ما هي اسباب تعويم السيارة

**EDC** · 13-12-2008 12:28 PM

يرجي الأفاده من قائدي السيارات عن الاسباب الفعليه التي تسبب في عدم التحكم في السياره اثناء السير (تعويم السيارة) وكيفية تجنبها :b4_048:

**Ahmed Selim** · 13-12-2008 12:49 PM

الأسباب كتيييييير قوى
1- أى حاجة بايظة فى العفشة ( البند ده لوحده فيه حاجات كتير )
2- زوايا
3- كاوتش

تتجنبهم أزاى.....
تروح تكشف على الزوايا وتظبطها + تشيك على الكاوتش + بعد كده تكشف على العفشة.....لو فيها حاجة تعملها.

خللى بالك أن لو فى حاجة فى العفشة بايظة ممكن تبوظلك حاجة تانية وخصوصاً الكاوتش

**amr_elrashidy** · 13-12-2008 01:13 PM

المشاركة الأصلية كتبت بواسطة Ahmed A.Maksoud

الأسباب كتيييييير قوى
1- أى حاجة بايظة فى العفشة ( البند ده لوحده فيه حاجات كتير )
2- زوايا
3- كاوتش

تتجنبهم أزاى.....
تروح تكشف على الزوايا وتظبطها + تشيك على الكاوتش + بعد كده تكشف على العفشة.....لو فيها حاجة تعملها.

خللى بالك أن لو فى حاجة فى العفشة بايظة ممكن تبوظلك حاجة تانية وخصوصاً الكاوتش

+1000000000000000000
كان عندى نفس المشكلة و صلحت كل العيوب دى و بقت الحمد لله تمام

**amr_elrashidy** · 13-12-2008 01:16 PM

هى العربية نوعها ايه...وامتى بتعوم منك..يعنى و انت فى ملف ولا فى المطبات ولا ازاى بالظبط؟؟؟؟؟؟؟

**EDC** · 13-12-2008 01:23 PM

العربيه نوعها كيا سيراتو والتعويم ده حصل مرتين مره في ملف بسرعة حوالي 60 كم على كوبري وكنت بفادي عربيه من اليمين وفجاه ظهرت عربيه شمالي فلما حاولت ان افاديها ظهرت هذه المشكله والمره الأخري كنت على طريق سريع بسرعة 120 كم وكنت افادي عربيه في المواجه فنزلت العربيه على التراب بجوار الاسفلت وعند استعدال العربيه مره اخري على الطريق حصلت المشكله دي وفي جميع الاحوال الحمد لله العربيه استقرت بعد عدة انحناءات يمين وشمال ولم تلف الى الخلف واستمرت بعدها على الطريق في اتجاهها كما هي

**Ahmed Selim** · 13-12-2008 04:29 PM

أعتقد أن موضوع ال 120 ممكن يكون طبيعى شوية......

أى عربية ليها قدرة معينة على الأستجابة وبعد كده هتفقد السيطرة عليها مهما كان نوعها.......

موضوع ال 60 ده بقى ممكن يكون فيه مشكله......مع العلم أن ممكن سكون فى بعض العوامل اللى تخللى العربية تفقد أتزانها زى مثلاً لو فيه زيت أو جاز وممكن مياه لو العربية مفيهاش Abs

بص حاول تجرب نفس الحركة اللى حصلت معاك على 60 تانى بس طبعاً فى حتة فاضية تماماً زى سوق السيارات فى مدينة نصر مثلاً.
برضه ممكن فى صيانة ال 5 الاف تقولهم فى التوكيل أن العربية عومت معاك على 60 وأنت بتفادى عربية تانية......هما فى التوكيل محترمين جداً وبيحاولوا يهتموا بالعملاء على قدر الأمكان.

**EDC** · 14-12-2008 10:58 AM

اشكركم كتيير على اهتمامكم وهاخد راي التوكيل اللي في ابو رواش في الموضوع ده زي ما نصحتوني

-

الموضوع: ما هي اسباب تعويم السيارة

LinkBack

أدوات الموضوع

عرض

-

-

-

-

المواضيع المتشابهه

أسئلة في موضوع تعويم السيارة...هام جد

اسباب عدم دوران السيارة

كيفية التحكم في تعويم السيارة Oversteer & Understeer

ما هي اسباب تعويم السيارة

بخصوص تعويم السيارة

الكلمات الدلالية لهذا الموضوع

المفضلات

المفضلات

ضوابط المشاركة