ايه احسن سيارة عائلية 7راكب مستعملة يكون سعرها في حدود 230 الف ج
عرض للطباعة
ايه احسن سيارة عائلية 7راكب مستعملة يكون سعرها في حدود 230 الف ج
ممكن مرسيدس ستيشن موديل 2002 الى 2004 تكون c
تاون اند كانترى
كانت معايا- عربيه عائليه من الدرجه الاولى
النظيف منها اغلى من الميزانيه اللى حضرتك حاططها
سعر اعاده البيع وسرعه البيع مش حلوه
لكن هى عربيه محترمه جدا
بيعتها كانت عامله 220000 كم وكان لسه فيها وتقدر تدى تانى
قطع الغيار موجوده جديد واستيراد فى صقر قريش والحرافيين وفالتوكيل طبعا
كان معايا الشكل القديم 2002
السكل القديم فى منه فيس ليفت (شكل الفانوس الامامى اتغير- وخلوا الكنبه الخلفيه مقسومه على حتتين)
انا غيرتلها رادياتير فقط دى قطعه الغيار الوحيده اللى غيرتها فالعربيه بسبب ان الرادياتير الجناب بتاعته بلاستيك واتشرخ وسرب مياه
حاولت الحمه لكن منفعش
عربيه قصيله بجد- كنت بفك الكنبه والكراسى وانقل بيها عزال
فالسفر مريحه جدا
متتقارنش بالعربيات ال7 راكب بتاعت اليومين دول (كارينز- تيريوس- ارتيجا- ............)
عربيات اليومين دول يحطوا كرسيين فالشنطه ويقولوا عليها 7 راكب- وفالحقيقه الكرسيين دول ملهمش لازمه- وكمان لغوا الشنطه
مشكور جدا على المعلومات الجميلة ..... ربنا يباركلك ....
الشركة كانت مأجرة عربية الشكل الجديد .... الكراسى مريحة جدا .... 2 تكييف ... الابواب الجانبية و الشنطة الخلفية بتفتح كهرباء !!!!
كنت بدور على عربية كبيرة شوية و تنفع فى السفر .. و كنت بفكر فى العربيات الفان ( الميكروباص ) .... بس المشكلة فى ارتفاع سعر العربيات دى
عجبتنى برضو ال اتش 1 ... الشكل القديم و كمان الشكل الجديد
حضرتك شجعتنى على التاون اند كنترى
ان شاء الله ربنا يكرمنا بفلوس قريب و نجيب واحدة