| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: هل التهور في السواقة مرتبط بالشباب ؟

المصوتون
97. أنت لم تصوت في هذا الإستطلاع
  • نعم

    44 45.36%
  • لا

    53 54.64%
صفحة 1 من 4 1 2 3 4 الأخيرةالأخيرة
النتائج 1 إلى 10 من 39

  1. #1

    الصورة الرمزية MoToRiZeR

    رقم العضوية : 2780

    تاريخ التسجيل : 25Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي هل إنت شايف إن التهور في السواقة مرتبط بالشباب ؟ - Facebook Twitter whatsapp انشر الموضوع فى :

    hasad">

    انا شايف معظم الناس مخلية فيه إقتران بين الشباب و التهور و إن الشاب اللي راكب عربية أبوه و أمه جايبنهاله و مش حاسس بتمنها و إن لو عمل حادثة بيجيبوله غيرها و إنه نازل الشارع فقط عشان يلعب و يجري و خلاص عرفنا قصة حياته و أبوه و أمه بمجرد إن شفناه معدي بالعربية ، و لو حصل أي موقف في الشارع بين شاب سايق عربية و راجل كبير سايق، الناس بتغلط الشاب قبل ما تعرف أي حاجة و من غير ما تشوف و مهما كان الموقف فا الشاب هو اللي غلطان .

    فين حين إن انا كل يوم عالطريق بشوف الناس و الشعر الأبيض بيزغرط في دماغها بتاخد من أدامي غرز مميتة ! و مميتة بمعني مميتة ... و يبقي معاه مراته و ولاده في العربية و ماشي زي الثعبان في الطريق و غرز غرز غرز .. ده غير إن اما يبقوا ماشيين وراك يبقي لازق فيك يعني لو لمست الفرامل لأي ظرف إنتوا الإتنين ضعتوا ! و انا بصراحة ببقي مستغرب جداَ و انا عندي 21 سنة و بجري ورا واحد عنده 40 ولا 50 سنة عشان أقوله سوق كويس إنت مش لوحدك في الشارع .

    انا مش عايز أخوض في حوارات قتلت بحثاَ زي إن الجيل اللي بيشتكي هو اللي ربي الجيل اللي بيشتكي منه في الأساس (هو يعني هيجيبوه من برة !؟) أو إن الشباب اللي بيترمي عليه كل اللوم جه الدنيا أصلاَ لقي البلد بتطلع في الروح .. انا بس هسأل سؤال بسيط جداَ

    هل إنت شايف إن التهور في السواقة مرتبط بالشباب ؟


    Leadership is based on inspiration, not domination


  2. #2

    الصورة الرمزية R A N A

    رقم العضوية : 11997

    تاريخ التسجيل : 01Jun2008

    المشاركات : 1,019

    النوع : انثى

    الاقامة : Cairo

    السيارة: مفيش ... هي سيارة واحدة والحمد لله

    السيارة[2]: New Accent 2010 - Maroon

    الحالة : R A N A غير متواجد حالياً

    افتراضي -

    والله عندك حق ياموتورايزر
    انا مرة في واحد كان هايتسبب في ان العربية تتقلب بيا او اخبط في سور الكوبري بسبب اني بطأت قدامه في مطلع الكوبري فعشان يعاقبني جه جري ورايا لحد ماعداني وبقي قدامي وعلى منزل الكوبري قعد يعمل حركات زي اللي بتيجي في الافلام الاجنبية لما يقعد ينزق عليك تيجي يمين يقفل عليك اليمين تيجي شمال يقفل عليك الشمال لحد ماكان هايلبسني في سور الكوبري بجد وبقيت اقول ايه المجنون ده بيعمل كده ليه (طبعا انا مكنتش اعرف ان هو ده اللي كان ورايا في مطلع الكوبري) هديت سرعتي وسبته يعمل العك بتاعه لحد ماخلص وبعدين جريت لحد ماحصلته وبقوله انت ايه اللي بتعمله ده انت كنت هاتموتني واذ بي افاجئ بإنه راجل كبير سنه يعدي ال 40 سنة او 45 مثلا وشعره ابيض شوية وعمال يزعقلي ويقولي انتي مين اللي علمك السواقة ومعرفش ايه وكلام كتير مفهمتوش وبعدين استوعبت انه هو نفس الراجل اللي كان عمال يديني كلكسات علي مطلع الكوبري والظاهر انه افتكرني مش عايزة اعديه فحب يلقني درس مميت كنت هاروح ضحيته انا واختي والعربية المسكينة عشان راجل معندوش لا اخلاق ولا ضمير ولا مخ ولا اي حاجة اصلا والغريب انه بعد مازعقلي ومشي اختى قالتلي مترديش عليه ده اصلا باين عليه مجنون لانه بعد ماعدانا كان هايخبط ولد ماشي علي رجليه وقعد يروح يمين وشمال زي ماعمل قدامنا باين عليه مجنون بجد.
    بجد عمري ماكنت اتخيل ان الغل يوصل ببني ادم لدرجة انه يزنق عليا بالطريقة المرعبة دي ولولا ستر ربنا واني اتحكمت في العربية شوية لكنت دلوقتي في عداد الاموات او بعاهه مثلا بسبب تهور الشخص ده منه لله وقع قلبي في رجليا اصلا.
    واهوه راجل كبير المفروض انه يكون عاقل ومحتر يعني وميعملش الحركات دي.
    بس هو موضوع ارتباط التهور بفئة الشباب ده ليه اسباب ان بعض الشباب مبتكونش فارقة معاه اوي وبيكون عنده طاقة زيادة وبيكون مندفع وتصرفاته مش محسوبة نتيجة لان خبرته في الحياة قليلة والدنيا لسة مبهدلتش فيه يعني زي الناس الكبار اللي عدوا المراحل دي وعقلوا يعني.

