توفير اخر حاجة في السويفت.... و مشكلة!!!!

**Viper911** · 13-12-2008 08:52 PM

السلام عليكم يا جماعة و كل سنة و انتو طيبين....
عايز أأقول اني روحت عيدت في القاهرة بعربيتي السويفت موديل 1994 وانا ساكن في الاسكندرية ,, تصوروا اني قطعت المسافة كلها و كنت أنا فيها و والدي و والدتي و أخويا ((حجم كبير)) و مع العلم اني بحط بنزين 92.... ب 8 لتر بس!!!
أنا نفسي مكنتش مصدق بس بجد صباح التوفير ... بعني الصفيحه تعمل معايا 500 كلم؟؟؟؟
المهم أنا بقول ربنا يخليهالي بس كان فيه مشكله معايا .... على الرغم ان العربية مكنتش محملة أوي ((4 افراد و ده الطبيعي)) بس دايما في الطريق الصحراوي لما تيجي كده زي فواصل الكباري أو عند نهاية الكوبري في حتت كده فيها العربية بتنزل و تتطلع ألاقي العربية بترزع زي ما يكون السوسته بتجيب اخرها مع العلم ان العفشه بالكامل ((سوست و مساعدين)) سليمة بالكامل و ده بشهادة أكتر من 4 حدادين و العربية فبريقة بالكامل و العربية لسه مكمله معايا الثلاثة و عشرين ألف كلم... ف ايه السبب و هل ده طبيعي ولا لأ.... و ايه الحل يا جماعة عشان بجد أوحش حاجة هي العفشة في السويفت ...
و شكرا معلش طولت عليكم و كل سنة و أنتوا طيبين مرة تاااانية [/color][/font]

**NaviGator_13** · 13-12-2008 09:50 PM

العربية دى بتوفر فى البنزين جدا اااا
بس مش بتاعة شغل
يعنى عايزة استعمال ناعم علشان تعيش معاك

**nav man** · 14-12-2008 04:30 PM

مع احترامي لاخي navigator وعلي فكرة دا عملي.انا مباهدل العربية دي سفر وانا معيا ال93 من اسكندرية عندي لحد مطار القاهرة نصف التانك بس ومش طول الطريق ماشي 90 .العربية دي موفرة جدا للبنزين.انا بردوا لما بيقعد معيا 3 او 2 مليانين ورا بتهبد معي.لازم نعلي العربية من وار شوية ومعلش شوف مركز صيانة لسوزوكي يكشفولك عليها او ميكانيكي نظيف.

**nav man** · 14-12-2008 04:35 PM

اة معلش نسيت اقولك ان عفشة الويفت مش ناعمة زي اسمها ودا الطبيعي بتاع العربية.انا كنت بعملها صيانة في اسكندرية لحد 2006 وكان مهندس التوكيل معة سويفت واتكلمنا علي الموضوع دا.

**nav man** · 14-12-2008 04:36 PM

اسف كتبت الويفت وهي السويفت معلش علي السرعة

**rockana9112007** · 14-12-2008 05:16 PM

سؤال بسيط العربية موديل 1994 وعامل بيهاااااا 23000 كيلو بس ؟؟؟؟؟!!!

**NaviGator_13** · 14-12-2008 07:31 PM

المشاركة الأصلية كتبت بواسطة mohamed adel

مع احترامي لاخي navigator وعلي فكرة دا عملي.انا مباهدل العربية دي سفر وانا معيا ال93 من اسكندرية عندي لحد مطار القاهرة نصف التانك بس ومش طول الطريق ماشي 90 .العربية دي موفرة جدا للبنزين.انا بردوا لما بيقعد معيا 3 او 2 مليانين ورا بتهبد معي.لازم نعلي العربية من وار شوية ومعلش شوف مركز صيانة لسوزوكي يكشفولك عليها او ميكانيكي نظيف.

ياباشا انا مش قصدى السفر
السفر مش بيبهدل العربية زى ماانتا فاكر
اللى بيبهدلها السواقة الغلط والحرق على الماتور واكل المطبات والتخميس والذى منه

**Viper911** · 14-12-2008 07:32 PM

المشاركة الأصلية كتبت بواسطة mohamed adel

مع احترامي لاخي navigator وعلي فكرة دا عملي.انا مباهدل العربية دي سفر وانا معيا ال93 من اسكندرية عندي لحد مطار القاهرة نصف التانك بس ومش طول الطريق ماشي 90 .العربية دي موفرة جدا للبنزين.انا بردوا لما بيقعد معيا 3 او 2 مليانين ورا بتهبد معي.لازم نعلي العربية من وار شوية ومعلش شوف مركز صيانة لسوزوكي يكشفولك عليها او ميكانيكي نظيف.

شكرا على ردك بس يا باشا العربية لو عليت أكتر من الطبيعي ده بيأثر على المساعدين و كمان على الثبات ... يعني العربية مش ناقصة ان ثباتها يقل أصلا .... فيه حوار سمعت واحد حداد قالهولي هو ان السوست اللى ورا هما الى لازم يتغيروا عشان ضعاف فاقترح عليا اني أجيب سوست لادا قدام و يقصهم على قد العربية لانوا أكدلي ان العربية سوستها الى ورا تمام زي سوست الادا اللى قدام مع الفرق ان الادا أطول و أنشف.... و بصراحة مش عارف الكلام ده صحيح ولا غلط ياريت حد يفيدني عشان أنا تعبت من موضوع العفشة اللى ورا...

**Viper911** · 14-12-2008 07:38 PM

المشاركة الأصلية كتبت بواسطة rockana9112007

سؤال بسيط العربية موديل 1994 وعامل بيهاااااا 23000 كيلو بس ؟؟؟؟؟!!!

اه أنا فعلا لسه حتى مجبتش الثلاثة و عشرين ألف .... أصلاها كانت مرفوعه 13 سنة و لسه منزلها

**meno88** · 15-12-2008 12:44 AM

السلام عليكم
انا عندى سويفت93 وغيرت المساعد اللى ورا بس هو بيدى صوت خبطه عند اى مطب يا ترى ده من ايه ؟ ولما رحت لبتاع العفشه تانى اقوله ايه الحبطه دى قالى عشان لسه جديد لما تمشى بيها كتير هيروح
وكمان انا بحط بنزين 80 حلو ليها ولا لأ
وشكرا
واسف على التطويل عليكم