بسم الله الرحمن الرحيم

الاخوه الخبراء
أنا عربيتى أوبل أسترا موديل 2000 --- 1200 cc

العربيه كانت زى الفل لغاية ماحصل سدد فى منطقة دخول الزيت إلى الكامه
حصل بعدها أن الموتور طفا ومادرش تانى ------ نظرا لعدم الخبره تم تكرار محاولة
الدواره أكتر من مره مما أدى إلى كسر مسمار الكامه وطبعا حصل خربشه فى الكراسى

المهم وأسف للأطاله
رفعتها وروحت للميكانيكى قالى لازم تجيب شورت بلوك
ولأنى مش فاهم سمعت الكلام وغيرت الشورت بلوك وكلفتنى العربيه حوالى 7000 جنيه

المهم فى الكلام ده كله أن الموتور الاصلى عندى ونفسى أستفيد بيه
وأعوض جزء من اللى دفعته

قولولى أعمل أيه

ولكم الشكر