    مع اني شايفة بقي ان فئة الشباب دي اكتر فئة مظلومة وطالع عينيها وبتعاني بجد وكبرت قبل الاوان بسبب الظروف الزفت اللي نزلت علينا وعلي البلد دي


  3. #3

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    اقتباس المشاركة الأصلية كتبت بواسطة MoToRiZeR مشاهدة المشاركة

    و انا بصراحة ببقي مستغرب جداَ و انا عندي 21 سنة و بجري ورا واحد عنده 40 ولا 50 سنة عشان أقوله سوق كويس إنت مش لوحدك في الشارع .
    موقف حصل معايا قريب ...

    كنت ماشي بالعربية فى احد الأحياء الهادئة اللى معروف ان هناك فى تسيب مروري فظيع على اساس ان مفيش عسكرى و كدا ( حى الجامعة-ش.أحمد ماهر)

    المهم...ماشي زي اي بني ادم بيسوق ( الشارع كان فاضي خالص ) و لقيت واحد جاي عكس الطريق و منور الفوج و لما لقانى جاي فى وشه قعد يقلبلي عالى ( على أساس ان انا الى جاى فى الإتجاه الغلط يعنى ) ... روحت فاتح النور العالى .. ايوا... و روحت واقف في وشه ... و هو اشتغل كلاكسات وتقليب نور تانى ... روحت واخد يميني ( انا كنت ملتصق بالجزيرة اللى في النص ) و بعدين ببصله لقيته بيقوللى " فية أية يا بنى ؟ "
    تخيلوا ؟
    في اية يا بني ... ؟
    روحت ضاحك كدا و مشيت انا بكلم نفسي و بقول مفيش فايدة ...


    اللي يغيظ اكتر و اكتر انه كان راجل شكله عنده اكتر من 50 سنة و من الإستيكر بتاع جامعة المنصورة على العربية .. دا يوضح لكم انه فى الغالب دكتور جامعى ...


    لما الدكتور الجامعى مش عارف " فى أية ؟ "
    مين اللى هيعرف و يمشى فى الإتجاه الصح؟ ... بتاع الكاررو ؟


    و طبعا لأ موضوع التهور ملوش دعوة بالشباب و هفضل مصر على موقفى

    شكراً


  4. #4

    الصورة الرمزية ahmedsamir79

    رقم العضوية : 511

    تاريخ التسجيل : 07May2007

    المشاركات : 2,481

    النوع : ذكر

    الاقامة : Alexnadria

    السيارة: Verna

    السيارة[2]: Saba Saipa

    دراجة بخارية: No

    الحالة : ahmedsamir79 غير متواجد حالياً

    افتراضي -

    بجد يا جماعه
    ربنا يهدي


    مهندس أحمد سمير


  5. #5

    الصورة الرمزية mrghost

    رقم العضوية : 2585

    تاريخ التسجيل : 12Oct2007

    المشاركات : 4,564

    النوع : ذكر

    الاقامة : cairo

    السيارة: alto 2015

    السيارة[2]: verna 2015

    دراجة بخارية: لا يوجد

    الحالة : mrghost غير متواجد حالياً

    افتراضي -

    لسه تالت يوم العيد راجل كبير حوالى 50 سنه محترم معاه بيجو 406 وماشى طاير بعربيته وعمال ياخد فى غرز وفى الاخر خبط ولد بعجله وطبعا ضرب فرامل والحمد لله كنت وراه بمسافه المشكله نزل يبص على عربيته وقعد يشتم فى الولد !!!!!!!!!!!!


