فزورة متعلقة بالإطارات تحتاج الى جهبذ لحلها

اثناء محاولاتى اجراء بعض الحسابات فىمجال اقطار الإطارات لاحظت ملاحظة غريبة جدا عايزكم تركزوا معايا فيها

احنا شرحنا قبل كدة الطريقة اللى بنقيس بها القطر الخارجى للإطار اللى هى:

ق = 2 * ع * ن \100 + ج *25.4

حيث ق هى القطر الخارجى: ع هى عرض الفردة ن هى نسبة الفردة و ج هى قطر الجنط

يعنى لما نقول ان مقاس الفردة هو 185/80/13 تبقى ع = 185 و ن = 80 و ج =13

المهم باستخدام هذة الحسبة وجدت ان لو عندنا فردة مقاس 185/80/13 هيكون قطرها الخارجى 626 مللى متر وطبعا قطرها الداخلى هو 13 بوصة أو 330 مللى متر، اى ان ارتفاع الفردة هو 626-330 مقسومة على 2=148 مللى متر


لو كررنا نفس الحسبة على فردة مقاس 175/70/14 نجد ان قطرها الخارجى 614 مللى متر (اصغر من الفردة السابقة) وبما ان قطرها الداخلى 14 بوصة او 355 مللى متر فإن ارتفاع الإطار يكون 614-355مقسومة على 2=129 مللى متر يعنى برضه اقل من لحمية الفردة ال13 سالفة الذكر، فيما معناه ان هذة الفردة الأقل فى القطر الخارجى والأقل فى اللحمية لأنها اوسع فى القطر الداخلى تحتوى كمية مادة خام اقل من الفردة السابقة(لاحظ انهما بنفس العرض)

طيب هنكرر نفس الحسبة بحذافيرها على فردة 185/60/15 سنجد ان قطرها الخارجى 605 (اقل من الإتنين اللى فاتوا) وقطرها الداخلى 381 مللى متر فيما معناه ان لحميتها =111 مللى متر (برضه اقل من الأتنين اللى فاتوا) يعنى فيها كمية مادة خام اقل من الفردة ال13 واقل من الفردة ال14

طيب بعد القصة الطويلة العريضة دى ممكن حد يتطوع ويفمنى ليه الفردة ال13 اللى فيها كمية مادة خام اكثر من الفردتين التاليتين بتتباع ارخص بكتير من الفردة ال14 اللى بدورها بتتباع ارخص برضه بحبة كويسين من الفردة ال15 اللى هى فيها مادة خام اقل منهم كلهم؟

مع العلم ان كل المقاسات اللى انا بتكلم عيها دى مقاسات عادية مستعملة للسيارات العادية وليست رياضية او نوعيات خاصة

مش لاقيلها تفسير سوى اننا بينضحك علينا بسبب جهلنا


حد عنده تفسير تانى؟

ممكن (والله أعلم) يكون فيه فرق فى سمك مادة الإطار نفسها ، يعنى بعد رابع غير الطول والعرض والارتفاع ، وجايز كمية خيوط الحديد أو التيل على ما أعتقد الموجودة فيها ، وللتأكيد ممكن نقارن بينهم عن طريق الوزن.

ملاحظه قويه يا مهندس خالد فعلا حاجه غريبه ... بس ممكن نسأل حد من أخواننا اللى عايشين بالخارج عن أسعار الكاوتش عندهم و نعرف إذا كانت الملاحظه دى عندنا بس و لا منتشره

اقتباس:

---

ممكن (والله أعلم) يكون فيه فرق فى سمك مادة الإطار نفسها ، يعنى بعد رابع غير الطول والعرض والارتفاع ، وجايز كمية خيوط الحديد أو التيل على ما أعتقد الموجودة فيها ، وللتأكيد ممكن نقارن بينهم عن طريق الوزن.

---

أضيف أيضا لكلام دكتور أحمد إن ممكن الخامه المستخدمه ذات نفسها ممكن تكون مختلفه من مقاس لأخر :roll: :roll:

هو الفكره علي ما اعتقد ان الجنوط ال 13 متوفره في عربيات صغيره او شعبيه او بمعني تاني ان اللي بيشتري عربيه مقاس جنطها 13 بتبقي عربيه بسيطه و فلوسها قليله ف بالتالي قدرته الشرائيه بتبقي اقل من اللي راكب عربيه كبيره.
اعتقد ان شركات الاطارات بتحسبها كده .
غير كده ان المقاس 13 بيستعمل بطريقه مكثفه عن المقاسات التانيه و بالتالي حتبقي تكلفه انتاجه و تطويره اقل من اي كاوتش باي مقاس تاني و دا بيساعد الشركات علي بيعه بتمن قليل.
لكن لو جينا نبص علي المقاسات الاكبر ف بتلاقيها موجهه لانواع اعلي نوعا ما من الانواع اللي بيركب فيها المقاس 13.
يعني عمرنا ما شوفنا عربيات زي ال 128 او 127 او اللادا بتنزل بمقاس اكبر من 13.
حتي العربيات اللي في حجمها زي الجولف مثلا بتنزل بمقاسات اكبر لكن اللي بيشتري جولف غير اللي بيشتري 128 و بالتالي بيقدر يدفع.
ز بعدين بقي بترجع لكذا عامل تاني زي العرض و الطلب و مدي اقبال الناس علي منتج دون الاخر.

The prices are sky Hi in Egypt only coz if you compare the the prices of the same tire brand in its different sizes you will find a tiny differences not like egypt

Example : the Bridgstone Botenza AE01( Sport performance tire 17'') i was buying this from outside egypt it costs 104$$Each which 590 Pound but in Egypt it costs around 1600 pounds each tire !!! now if you ask about the price of the 15'' tire in the same brand in Egypt i think it will be half the price because as i think also it's a popular size so the dealer wants to sell more from it but 17'' is special size(in Egypt) not for all cars so it's limited numbers of tires will be sold and apply this to the 13'' and 15'' sizez
13'' sizes are mor in sales than 15'' .
i think it's commercial issue and also the bigger the size the better the material because if you check the data sheet of the tire you will find
the bigger is
Higher in speed limit can handel
Higher in load capacity
better in rubber and materials quality and so on

Thanks
Eng.Sherif Shaker

ملاحظة خدت باللي منها من زمان ان الفردة الصغيرة كمية خام اكتر بس لوخدت باللك بتبقي النقشات والكنلوجي الي فيها اقل

انا وانا بشتري الكاوتش البريد جيستون للكرولا كان فيه اربع انواع
والاربعة H يعني نفس السرعة
الفرق كان في النقشة وده عمل فرق 140 جنية في الفردة الواحدة عشان دي كانت قمة التكنلوجيا عندهم في المتوسط
كان في اغلي طبعا بس الفردب 800 جنية البوتنزا الجديدة
طبعا خليها لاصحاب نصيبها :mrgreen: :mrgreen: :mrgreen: :mrgreen: