويس عشان يبص على الماتور لأن صوته عالي وبينقط زيت ورحت لكذا ميكانيكي مالهمش في الفولكس وخاصة الكروس فوكس
المهم يكون ثقة وعن تجربة عشان تعبت والله

روح عند سيد عبده فى جسر السويس ميكانيكى ممتاز بعد محطة التعاون وانت نازل من كوبرى التجنيد وطالع على روكسى هتلاقيه على اليمين