طب والزمالك بيعمل ايه؟ :36_1_50[1]:
عرض للطباعة
ايه ياعم مالك مبسوط اوى كده ومزأطط بالراحة على نفسك شوية علشان اعصابك
على الاقل بشجع فرقة بتكسب دايما وواخدة بطولات
انت بتشجع ايه بقة ؟
مش احسن ما اشجع شوية فراخ بيضة هههههههههههههه
اعتقد لو الزمالك اللى بتلعب كانو خلو الماتش الفوره من 15 ههههههههههههه
ياعم سيبك من الزمالك
احنا بنتكلم عن الاهلى فوق الجميع
الزمالك بيتغلب من طوب الارض دة فريق محلى
انما الاهلى عالمى ولعيبة خبرة عيب اوى يحصل فية اللى حصل دة
لكن انا عاوز اسال جوزية سؤال
اية هو الضغط اللى كان على اللعيبة عشان كدة خسرو الماتش؟؟؟؟؟؟؟
لا صحيح ضغط اية ؟؟؟؟؟؟؟؟
هم لا سمح الله اول مرة يروحو اليابان عشان كدة رهبة الماتشات خوفتهم؟؟؟؟؟؟
الناس بتدور على اى عذر وخلاص
مش عاوزين يعترفو ان مستواهم لا يرقى للكرة العالمية
اخرنا افريقيا
[QUOTE=kodak_gti;546555][COLOR="DarkRed"]ايه ياعم مالك مبسوط اوى كده ومزأطط بالراحة على نفسك شوية علشان اعصابك
على الاقل بشجع فرقة بتكسب دايما وواخدة بطولات
مين قاللك انى مبسوط
بالعكس دنا زعلان عليكو والله وقلبى بيتقطع
اهئ اهئ اهئ اهئ
اربعة اهئ
المهم اعصابكم انتم
برضو هتقوللى الزمالك
ياعم هو مفيش حاجة تعلقو عليها خيبة الاهلى غير الزمالك
احنا معترفين ان الاهلى احسن من الزمالك
مبسوط ؟؟؟؟؟؟
المشكلة فيكم انتم الاهلوية --فاكرين ان الاهلى بطل العالم
انا بس عاوز اوضحلكم الصورة الحقيقية ليس الا
انما زمالك اية وبتاع اية ... دة الاهلى فوق الجميع
مش كدة؟؟؟؟؟
هههههههههه
اسبوع وكسة الكرة المصرية :H_angry[1]:
يعنى حضرات الأفاضل الزمالكوية بيشجعوا أى فريق يلاعب الأهلى من برة مصر ومش مكسوفين؟؟
على فكره....الأهلى لما بيكسب بيتقال " فاز فريق الأهلى المصرى على..... " يعنى بيتقال أنه فريق مصرى......
على فكره بالنسبة للأخ بتاع أسألو الأهلوية.......أنا أهلاوى من حاجة كده بتاع 25 سنة......و والله العظيم الزمالك والأسماعيلى لما بيكونو بيلعبوا مع فرق من بره مصر بشجعهم.....أو على الأقل لو مش بتفرج على الماتش ببقى عاوزهم يكسبوا.
عموماً أحنا روحنا اليابان وأنتو رحتو أسيوط......شوف أنت الفرق بقى.
و كل لما نلعب مع فرق أقوى كل لما مستوانا يتحسن....مش نروح نلعب ماتشات ودية مع الشرقية للدخان!!!!!!!!!!!!!!!!!
أرجو من الأدارة أغلاق الموضوع عشان فيه أستفزاز لمشاعر الكثير من الأعضاء....الأهلوية وغيرهم .
على فكرة يا احمد باشا الموضوع كله تهريج
ومنقصدش اى اهانة لجمهور الاهلى
طيب ازاى احنا نتريق على الاهلاوية واحنا اخر 7 مباريات فى الدورى مغلوبين 5 ومتعادلين 2
ومجبناش غير جون واحد
اكيد الاهلى احسن من الزمالك مليون مرة
وكفاية انكم اخدتوا البطولة الافريقية اصلا
واحنا طلعنا اخير المجموعة فى دور التمانية
بس خلينا نفرح فيكم يوم بقى
انتوا كاتمين على نفسنا بقالكم سنين :k10:
اتفرج وواحد بيقولك براحة عليهم :11:
اولا : حضرتك بتتكلم عن نفسك . هل انت سالت اصحابك الاهلوية ؟
ثانيا : بتقولو برضو الزمالك -الزمالك ملهوش دخل بالموضوع
ثالثا :حضرتك بتطلب من الادارة قفل الموضوع علشان الاستفزاز - هل طلبت نفس الطلب من الادارة فى المواضيع اللى فيها الاهلوية بيستفزوا الزملكاوية واحيانا بتوصل لاهانات وشتائم ؟؟؟؟؟
وفى الاول والاخر الخلاف فى الراى لا يفسد للود قضية واحنا كلنا اخوات
ودى مناوشات الغرض منها التسلية مش استفزاز ولا حاجة زى ما حضرتك بتقول
مش عاوزين نكبر الموضوع ونخلية استفزاز وتصفية حساب كلة هزار فى هزار ومش عاوز حد يزعل من حد
وارجو من الادارة عدم غلق الموضوع
شـــــــــــــــكرا
طبعا حزين جدا لخسارة النادي الاهلي ,بس ان شاء الله تتعوض السنة الجاية وبرضة رايحين اليابان ,محدش بيتعلم بالساهل
أولاً أنا بتكلم عن نفسى فعلاً......
