-
ايجار سياره في مصر
السلام عليكم جميعا
انا ان شاء الله نازل اجازه مصر في شهر مارس اسبوعين. ونازل انا ومراتي وابني وحماي وحماتي اللي اول مره هيشوفوا مصر( ربنا يستر)
انا ساكن اساسا في دمياط وعربيتي القديمه(سكودا فيفوريت) مش هتكفي البشريه دي كلها ( ابي وامي وحماي وحماتي ومراتي وابني )خصوصا انهم لازم يرحوا الاهرامات والاسكندريه وكده يشوفوا مصر يعني وطبعا هاحتاج توصيله من مطار القاهره لدمياط والعوده ( دي تتكلف لوحدها بتاع 400 جنيه) ففكرت ان الحل اني اقنع حماي يطله رخصه دوليه (عشان قرف بتوع المرور في مصر) وناجر عربيه كويسه
طبعا مش هاقارن اسعار تاجير العربيه بين مصر والمانيا (الب ام الفئه الاولي علي 150يورو في الاسبوع ) بس في النهايه مش عايز اتدبس في وصل امانه وقرف والعربيه تتخدش صاحب المعرض يعمل لي هيصه
فقريت الموضوعين بتو الاستاذ محمد عز عن europcar وعجبني الكلام بس جيت ابص عي السعر لقيته عايز في لاسبوعين في عربيه كليو 452 يورو
يعني كتيير مووت ( تذاكر الطياره من المانيا لمصر رايح جاي
لخمس افراد مكلفاني 460 يورو لخمسه افراد واخدين بالكم) وبيني وبينكم انا مش من عشاق الكليو اوي يعني
لقيت برده احد المعلقين علي موضوع الاستاذ محمد عز كاتب عن بيجو تمام
بعد 20 محاوله رد تيلفونهم فاستفرت عن عربيه 307 واسعه شويه لقيتها بتقولي علي 4000 جنيه في الاسبوعين يعني من الاخر 50 دولار في اليوم
كتييير مووت طبعا
محتاج نصيتحكم يا جماعه
انا عندي استعداد ادقع لحد 250 الي 300 يورو ( 1700 الي 2000 جنيه) في الاسبوعين واي عربيه عدله (ان شاالله لانوس ولا افيو ولا اي جاجه ليها 4 ابواب) وميكونش فيها العك بتوع وصل الامانه والحاجات الغريبه دي
حد عنده فكره او يعرف شركه متكونش مغليه اوي كده في سعرها
ومتشكر مقدما
-
السعر اللى انت عايز بية العربية معقول
لكن صعب تلاقى حد يأجرلك بدون وصل امانة الا لو انت واخدها بالسواق
-
يعني لو بالسواق اخدها بالسعر ده
انا موافق
بس فين ومين
-
من غير ما تلف وتتعب نفسك....
احسن شركة تاجر منها في مصر ...ومن برة مصر كمان وتستلم عربيتك وتسلمها في المطار ....هي Europcar وبما انك في المانيا فاكيد تسمع عنها وتعرفها...
انت بتحجز العربية من النت ..بفيزا كارد.....وبتيجي تلاقي واحد مستنيك علي معاد وصول طيارتك...وبتمضي معاة عقد ايجار....ولا فية وصل علي بياض ولا 200 الف ولا 500 الف....ولو لا قدر الله حصل اي مشكلة او حادثة بتتحمل او 100 او 200 دولار وتبلغهم ....وخلص دورك علي كدة....
في زميل لينا في المنتدي خاض نفس التجربة ....وكان نازل من الامارات....واجر منهم وشكر فيهم جدااا
http://www.europcar.com/EBE/module/booking/FirstStep.do
العربية الميجان الاوتوماتيك بتعمل حوالي 50 دولار في اليوم ...بس بتريح دماغك من النصب والاحتيال...ووجع الدماغ..
-
يا باشا انا قريت الموضوع ببتاع الاستاذ محمد عز
واشرت لكده في موضوعي
بس الكليو ب 400 يورو في الاسبوعين
والميجان ب 512 يورو
كتتتيييير مووت
وانا كنت افضل البيجو
واحد المعلقين قال غلي شركه crc علي 720 يورو في الشهر
يعني 350 في الاسبوعين
ممتاز بس للاسف لما كلمتهم قالوا 4000 جنيه
ده كتير
مفيش شركه تانيه
-
فى واحد من طنطا كان منزل اعلان فى منتدى لكن انا معرفهوش شخصيا بصراحة
وهشوفلك حد يكون معرفة وارد عليك بكرا ان شاء الله يكون أضمن
دة الأعلان اللى هوا كان منزلة
فيرنا للايجار بالسائق ب 100 ج لليوم داخل وخارج طنطا ومشاوير المطار والافراح وجميع المناسبات
للاستعلام 0164128725
-
انا لسه شايف مع sixt سوبارور امبيريزا علي 35 يورو في اليوم وانا بشتغل في شركه سياجه اساسا بتتعامل معاهم ولي خصم 15% يعني الليله هترسي علي 400 يورو
ومع europcar هترسي علي 400 برده بس كليو
ايه رايكم
انا هاحاول مع الشركه اللي انا بشتغل فيها بتهيالي ليهم تعامل مع europacar
يعني لو اخد برده %15 هترسي علي 340يورو
حد يعرف حل تاني
-
طيب السواق هيقعد فين
وهادفع له كام
وبصراحه مشطالبه فيرنا خاااالص
مع احترامي لكل محبيها
انا راكب هنا ياريس
وحماي معاها هوندا وبي ام
فمش عايز اصدمه في الفيرنا انا هاسوق السكودا
فالموضوع كله عشانه
-
أولاً تيجى بألف سلامة ان شاء الله ....و الحمد لله ان مشاكلك مع المانيا انتهت ع خير زى ماهو باين من كلامك...انا مش هافيدك فى موضوع الايجار انا عندى تعليق صغير بس ع كلامك... انت فكرت كويس فى موضوع سواقة حماك فى مصر ...و انت نفسك بتقول ربنا يستر من اول زيارة؟!!:dzey:
-
يا استاذ ss متشكر جدا علي اهتمام حضرتك
بس المضطر يركب الصعب ملهاش حل تاني انا نفسي مقلق من السواقه تاني في مصر والله اتعودت علي السواقه هنا متعه بلا ادني مبالغه
بس احنا سته افراد وطفل ووالدي مبيسوقش الا داخل دمياط
طب اعمل ايه
المشكله الاكبر ان البلد الوحيده الشبيه مروريا بينا اللي حماي شفاها كانت اسطانبول ولما سالته تخيل نفسك بتسوق هناك كان هتجيلوا سكته قلبيه
امال لما يشوف القاهره
بس للاسف ملهاش حل تاني
ياما ااجر ميكروباص وامشيها بالنفر
شكرا ياباشا مره تانيه علي اهتمامك
Content Relevant URLs by
vBSEO 3.6.0 PL2