هل إنت شايف إن التهور في السواقة مرتبط بالشباب ؟

**amirhamed** · 14-12-2008 11:18 AM

المشاركة الأصلية كتبت بواسطة MoToRiZeR

انا شايف معظم الناس مخلية فيه إقتران بين الشباب و التهور و إن الشاب اللي راكب عربية أبوه و أمه جايبنهاله و مش حاسس بتمنها و إن لو عمل حادثة بيجيبوله غيرها و إنه نازل الشارع فقط عشان يلعب و يجري و خلاص عرفنا قصة حياته و أبوه و أمه بمجرد إن شفناه معدي بالعربية ، و لو حصل أي موقف في الشارع بين شاب سايق عربية و راجل كبير سايق، الناس بتغلط الشاب قبل ما تعرف أي حاجة و من غير ما تشوف و مهما كان الموقف فا الشاب هو اللي غلطان .

فين حين إن انا كل يوم عالطريق بشوف الناس و الشعر الأبيض بيزغرط في دماغها بتاخد من أدامي غرز مميتة ! و مميتة بمعني مميتة ... و يبقي معاه مراته و ولاده في العربية و ماشي زي الثعبان في الطريق و غرز غرز غرز .. ده غير إن اما يبقوا ماشيين وراك يبقي لازق فيك يعني لو لمست الفرامل لأي ظرف إنتوا الإتنين ضعتوا ! و انا بصراحة ببقي مستغرب جداَ و انا عندي 21 سنة و بجري ورا واحد عنده 40 ولا 50 سنة عشان أقوله سوق كويس إنت مش لوحدك في الشارع .

انا مش عايز أخوض في حوارات قتلت بحثاَ زي إن الجيل اللي بيشتكي هو اللي ربي الجيل اللي بيشتكي منه في الأساس (هو يعني هيجيبوه من برة !؟) أو إن الشباب اللي بيترمي عليه كل اللوم جه الدنيا أصلاَ لقي البلد بتطلع في الروح .. انا بس هسأل سؤال بسيط جداَ

هل إنت شايف إن التهور في السواقة مرتبط بالشباب ؟

+11111111111

**MohaMed_Refaat** · 14-12-2008 12:42 PM

هو مرتبط بالشباب بس انا شايف ان فى شباب كويس كتير فى السواقة متهور بس عارف امكانياتة وحدودة وفى شباب متهور بغباء بيقلد ويجرى وخمس وخلاص ودة هو الخطر بعينة .

**Amrrr** · 14-12-2008 01:22 PM

ايواننننننننننننننننننننن نننننننن
سواقة الشباب سريعة - متهورة
- رد فعله سريع اذا اتقابلتوا في تقاطع - بيكون أقرب حل للواقع والحياة الواقعية سواء يقف ويسيبك تعدي او يقطع عليك الطريق بطريقة تخليك ماتلمسشي الفرامل
- اذا الطريق اتقفل وانت في وش شاب متهور وسريع ، العند والكبر مش بيركبه وبيكون سريع في انه يحاول يعدي معاك لو العربية تعدي على الشعرة ولو متعديش مابيحاولشي واللي بيرجع في الحالة اللي شايف نفسه اقرب للنقطة الواسعة في الطريق من غير تناكة ولا صوت عالي ولا قلة أدب
- الشاب لما بيلاقي اي نوع تاني ماسك شمال وماشي بالراحة مش بيحجر دماغه ويقلب نور ويضرب كلاكسسات بيدي اشارة وينزل هو يتخطى من اليمين ( رد فعل خاطئ لتصرف خاطئ من الأصل ) لأن اللي ماشي في الشمال مش هيوسع طبعا ونقيس على كدة مواقف كتيييير
في طبعا نسبة كبيرة ( غالبا بيكون عيل - مش مدرك للمسؤولية اساسا ) سواقتهم متهورة وأقرب للهبل منها للسواقة اصلا دول الله يحرقهم
المشاكل اللي ان قلتها في الأول اكتر مشاكل بتقابلنا وبيكون رد فعل اللي قدامك مش تمام في اي حالة تانية
يعني مثلا لو ست سايقة او بنوتة رقيقة فاهمة ان المفروض الشارع كله يقف وهي تعدي الأول زي مانكون داخلين الأسانسير مثلا
طبعا مش هنتكلم عن صنف السواقين عشان دول سواقتهم عبارة عن حرب نفسية مع بتوع الملاكي
انا رأيي في الآخر ان التهور مش مرتبط بسواقة الشباب لكن سرعة رد الفعل هي سمة سواقة أغلب الشباب ودا طبعا بيكون مشكلة للناس اللي بتفكر كتير وهي سايقة وفي الآخر ممكن رد فعلها يكون غلط مش صح مع انه خد وقت كتير في التفكير

**pro_samir** · 14-12-2008 10:19 PM

لكل قاعدة شواذ
يعنى الطبيعى ان التهور مرتبط بالشباب
لكن ميمنعش وجود عواجيز متهورين

**zizophone** · 15-12-2008 02:03 AM

لا اكيد مش الشباب بس

**tutankhamoun** · 27-12-2008 09:54 AM

كل السائقين المصريين متهورين ( مش أقل من 95 % )
و المتهورين درجات أكثرهم
سائقي الميكروباص و الشباب
سائقي النقل الخفيف و الثقيل
سائقي الملاكي فيهم المتهور المتخلف و دول كتير قوي قوي ..... و فيهم القلة المحترمة .... بس قلة قليلة مش باينة

هي مصر عايز تتمسح من أول و جديد و نبني على نظافة

**Terrible_DaRsH** · 27-12-2008 10:09 AM

المشاركة الأصلية كتبت بواسطة tutankhamoun

هي مصر عايز تتمسح من أول و جديد و نبني على نظافة

من يوم ما اتولدت وانا بفكر فى حل تانى بس اعتقد ان مفيش غير كدا فعلا ..

**sa3dawy** · 28-12-2008 09:46 AM

التهور فى السواقة مرتبط بالشباب طبعا ... بس كل قاعدة ليها شواذ

**blackeagle** · 29-12-2008 08:37 AM

عندك حق يا اخي هناك سن خطر للرجال بعد 50سنة و خصوصا لو اشتري العربية بعد ما كبر و طلع عينه بيبقي عايش في دور الروش اللي عاوز البنات تاخذ بالها منه(اقصد من العربية طبعا)ربنا يستر علينا لما توصل لهذا السن

مشاهدة نتائج الإستطلاع: هل التهور في السواقة مرتبط بالشباب ؟

الموضوع: هل إنت شايف إن التهور في السواقة مرتبط بالشباب ؟

LinkBack

أدوات الموضوع

عرض

-

-

لكل قاعدة شواذ -

-

-

-

المواضيع المتشابهه

الثقه بالشباب - منقول ...

التهور السعودي ...!!!

خاص بالشباب بلأسكندراااااااانية !!!

اقم صلاتك - هذا دينى - البركة بالشباب

دي آخرة التهور ...

الكلمات الدلالية لهذا الموضوع

المفضلات

المفضلات

ضوابط المشاركة