ثانياً أنا مش محتاج أسأل حد عشان أى أنسان سوى المفروض أنه يقف مع أولاد بلده و دينه فى المواقف المختلفة........يعنى بكلمات تتناسب مع الرياضة....يشجع أولاد بلده لو بيلعبوا مع فريق أجنبى
ثالثاً أنا مطلبتش من الأدارة غلق أى موضوعات قبل كده سواء مشابه أم لا.....اللى كان زعلان أو متضايق كان يطلب بنفسه....مع العلم أن بعض الأخوة قدموا شكاوى بسبب المواضيع دى ( الأخوة اللى بتكلم عليهم ملهمش فى الكورة قوى على حسب كلامهم ) ومع ذلك أنا لم أقم بفتح موضوع جديد عن أى هزيمة للزمالك أو غيره عشان " أهرج " ..... ومع العلم برضه أنى لو عملت كده هبقى عضو ذهبى فى خلال 6 شهور فقط.
أكرر طلبى للأدارة بغلق الموضوع
واضح ان الاهلوية المغرورين 40 شخص فقط
20 معرفة احمد و20 كمان انا اعرفهم
والباقى كلهم مش كدة
تصدق الظاهر اننا ظلمناهم واحنا اللى غلطانين
يا اخى الواحد بيتسرع و بيعمل حاجات كدة مش ولا بد
على العموم انا مضطر اسيبكم النهاردة واكمل معاكم بكرة ان شاء الله
علشان محدش يقول عليا هرب ولا حاجة
معلش يا احمد فوزى باشا انا سايبك لوحدك غصب عنى
طبعاً الموضوع كله تهريج .. بس أنت نسيت كمان أنه حقد على بطل مصر وافريقيا .اقتباس:
على فكرة يا احمد باشا الموضوع كله تهريج
ومنقصدش اى اهانة لجمهور الاهلى
والله كنت متأكد من شماته جمهور الزمالك والاسماعيلي كمان .. كل ده علشان بيسككم على طول وكاتم على نفسكم مش مخليكم عارفين تفلفصوا .
وبعدين قوام طلع ليكم صوت .. صحيح ما هي الهزائم معدتش تأثر فيكم بقت شي عادي .. أنما النادي الأهلي وجماهيره لسه عندهم دم وبيزعلوا لما بيتغلبوا .. يعني موضوع الهزيمة من فريق عالمي أو كبير مش عادي .. لأن الأهلي بيسعى دائماً للفوز في أي ماتش .
ولسه بكرة وبعده .. حتلاقي كل جرايد الزمالك نسيت مشاكل الزمالك والهزائم اللي بتجيله واحده وراء التانية .. وحيقعدوا يكتبوا أن الأهلي اتمسح بيه الأرض وكلام من ده .. عالم منفسنه .
والله العظيم أنا اهلاوي متعصب جداً جداً جداً لأقصى درجة ومبقبلش هزار في الموضوع ده .. بس اقسم بالله لما الزمالك بيلعب مع فرقة بره مصر أنا بشجعه من قلبي كأني بشجع الأهلي بالضبط .. ومش حقول ليكم أخرها الزمالك لما كان بيلعب في البطولة الأفريقية مع الأهلي (وكنت اتمنى أن الاتنين يطلعوا مع بعض .. وكمان يلعبوا في النهائي مع بعض) ولكن أنا زعلت لما الزمالك وصلت بيه الأحوال والمستوى أنه يتغلب من بترول أسيوط (وكنت زعلان مش شمتان والله)
هارد لك للاهلي .... متهيألي إن النتيجة كانت متوقعة بس احنا اللي كنا بنحلم نفوز بالبطولة كلها .... أهلاوي و فخور بالاهلي مهما حصل
على فكرة السبب في الهزيمة هو جوزيه وحده باصراره و تعنته على اشراك لاعبين معينين بيلعبو مع الاهلي و المنتخب بدون توقف من 4 سنين لحد ما جالهم تشبع
فين حسين ياسر محمدي الي كل ما يلعب 10 دقايق يولع الملعب
فين هاني العجيزي
و بعد الماتش طالع يقول الاهلي ماعندوش خبرة في البطولات دية بدل ما يتحمل المسؤلية
كده انام شوية اصحى الاقى ناس حتزعل بجد
على العموم لو الاخوة الاهلاوية عاوزين الموضوع يتقفل فعلا
انا معاهم يتقفل الموضوع بدال العملية فيها حساسية جامدة كده
وكلمة مغرورين زعلت الاستاذ احمد
على العموم ولا الهزيمة حتتقل من الاهلاوية ولا من الاهلى
ولا هزيمة الزمالك امبارح برده حتقلل من شأن الزمالك والزمالكوية
دول ناديين بنوا تاريخهم بعرق وجهد اجيال واجيال
ونفض السيرة بقى على الكورة خالص
انا اهلاوى بالوراثه
بس مش معنى كده انى زعلان لا انا مبسوط لانهم يستاهلوا
وانا مع المجتهد ايا كان اهلاوى ولا زملكاوى ولا حتى بنهاوى