الموضوع: فاكر يا حبيبى ؟؟؟؟؟

و الله يا خالد باشا إجاباتك نموذجية :) و هى دى الردود الدبولماسية

المشكلة تكمن فى تعابير الوجه لو بان عليك :(

احلى تصريفات :mrgreen: :mrgreen: :mrgreen: اجاباتك فعلا نموذجيه :mrgreen:

كوافير ايه و اغنيه ايه يا عم خالد.... انا اعرف واحد بينسى تاريخ جوازه و تاريخ عيد ميلاد مراته :?

ههههههههههههههههههههههههه هههههه

سبحان الله ، يبدو فعلا اننا كلنا مشتركين فى أشياء كثيرة مع اننا نتخيل أننا نعانى وغيرنا لا يعانى مثلنا...

طبعا الموضوع بحذافيره كما ذكرت مررت عليه ولا أشك أن الجميع مر عليه..

بخصوص (الأصدقاء) القدامى لا أخجل من عدم تذكر الإسم وأقول له: معلش لو سمحت فكّرنى.. وساعات ييجى واحد ويعمل الكلام دا كله ويطلع غلطان ولا عمره شافنى !!!
بخصوص ذكريات البيت لا أذكر منها إلا القليل وما لا يزيد عن 1% من اللى المدام فاكراه ، وللأسف ليست عندى دبلوماسية أخى الكبير خالد فبقول: "إيه؟ مش فاكر"..مع نظرة بلاهة... فتقوم المدام تقوللى تفاصيل أكتر فيا إما أفتكر وأقول: آآآآآآه صح .. يا إما أقول: مش فاااااكر حاجة خالص ، وهى اتعودت على كده ومبقاش فيه مشاكل الحمد لله لأنها عرفت ان "رامات دماغى" اتملت من زمان وأى حاجة جديدة بتعمل "ديليت" للى قبلها ، وبيتهيألى انى عملت "فورمات" أكتر من مرة بسبب الامتحانات المتكررة وبيانات المرضى ونوائب الدهر....

هم أكيد هيعذرونا..

و الله يا دكتور أنا مش عايز أقولك أنا دماغى بقت تنسى لدرجة لا تتخيلها مش عارف تركيز الواحد بيقل ولا إيه إللى بيحصل

المشكلة إن في حاجات تلاقينى أفتكرها من عصر الهكسوس و حاجات لا يمكن أفتكرها لدرجة إنى بكون نازل أجيب حاجات للبيت لو حتى 3 طلبات ممكن أنساهم على ما أوصل و أفتكر حاجة من أصل 2 و بقيت أكتب كل حاجة البيت عايزها فى ورقه لأن الذاكرة مش فورمات لأ دى Rom و واضح إنها بتعمل restart كل حبه فكل إللى عليها بيطير أول بأول

مالقيش عندك علاج يا دكتور :) أصل خايف صراحة كمان 10 سنين أنسى عنوان بيتنا

المشاركة الأصلية كتبت بواسطة memo_hefnawy

لأن الذاكرة مش فورمات لأ دى Rom و واضح إنها بتعمل restart كل حبه فكل إللى عليها بيطير أول بأول

مالقيش عندك علاج يا دكتور :) أصل خايف صراحة كمان 10 سنين أنسى عنوان بيتنا

ههههههههههههههههههههههههه هههه

بتسألنى؟؟؟؟؟؟؟؟؟
هو أنا لو كنت أعرف كان دا حالى؟؟؟؟؟

بس بدرى عليك قوى يا ميمو ، وفعلا أفضل حل مؤقت هو كتابة المهام المطلوبة ، وأحيانا كتابة "المذكرات" للى عنده وقت علشان ينعش الذاكرة، وعموما علشان ما نفتكرش اننا معوقين من المعروف ان الذاكرة عند النساء أقوى ، ودا يفسر انهم أنجح فى الكليات النظرية وأفشل فى العملية، يعنى أعتقد ان طاقات المخ عند أغلبنا متجهة للتطبيقات والمهارات وليس للتخزين الصرف... يعنى بروسيسور ممتاز وهارد كام ميجا ، هم بقى بروسيسور على قد حاله وهارد سبعتلاف جيجا...