  6. #6

    الصورة الرمزية Abdo_Eldesokey

    رقم العضوية : 9965

    تاريخ التسجيل : 02May2008

    المشاركات : 1,867

    النوع : ذكر

    الاقامة : 6 October

    السيارة: non

    السيارة[2]: Toyota Corolla 2003 1300cc A/T

    دراجة بخارية: non

    الحالة : Abdo_Eldesokey غير متواجد حالياً

    افتراضي -

    اقتباس المشاركة الأصلية كتبت بواسطة SuccessCre8or مشاهدة المشاركة
    موقف حصل معايا قريب ...

    كنت ماشي بالعربية فى احد الأحياء الهادئة اللى معروف ان هناك فى تسيب مروري فظيع على اساس ان مفيش عسكرى و كدا ( حى الجامعة-ش.أحمد ماهر)

    المهم...ماشي زي اي بني ادم بيسوق ( الشارع كان فاضي خالص ) و لقيت واحد جاي عكس الطريق و منور الفوج و لما لقانى جاي فى وشه قعد يقلبلي عالى ( على أساس ان انا الى جاى فى الإتجاه الغلط يعنى ) ... روحت فاتح النور العالى .. ايوا... و روحت واقف في وشه ... و هو اشتغل كلاكسات وتقليب نور تانى ... روحت واخد يميني ( انا كنت ملتصق بالجزيرة اللى في النص ) و بعدين ببصله لقيته بيقوللى " فية أية يا بنى ؟ "
    تخيلوا ؟
    في اية يا بني ... ؟
    روحت ضاحك كدا و مشيت انا بكلم نفسي و بقول مفيش فايدة ...


    اللي يغيظ اكتر و اكتر انه كان راجل شكله عنده اكتر من 50 سنة و من الإستيكر بتاع جامعة المنصورة على العربية .. دا يوضح لكم انه فى الغالب دكتور جامعى ...


    لما الدكتور الجامعى مش عارف " فى أية ؟ "
    مين اللى هيعرف و يمشى فى الإتجاه الصح؟ ... بتاع الكاررو ؟


    و طبعا لأ موضوع التهور ملوش دعوة بالشباب و هفضل مصر على موقفى

    شكراً
    والله يا باشا الراجل ممكن يكون معذور ، يمكن جم في ساعة عصرية كده وغيروا اتجاه الشارع زي ما بيعملوا ، وطبعا ً لا انت ولا الراجل هتعرفوا الاتجاه الصح فين


  7. #7

    الصورة الرمزية Abo_Lina

    رقم العضوية : 624

    تاريخ التسجيل : 13May2007

    المشاركات : 2,860

    النوع : ذكر

    الاقامة : cairo

    السيارة: corolla 07 - wife's

    السيارة[2]: megane 05

    دراجة بخارية: none

    الحالة : Abo_Lina غير متواجد حالياً

    افتراضي -

    التهور مش مرتبط بالشباب و لكنه مرتبط بالشباشب الي بتسوق

    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب


  8. #8

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    الحسنه تخص والسئة تعم ...
    والشباب كله سيئات ... من 18 سنة ل 25 سنة معروف ان السن ده بيبقى متهور وسريع وميعملش حساب حد معاه فى الطريق ..( تفكير جاهل ) .
    انا لما ببقي سايق وحد يعمل حركة غبية واجى جمبه علشان اهزقه والاقيه رجل كبير ببعد عنه تماااااامااااا لانى عارف انه هيقول ان ده شباب متهور ومجانين وبتاع ومش ممكن يعترف بخطاه ابداا ...
    النهارده واحدة داخلة الميدان عندنا غلط ... ماشية عكس .
    وكنت هلبس فيها وش فى وش على طول والحمد لله خدت بالى قبلها . وفضلنا واقين قدام بعض لفترة ..
    وفى الاخر راحت قلت ادبها و قعدت تشتم وسكت مردتش وفضلت واقف بتاع 10 دقايق قدامها .. لغاية لما جه راجل قالها يا مدام انتى داخلة عكس وهو اللى صح ..
    راحت داخلة شارع جانبي وطارت من غير ما تعتذر حتى !!!


