السلام عليكم
كيا بيكانتو 2016 تاخد كم لتر زيت للمحرك مع تغيير فلتر الزيت
و شكرا مقدما
السلام عليكم
كيا بيكانتو 2016 تاخد كم لتر زيت للمحرك مع تغيير فلتر الزيت
و شكرا مقدما
بما إن العربية موديل 2016 فالمفترض حضرتك تكون المالك الأول ويكون كتالوجها معاك
المعلومات دي موجودة في كتالوج عربيتك..
كتالوجات كيا متقسمة إلى 8 أقسام... القسم الثامن اسمه (المواصفات ومعلومات المستهلك) أو (Specifications & Consumer information)
في القسم ده هتعرف كل مواصفات الزيوت والسوائل المطلوبة للعربية.. وكمان أي معلومات تانية عن العربية.. طولها - عرضها - وزنها - أقصى حمولة - نوع الموتور- أنواع اللمبات المطلوبة - مقاسات الكاوتش الصحيحة وضغط الهوا الصحيح.. إلخ..
بالنسبة لكمية الزيت... فالموتور الـ1000 cc بياخد 2.9 لتر مع الفلتر.. والموتور الـ1250 cc بياخد 3.5 لتر
مهم جدا تعرف كمان مواصفات الزيت الصحيح علشان محدش يبيعلك حاجة تبوظلك موتورك..
الزيت الصحيح لازم يكون مطابق لمواصفة API SM على الأقل (يعني ممكن تحط زيت SN) وكمان مطابق لمواصفة ILSAC GF-4 على الأقل (يعني تقدر تحط GF-5)...
اللزوجة واحدة من دول:
5W-30 (اللزوجة المفضلة)
10W-30
15W-40
20W-50
الزيوت اللي تمشي مع المواصفات دي مش كتير... وهي كالتالي:
زيت موبل1 x1 بلزوجة 5W-30
5W-30 Oil | Mobil 1 x1 5W-30
http://www.mobil1-egypt.com/~/media/..._5w-30_4l.ashx
زيت مانول إنرجي فورمولا بلزوجة 5W-30
https://www.mannolegypt.com/mannol-p...-formula-5w-30
https://www.mannolegypt.com/media/dj...la-5w-30_f.jpg
زيت آمسويل OE بلزوجة 5W-30
Amsoil OE 5W-30 Synthetic Motor Oil
https://www.amsoil.com/shopres/products/900px/OEF.jpg
زيت آمسويل XL بلزوجة 5W-30
Amsoil XL 5W-30 Synthetic Motor Oil
https://www.amsoil.com/shopres/products/900px/XLF.jpg
زيت آمسويل سجنتشر بلزوجة 5W-30
Amsoil Signature Series 5W-30 Synthetic Motor Oil
https://www.amsoil.com/shopres/products/900px/ASL.jpg
زيت ليكوي مولي سبيشال تك AA بلزوجة 5W-30
LIQUI MOLY SPECIAL TEC AA 5W-30
https://products.liqui-moly.com/medi...5/7/6/7616.jpg
ياريت بردو تقولنا على أسلوب استخدامك للعربية.. لإن أسلوب الاستخدام ممكن يأثر على اختياراتنا من ناحية اللزوجة.
لو حابب تعرف إمتى تغير الزيت.. فبردو بنمشي مع الكتالوج... والمواعيد مكتوبة في جدول الصيانة في قسم الصيانة في الكتالوج (القسم رقم 7)
الزيت بيتغير حسب توصيات كتالوج العربية على 10 آلاف كيلومتر في الحالات العادية... و5000 كيلومتر في الحالات الشاقة...
والحالات الشاقة اللي محددها الكتالوج (في صفحة 7-16) هي:
1- القيادة لمسافات قصيرة بشكل متكرر (يعني لما تسوق تكون مسافة المشوار أقل من 15 كيلومتر)
2- ترك المحرك يعمل على سرعة الخمول (السلانسيه) لمدد طويلة
3- القيادة في الغبار أو الطرق الوعرة
4- القيادة في مناطق بها ملح أو مواد آكلة
5- القيادة في الجو شديد البرودة (الحرارة تحت الصفر)
6- القيادة في الطرق الترابية والرملية
7- إذا كان أكثر من 50% من القيادة في طرق مزدحمة في الجو الحار (الحرارة فوق 32°م)
8- القيادة في الطرق الجبلية
9- قطر سيارات أو مقطورات (كارافان أو ما شابه)
10- استخدام السيارة كـ تاكسي أو سيارة دورية أو سيارة تجارية
11- القيادة بسرعة عالية أكبر من 170 كيلومتر/الساعة
نصيحة.. خليك مع الكتالوج لو عايز تحافظ على عربيتك لأطول فترة ممكنة وكمان لو عايز العربية تريحك وما يجيش منها مشاكل.
لو حابب تعرف أكتر عن الزيوت.. أنصحك تدخل على المواضيع دي:
القواعد الذهبية لاختيار زيت العربية.... موسوعة مبسطة لأساسيات زيوت المحركات
إمتى تغير زيت الموتور؟؟؟
...
شكرا جزيلا يا بشمهندس
هل فلتر زيت البيكانتو 2016 هو بتاع النيسان بيركب عليها ام رقمه ايه وبيناته ايه او رقم القطعه ايه مش مكتوب في الكتالوج للاسف
فلتر ويت الكيا البيكانتو 2016 محرك 1.250 سي سي ممكن بيناته ورقم القطعه ... هل يمشي عليه اي فلتر اي عربيه كيا او نسيسان او متسوبيشي اجد كتير ان الفلاتر دائما متطابقه مع بعض