تعالوا أما أضحكوا ...

**Goodle** · 14-12-2008 04:40 PM

نكت تحفة
منتظرين شوية كمان

**Bossy_Fadl** · 14-12-2008 10:18 PM

حلوين اوووووووووووووووووووووي يا Miss Happy

بجد ضحكت ضحك مش ممكن :k48:

يارب دايما تفضلي Happy كده زي ما خلتينا كلنا Happy بنكتك الحلوة يا قمر

ميرسي ليكي حبيبي:k10:

**hanystar** · 14-12-2008 10:30 PM

شكرا لك يا Miss Happy
شوية نكت جميلة

**Bossy_Fadl** · 14-12-2008 10:32 PM

المشاركة الأصلية كتبت بواسطة M.Mokhtar

النكته دى جاااامده اخر الشارع :)

خدوا بقى النكته دى بمناسبه اننا فى منتدى سيارات

مره واحد مصرى راح اشتغل سواق تاكسى فى امريكا
وهو بيوصل الزبون عدى على اشاره حمرا
فالراجل قاله حاسب يا اسطى الاشاره حمرا ( بالانجليزى :) )
السواق قاله ما تخفش يا باشا Egyptian smart driver

شويه وعدوا على اشاره تانيه بس كانت خضرا
فالسواق وقف
استغرب اوى الزبون وقاله انت بتقف ليه والاشاره خضرا؟
السواق قال: Egyptian جاى كده او جاى كده :)

محمد علي فكرة نكتتك وحشه و مش ضحكتني

اصلي بصراحة مش فهمتها:k30::k30:

ينوبك في اختك الغلبانة بوسي ثواب تعيدها مع شرح مفصل لمعاني النكتة

**MissHappy** · 14-12-2008 10:38 PM

المشاركة الأصلية كتبت بواسطة bee

شكرا على النكت الحلوة دي

العفو أى خدمة

المشاركة الأصلية كتبت بواسطة Goodle

نكت تحفة
منتظرين شوية كمان

حاضر يا فندم

و آدىشوية كمان

ـــــــــــــــــــــــــ ـــــــــــــــــــــــــ ــــــــــــــــ

مرة واحد كان نفسه يعمل حاجة الناس تفتكره بيها
ففكر انه يعلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى..
قال الشاب: قلتلك من عشرين سنة ان دى نملة وبرضه فعصها باصبعه

ـــــــــــــــــــــــــ ـــــــــــــــــــــــــ ــــــــــــــــــــ

بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك امك سمى، صدرى اتحرق!"

ـــــــــــــــــــــــــ ـــــــــــــــــــــــــ ـــــــــــــــــــ

واحد بلديتنادخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور

ـــــــــــــــــــــــــ ـــــــــــــــــــــــــ ــــــــــــــــــــــ

مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم،
قال له: بندجية ايه ياهريدي دي وطنك دي امك،
فراح للعسكري التاني قال له: ايه دي؟، قال له: دي ام هريدي يا فندم

ـــــــــــــــــــــــــ ـــــــــــــــــــــــــ ـــــــــــــــــــــــــ ـ

مرة واحد بتاع سمك ابنه مات فماشى فى الجنازة يقول: كان صاحى وبيلعب

ـــــــــــــــــــــــــ ـــــــــــــــــــــــــ ـــــــــــــــــــ

كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟

ـــــــــــــــــــــــــ ـــــــــــــــــــــــــ ــــــــــــــــــــــ

واحد داست عليه عربية سيات مات م الضحك

ـــــــــــــــــــــــــ ـــــــــــــــــــــــــ ـــــــــ

واحد قابل صاحبه قاله بقي يا راجل اشوفك امبارح انت و المدام في البلكونة و متسلمش عليا؟؟؟؟؟ قال له لا و الله مش انا

ـــــــــــــــــــــــــ ـــــــــــــــــــــــــ ــــــــــــــــــــ

سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح

ـــــــــــــــــــــــــ ـــــــــــــــــــــــــ ــــــــــــــــ

كان في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة الارانب ويكسرلهم كل اسنانهم جه تانى يوم الصبح برده لقى الجزر بتاعه حد اكله راح عند الارانب ومسك واحد منهم وقاله أموت وأعرف انتوا واديتوه الجزر فين قالوه :عملناه عشير

ـــــــــــــــــــــــــ ـــــــــــــــــــــــــ ـــــــــــــ

واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك

**MissHappy** · 14-12-2008 10:43 PM

المشاركة الأصلية كتبت بواسطة Bossy_Fadl

حلوين اوووووووووووووووووووووي يا Miss Happy

بجد ضحكت ضحك مش ممكن :k48:

يارب دايما تفضلي Happy كده زي ما خلتينا كلنا Happy بنكتك الحلوة يا قمر

ميرسي ليكي حبيبي:k10:

العفو يا قمر إنتى

كويس إن النكت عجبتك

ويااااااااااارب تفضلى happy انتى وكل الإخوة والأخوات فى نايل موتورز

:k10::k10::k10:

المشاركة الأصلية كتبت بواسطة hanystar

شكرا لك يا Miss Happy
شوية نكت جميلة

العفو يا hanystar
المهم انها عجبتكوا

**ouba2** · 14-12-2008 10:49 PM

--------------------------------------------------------------------------------

جامدين جدااااااااااااااااااااا

**M.Mokhtar** · 15-12-2008 01:46 AM

المشاركة الأصلية كتبت بواسطة Bossy_Fadl

محمد علي فكرة نكتتك وحشه و مش ضحكتني

اصلي بصراحة مش فهمتها:k30::k30:

ينوبك في اختك الغلبانة بوسي ثواب تعيدها مع شرح مفصل لمعاني النكتة

بعدين بقى يا بوسى عشان مش فاضي حاليا

**Bossy_Fadl** · 15-12-2008 01:50 AM

المشاركة الأصلية كتبت بواسطة M.Mokhtar

بعدين بقى يا بوسى عشان مش فاضي حاليا

خلاص احسن مش عاوزة حاجة

معلش الله يكون في عونك انا عارفة مشاغل الوزارة خصوصا الساعه 2 بالليل

النكتة تتفسر حالا و الا سوف يحدث ما لا يحمد عقباه

**M.Mokhtar** · 15-12-2008 01:57 AM

المشاركة الأصلية كتبت بواسطة Bossy_Fadl

خلاص احسن مش عاوزة حاجة

معلش الله يكون في عونك انا عارفة مشاغل الوزارة خصوصا الساعه 2 بالليل

النكتة تتفسر حالا و الا سوف يحدث ما لا يحمد عقباه

بيقولك يا ستى السواق لقى الاشاره خضرا
فوقف عشان اكيد الطريق المقاطع هيكون الاشاره فيه حمرا
واكيد كمان فى سواقين مصريين تانيين هيشوفوا الاشاره حمرا هيعدوا زى ما هو عمل قبل كده
فهو وقف احسن يكون فى مصرى جاى فى الطريق المقاطع ومعدى والاشاره حمرا

يارب تكون وصلت

الموضوع: تعالوا أما أضحكوا ...

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

تعالوا نساعد فلسطين

تعالوا نساعد بعض

يا عشاق الـ 205 ..... تعالوا.!!

تعالوا نحسن من اخلاقنا

تعالوا نفيد بعض

الكلمات الدلالية لهذا الموضوع

المفضلات

المفضلات

ضوابط المشاركة