  9. #9

    الصورة الرمزية ibrahimsaad

    رقم العضوية : 3105

    تاريخ التسجيل : 10Nov2007

    المشاركات : 1,884

    النوع : ذكر

    الاقامة : Kafr El-Sheikh

    السيارة: Nissan Sunny 2014

    السيارة[2]: 128- اكسيل - فيرنا

    الحالة : ibrahimsaad غير متواجد حالياً

    افتراضي -

    بصراحه انا اللى شفته واعرفه ان معظم الشباب وليس كله متهور وده من اللى شفته بعينى من جرى وامريكانى وعدم التزام وقله ادب وعدم احترام من فئه الشباب اللى ماتعبش فى القرش او معتمد على والده ووالدته

    صحيح ممكن يكون كبار كمان بيعملوا كده لكن مش للدرجه دى

    http://www.nilemotors.net/Nile/signaturepics/sigpic3105_1.gif
    Dr Ibrahim Saad


  10. #10

    الصورة الرمزية hero

    رقم العضوية : 167

    تاريخ التسجيل : 24Apr2007

    المشاركات : 1,982

    النوع : ذكر

    الاقامة : A lot of Places

    السيارة: Lada2017

    السيارة[2]: Yaris

    دراجة بخارية: NA

    الحالة : hero غير متواجد حالياً

    افتراضي -

    hasad">

    انا في رأيي ايوة يا جماعه التهور في السواقة في الغالب الاعم مرتبط بالشباب...ودة طبيعي لان مرحلة الشباب هي اعلي مراحل الحيوية والطاقة و النشاط عند الانسان...وايلي ما بيقدرش يتحكم ويوجة الطاقة دي صح...بنشوف منهم حجات كتير غير التهور في السواقة...
    يعني اغلب ايلي بيتحرش بالبنات في الشوارع من الشباب..
    اغلب ايلي بيبلطج ...ويقل ادبة...ويتخانق علي الفاضية والمليانة..من الشباب..
    اغلب ايلي بيعملوا حوادث نتيجة خطأ بشري ...وغالبا سرعه فائقة..من الشباب
    اغلب ايلي قاعد علي القهاوي (بما فيها الكفايهات الحديثة) وبيدخن...من الشباب...
    اغلب ايلي علي النت ....وبيدردش ...من الشباب..
    اغلب ابطال الرياضين من الشباب....


    الشباب هو سن الطاقة والانتاج ...واغلب الاندافعات الهرمونية بتتم في الوقت دة...
    والشباب برضة علشان الناس تبقي عارفة....من سن المراهقة ...يعني من 17 ولا 18 سنة ....لحد 40 سنة...
    بعد الـ 40 سنة ...دي مرحلة العقل الراجع ...ومحاسبة النفس علي كل صغيرة وكبيرة ...ومرحلة بداية النهاية...الاياقاعات الحيوية بتقل ...وطاقة الجسم بتخبو..

    وطبعا لكل قاعدة شواز...يعني ممكن تلاقي واحد كبير بيتصابي...ودة حالة من حالات الخلل السلوكي او النفسي...
    وفي شباب ..مالوش في الجري والسخونة...والحجات دي....

    وعموما ربنا يهدي الناس كلها...

    ------------------------
    ملحوظة هامة....
    ما زلت في مرحلة الشباب......

    -----------------------------------------------------------------------

    "رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"
    ------------------------------------------------------------------------



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. الثقه بالشباب - منقول ...
    بواسطة Gelgel2004 في المنتدى المنتــــــدى الاجتمــاعى
    مشاركات: 0
    آخر مشاركة: 23-09-2012, 08:04 PM
  2. التهور السعودي ...!!!
    بواسطة abogogo في المنتدى مقــاطـع الفيــديـو و الكليبات و صـور للسيارات
    مشاركات: 3
    آخر مشاركة: 09-06-2012, 06:13 AM
  3. خاص بالشباب بلأسكندراااااااانية !!!
    بواسطة smsm_nabawy في المنتدى المنتــــــدى الاجتمــاعى
    مشاركات: 44
    آخر مشاركة: 14-09-2010, 07:27 PM
  4. اقم صلاتك - هذا دينى - البركة بالشباب
    بواسطة AirForces في المنتدى المنتــــــدى الاجتمــاعى
    مشاركات: 12
    آخر مشاركة: 22-07-2010, 11:38 PM
  5. دي آخرة التهور ...
    بواسطة aif في المنتدى المنتــــــدى العـــــــــــام للسيــارات
    مشاركات: 56
    آخر مشاركة: 27-05-2009, 11:12 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2